الوعد

البارت السادس عشر

ادهم: ياتري انت مخبي ايه وجايبني هنا علشانه؟؟
مراد اتعدل واتكلم بجديه...
مراد: فعلا معاك حق .. معتقدش ان ده السبب يلي انا جايبك هنا بسببه...
ادهم : اتوقعت ده... اتفضل ايه هو الشئ يلي جايبني علشانه بقي؟؟
مراد: الشئ يلي جايبك علشانه هو....

مراد سكت فاجأه واتفاجئ باللي شافه...

مراد في سره: ازاي جت هنا دي؟؟؟
ادهم: خير سكت ليه ؟؟
مراد: هاا ؟؟ لا لا متاخدش في بالك بس في حاجه مهمه لازم اعملها بسرعه وارجعلك...
ادهم: مانت لو كان وراك شغل كنت روحه ومتحيرنيش كده...
مراد وهو بيقوم: خمس دقايق بس مش هتأخر...

مراد مشي وادهم فضل يفكر ياتري مراد عايزه في نفس الموضوع ولا في حاجه تانيه؟؟ اتمني يكون ان في حاجه تانيه ...

مراد راح عند رانا ووقفها...
مراد: فهميني انتي ايه اللي جابك هنا؟؟
رانا : ايه ده؟؟ انت بتعمل ايه هنا؟؟
حياه بأستغراب: رانا مين ده؟؟
رانا: ااا ده مراد ياحياه بيكون صاحب ادهم الانتيم ومدير اعماله...
اااا مراد دي صاحبتي حياه وشاطره وعندها خبره في البرمجه والكمبيوتر...
مراد: اتشرفنا...
حياه: ميرسي...
مراد: المهم دلوقتي انتي لازم تمشي من هنا...
رانا: لييه ؟؟ في ايه هنا ؟؟
مراد وهو بيبص علي حياه: طب اييه اتكلم كده عادي؟؟
رانا: اه عادي هيا عارفه كل حاجه ...
مراد بصدمه: عاارفه كل حاجه؟؟؟!! بقي هو ده اللي الموضوع هيفضل سري وهنشتغل في السر؟؟؟
رانا: هيا صاحبتي اوي وتعتبر اختي علفكرة واسررانا كلها مع بعض فا مفيش مشكله...
حياه : متقلقش استاذ مراد انا مستحيل اطلع اي سر بره مهما يكون...
مراد: كويس انها جت عليكي والله شكلك محترمه .... بس المهم دلوقت ان ادهم هنا وانا زي ماقولتلك يارانا اني هحاول اكلمه ووجودك ممكن يبوظ الخطه لانه لو شافك هيسأل الف سؤال وانا معنديش اي اجابه...
رانا: بس يامراد احنا متعودين نيجي هنا علطول و ده اقرب كافيه هنا ...
مراد: طب حاولو تستخبو ومتبينوش نفسكو مش عاوز ادهم يشوفك بأي طريقه يارانا ...
حياه: خلاص استاذ مراد محدش هيشوفنا خالص متقلقش...
مراد: انا حاسس اني هبتدي اعتمد عليكي ... عقليه لو سمحتي واختفو من هنا بسرعه...
مراد مشي  ورجع عند ادهم تاني...
ادهم: ما لسه بدري ...
مراد: معلش كان في واحد صاحبي كان تعبان حبيت اطمن عليه...
ادهم: ادخل في الموضوع بقي ... كنت عاوزني في ايه؟؟
مراد: بص ياأدهم انت عارف ان احنا صحاب من سنين كتيره... واللي حصل في المكتب ده الصبح مكنش لازم يحصل بينا...
ادهم: انت اللي اضطريتني اعمل كده يامراد ... محاولتش تسمعني بس كنت داخل تزعق وبس اتهمت صحوبيتنا بأنها ضعيفه ونهيتها بسرعه بسبب مشكله صغيره دي حتي ميتقالش عليها مشكله..
مراد: عارف ياصاحبي ومقدر بس انت كنت عاوزني اعمل ايه؟؟ لما اعرف زيي زي اي حد غريب في الشركة ان اعز اصحابي هيتجوز مره واحده ؟؟ لا وكمان هيتجوز بنت هو مش بيحبها كنت عاوزني اجي واباركلك وقتها ؟؟ كنت عاوزني اجي واباركلك وانا شايفك بتهد مستقبلك بأيدك ؟؟ انت صاحبي واخويا كمان علطول كنت بعتبرك اخويا الكبير لانك الوحيد يلي كنت تقف جمبي وتدعمني وتنصحني علطول...
ادهم: وطول عمري هفضل ادعمك وانصحك علطول... بس انت لو تفهمني شويه بس يامراد ... انا زات نفسي مكنتش اعرف ان لين هتيجي وتعلن خطوبتنا كده ... انا اتفاجأت زي زيك بالضبط...
مراد: بس انت اكيد كنت قايلها انك هتتجوزها مش كده ؟؟ ولا هيا جت وعلنت ده مع نفسها كده؟؟
ادهم اتنهد: فعلا كنت واعدها بكده.... بس كنت مضطر...
مراد: ليه؟ ايه يلي غاصبك؟؟
ادهم: هقولك...

رانا بعد ما حكت لحياه عن اللي حصل... حياه كانت مندهشه من كل يلي سمعته...
رانا: بس ياستي.
وادينا اهو بنحاول نعرف ايه اللي خلاه يفكر يتجوز...
حياه: ياااه يارانا ده انتي حصل معاكي حجات كتيره اوي في الفتره الصغيره دي...
رانا: اعمل ايه بقي...
حياه: مبدأياً كده هو كمان بيحبك ...
رانا بأستغراب: وانتي عرفتي ازاي؟؟ ده انتي حتي مشوفتهوش...
حياه: مش لازم اشوفه ... كفايه اللي حكتيهولي عنه ... بس انا بجد بحسدك لاقيتي شارو ونصحك كمان ازاي تتجاهلي نصيحته؟
رانا: مانا بحاول انفذها اهو وربنا معايا...
حياه: بس الاهم دلوقت... ياتري انتي كمان بتحبيه ولا مجرد اعجاب؟؟
رانا بشرود: مش عارفه ياحياه... مش عارفه ازا كان ده حب او اعجاب ... كل مابصله بحسه بيقولي انه هو يلي هيكون جوزي بحسه بيخاف عليا وبيعاملني كأننا كنا نعرف بعض من زمان... بس تغيره معايا فجأه ده خلاني اتوه اكتر... حاليا انا مقدرش احدد اي حاجه غير لما اعرف ايه اللي جبره علي انه يتجوز... بس تعرفي ايه الحاجه الوحيده يلي متأكده منها؟
حياه : ياتري ايه ؟
ررانا: انا اتأكدت قد ايه شارو ده شخص عظيم وانه احلي بكتير في الحقيقه بجد يجنن...
حياه بضحك: هههههه ابدأي احسدي نفسك بقي ....
رانا: هحسدها بجد ... احلي حاجه حصلتلي ومستحيل انساها .. بتمني اقابله تاني قريب...
حياه: يارب ياختي بس اكون معاكي المره دي...
رانا: ههههه ماشي هدعيلك تكوني معايا...

ادهم: وبس كده .. ده يلي جبرني اني اتجوز لين...
مراد: امتي حصل كل ده يادهم وليه مقولتليش بعد اللي حصل ده؟؟
ادهم: عاوزني اقولك امتي يامراد؟؟ بعدها انا سافرت علطول واول لما رجعت الشركة لقيت الهيصا دي الحق اقولك امتي؟
مراد: طب انت هتتجوزها ازاي وانت مش بتحبها؟؟
ادهم: مش شرط اكون بحبها يامراد الحب ممكن يجي بعد الجواز بس اهم حاجه عندي دلوقت اني اصلح غلطي ...
مراد: طب ورانا؟؟
ادهم بأبتسامه حزن: رانا مقدرش اعملها اي حاجه دلوقت غير اني احاول ابعدها عني علي قد ماقدر.... علشان كل مابشوفها بحس اني ممكن ارجع في قراري... وجودها في حياتي هيتعبني وهيتعبها كتير فالأحسن لينا اننا نبعد... هيا لسه متعلقتش بيا فاده انسب وقت علشان ابعد...
مراد: غلطان يادهم... عمرك ماهتقدر تعيش مرتاح لما تضحي بحبك لانك هتفضل كل ماتشوف لين كل يوم الصبح هتفتكر رانا وعمرك ماهتقدر تسعد لين ولا تسعد نفسك ولا حتي رانا ...
ادهم: مش احسن مادمر سمعه بنت ملهاش زنب في حاجه واكسرها واكسر احلام اهلها بأنهم يشوفو بنتهم سعيده؟؟ حتي شغلها كمان ممكن يدمر... حجات كتير ممكن تحصل لو الجواز ده ماتمش يامراد...
ادهم بص في الساعه واتفاجأ ان الوقت سرقه ومخادش باله انه اتأخر.....
ادهم: مراد احنا لازم نمشي دلوقت علشان عندنا شغل مهم...
مراد: شغل ايه؟
ادهم: الجماعه يلي اتعاقدنا معاهم من شهرين ...
مراد: اه صح  نسيتهم ... خلينا نروح..

رانا وحياه لاحظو ان ادهم ومراد قامو وهيمشو... فاحاولو يخبو نفسهم بالمنيو يلي معاهم...
ادهم وقف لحظه وبص لمراد بإبتسامه مكر..
ادهم: لحظه يامراد... في حد لازم اسلم عليه قبل مانمشي....
مراد اتوتر علشان هما واقفين جنب طرابيزة رانا وحياه وخايف ان ادهم يشوفهم
مراد: مين الحد ده؟؟
ادهم لف وسند بأيديه علي الترابيزه وقال بأبتسامه المكر بتاعته: حابب اسلم علي صاحبك اللي كان تعبان ده .. (شال المنيو من ايد رانا) اصله مش من الزوق اني مطمنش عليه....
الصدمه موجوده علي وجوه الكل ماعدا ادهم فاهو لسه مبتسم ....

انتها البارت السادس عشر....

توقعتكو واتمني البارت يعجبكو ❤....