الوعد

البارت السادس

رانا اول لما شافت الطياره من بره وشافت حجمها خافت جدا واتوترت...
ادهم: يلا..
رانا بتوتر وخوف: يلا ايه؟؟ لا لا انا مش هركب...
ادهم: ليه في حاجه؟؟
رانا: ااه في انا بخاف اوي من الطيارات ومش هقدر اركب...
ادهم: امممم انتي ركبتي طياره قبل كده؟؟
رانا: لا..
ادهم: يبقي عرفتي ازاي انك بتخافي منهم ؟؟ انتي بس جربيها ومش هتخافي منها تاني...
رانا: شكلها مرعب اوي وانا كمان بخاف من الحتت العاليه...
ادهم بأبتسامه: متخافيش انا معاكي وصدقيني مش هتحسي بحاجه..
رانا غمضت عنيها: مااشي ...
ادهم اخدها وركبو الطياره وادهم اتقصد انه يقعدها جنب الشباك ....
رانا: انا مش عاوزه اقعد جنب الشباك يادهم مش عاوزه اشوف المنظر من فوق...
ادهم: انا اتقصدت اقعدك جنب الشباك علشان تشوفي المناظر الجميله وده هيساعدك انك تتغلبي علي خوفك متقلقيش..
رانا وادهم فضلو قاعدين شويه في الطيارة وبعدين الطيارة استعدت علشان تطلع وكل الركاب ربطو الاحزمه ورانا في حالة خوف وزعر...
ادهم: يارانا ممكن تهدي شويه الموضوع مش صعب والله..
رانا وهيا مغمضه عنيها جامد وخايفه: لا لا يادهم الموضوع صعب اوي بالنسبالي انت مش حاسس بحاجه...
ادهم: مانتي كده بتوتري نفسك ...انتي لو مفكرتيش في الموضوع مش هتخافي..
رانا: ااادهم هيا هتطلع امتي؟؟
ادهم وهو بيضحك: هيا طلعت من زمان احنا دلوقت في السما...
رانا فتحت عنيها وبصتله وهيا متفاجأه: اازاي انت بتهزر صح؟؟
ادهم: لا والله مش بهزر احنا في الجو دلوقت فعلا واتأكدي كمان اهو...
ادهم مد ايده ورفع الستاره عن الشباك وخلاها تبص منه ...
رانا بصت من الشباك وابتسمت لان المنظر جميل جدا فعلا....
ادهم: ها اتأكدتي ان خوفك مكنش له لزوم...
رانا هزت راسها بأبتسامه ...
شويه والمضيفه جت عندهم...
المضيفه: اهلا بحضراتكم تحبو تطلبو حاجه؟؟
ادهم بص لرانا: عاوزه ايه؟؟
رانا: اي حاجه مش مهم..
ادهم بص للمضيفه: كوبايتين قهوة لو سمحتي..
المضيفه: حاضر تؤمرني بحاجه تانيه؟؟ احنا في عندنا انواع تسالي تانيه وفي حلويات كمان لو تحب...
ادهم كان هيرد بس رانا سبقته...
رانا: لا شكرا ياحلوه ممكن تروحي وتشوفي باقي الركاب...
المضيفه: ماشي رحله سعيده..
رانا بأبتسامه قرف: شكرا...
ادهم: مالك كلمتيها بالطريقه دي ليه؟؟
رانا: مرتحتلهاش ..
ادهم: ليه والله كانت جميله ومؤدبه معانا...
رانا: انا عارفه النوع ده من البنات وهيا مش مؤدبه وطيبه كده مع كله هيا كده مع اللي يعجبها وبس..
ادهم: تقصدي ايه؟
رانا: ولا حاجه بس ابقي خلي بالك انت وابعد عنها ومتطلبش كتير كلها ساعه ونص ونوصل مش هتموت من الجوع يعني...
ادهم بأبتسامه مكر: امممم ماشي زي مانتي عاوزه..

لين: الخطه نجحت وهو صدق...
خالد: امممم طيب ممتاز مبروك..
لين: مالك ياحبيبي مش مبسوط؟؟
خالد: ازاي عاوزاني ابقي مبسوط ؟؟ انتي هتتجوزي راجل تاني وانا انا هرووح فيين؟؟
لين قربت منه ومسكت اديه: انا اكيد مش هسيبك يابيبي وانت عارف انا هتجوزه ليه من الاول ..هو معندهوش عيله ولا قرايب وانا لو اتجوزته هبقي الوحيده يلي من عيلته ولما يموت فاكل الثروه بتاعته هتبقي ليناا احنا الاتنين وهنتجوز كمان وهتمسك انت الشركة..صدقني هننجح وهنبقي اغنيه..
خالد: طيب يالين ..بس الفديو هتعملي فيه ايه؟؟
لين: هنخليه معانا علشان لو فكر يغير رأيه ...
خالد: الفديو ده مش حقيقي صح؟؟
لين: اكيد يابيبي ..انا مكنتش هسمحله اصلا..
خالد: طب وريني الفديو الحقيقي..
لين: معقوله للدرجه دي مش واثق فيا؟؟
خالد: مش قصه ثقه انا بس عايز اعرف ايه اللي حصل فعلا واشوف ازاي حببتي مبرمجه
شاطره..
لين: طيب هوريهولك...
لين طلعت التليفون من الشنطه وجابتله الفديو..
لين: اهو الفديو الاصلي..
خالد شاف الفديو وبعد ماشافه قال: يااه ده فعلا اللي يشوف الفديو ده يلاقيه مختلف تماما..
لين: شوفت مبرمجه انا بقي ولا لأ؟؟
خالد: احلي مبرمجه في الدنيا..طب بقولك ايه خلينا نحتفل بنجاح الخطه بقي..
لين : طبعاا لازم نحتفل خليني اقوم اجبلنا كاسين من اللي قلبك يحبهم...
خالد: ايووه بقي ...
لين قامت ودخلت المطبخ وخالد مسك تليفونه بسرعه وبدأ ينقل الفديو علي تليفونه..
خالد لنفسه: معلش بقي يالي لي ياحببتي لازم يكون معايا حاجه تأمني...

في الطيااره..
ادهم كان سرحان وبيفكر ياتري مستقبله هيبقي عامل ازاي مع لين؟؟ وهيعيش معاها ازاي وهل هو هيحبها ولا لأ؟؟

انتها البارت السادس....

توقعتكو واتمني البارت يعجبكو ❤....