الوعد

البارت التاني

رانا نزلت للدفعه بتاعتها بس لما وصلت...
مراد: كل ده تأخير انتي كنتي بتتفسحي في الشركه ولا ايه؟؟؟
رانا: انا اسفه بس ...
مراد قاطعها: اسفك مش هيفيد في حاجه انا شرحت لكل الطلاب دورهم وهيشتغلو ايه وانتي ملكيش شغل هنا اصلا شركتنا مبتسمحش لناس مهملين كده انهم يشتغلو فيها...
رانا كانت دموها بتزل ومكانتش مصدقه انها مش هتشتغل هنا...
رانا بعياط: طب حاول تسمعني بس يا استاذ انا...
مراد: مبقاش في مكان انا وزعت الادوار وخلاص خلص الموضوع...
ادهم: في ايه؟؟؟ ايه اللي بيحص هنا؟؟
وهنا تقريبا الكل انتبه لادهم حتي مراد وقف بأحترام اكتر...
مراد: دي واحده من الطلاب وراحت الحمام وراحت تتفسح في الشركه ومبقاش ليها مكان هنا...
ادهم راح وقف جنب رانا واتكلم...
ادهم: انت ياتري شوفتها وهيا بتتفسح؟؟
مراد: لا بس...
ادهم قاطعه: مابسش هيا مكانتش بتتفسح هيا فعلا مكانتش لاقيه الحمام وانا ساعدتها... ولو ياسيدي علي المكان فامتشغلش بالك انت...
مراد: ازاي؟؟ كل الشغل يلي كنا محددينه للطلاب خلاص...وانا شرحت كمان ومش هعيد تاني...
ادهم: انا عينتها سكرتيرتي ... وهشرحلها كل حاجه عن شغلي يعني متتعبش نفسك انت اوك؟؟. (ادهم بص للطلبه) وانتو اتشرحلكو كل حاجه ممكن تروحو وتبدأو اتفضلو...
رانا كانت باصه لادهم طول الوقت ومكانتش مصدقه كل حاجه حصلت حواليها بس في نفس الوقت كانت مبسوطه انه دافع عنها وطلع شخص كويس...
الطلاب طلعو يستلمو شغلهم وادهم بص لرانا ومسحلها دموعها...
ادهم: متعيطيش بقي.. انتي اتأخرتي بسببي وعلشان كده كان لازم اتصرف...
رانا : انت مقولتليش ليه انك صاحب الشركه؟؟
ادهم: وانتي عرفتي منين؟؟
رانا: اول لما جيت كل الموظفين كانو بيحترموك وخايفين منك في نفس الوقت وليك كلمتك برضه فا ده يدل علي ايه؟؟
ادهم بأبتسامه: نسيت انك عندك ملاحظه.. بس انتي لازم تعرفي ان مش كل الناس ذكيه شبهك ..وانا كمان من ضمن الناس دي ....
رانا: مش فاهمه.. تقصد ايه؟؟
ادهم : اقصد اني معرفتش استنتج لحد دلوقت اسمك ؟؟
رانا ضحكت وقالت: معلش نسيت اقولك..
ادهم: مش مشكله خلينا نعيد من الاول(ادهم مد ايده علشان يسلم) انا ادهم صاحب الشركه دي...
رانا مدت اديها وسلمت عليه وقالت: وانا رانا سكرتيتك...
ادهم: طب احنا هنفضل نضيع الوقت كده المفروض نروح نبدأ الشغل..انا مبحبش الموظفين المتكاسلين ابداا...
رانا: انا مش كسوله انت يلي عمال تتكلم معايا ومعطلني عن شغلي...
ادهم: بقي انا السبب دلوقت؟؟ خلاص ياستي وانا بقولك خلينا نروح نشتغل قدامنا شغل كتير...
رانا: ماشي يلا....

رانا بدأت شغلها الجديد مع ادهم وكانت مبسوطه فيه...ادهم كان شخص مميز فعلا وفي قمة الاحترام في معاملته معاها... ادهم كان بيحس بالارتياح معاها وبيحس انها فاهماه في كل حاجه...
ادهم: وكده خلاص ياستي الشغل كله خلص...
رانا: بجد ده خلص بسرعه اوي...
ادهم: علشان ده اول يوم ليكي بس فانا مرضتش اضغط عليكي فيه.. بس استني شويه شويه هتتنفخي ههههه
رانا: ماشي هنستني... انا لازم امشي دلوقت علشان اتأخرت....
ادهم: طيب ماشي يلا...
رانا: يلا ايه هو حضرتك هتيجي معايا ولا ايه؟؟
ادهم: اه طبعا المفروض اني اوصلك لاني بقيت مديرك والمسؤل عنك...
رانا: لا بجد ملهوش لزوم انا هروح لوحدي عادي ...
ادهم: بصي انتي لو قعدتي ترفضي من هنا لحد بكره مش هتغيري رأيي و إزا كنتي عنيده فأنا اعند منك ومش هتلاقي حد ينافسني في العناد...
رانا: يااستاذ انا....
ادهم قاطعه: الموضوع انتها.. وبعدين بلاش استاذ دي احنا مش اتصاحبنا ولا ايه؟؟
رانا: مينفعش حضرتك مديري برضو...
ادهم: ياستي انا مديرك وبقولك متقوليليش استاذ قوليلي ادهم عادي...
رانا بكسوف: ماشي ياادهم...
ادهم: يااه مكنتش اعرف ان اسمي حلو اوي كده انا بدأت احبه...
رانا ضحكت وادهم شاورلها بانهم يروحو...
واول لما طلعو من الباب...
لين: ادهومي ازيك؟؟
ادهم اتفاجئ بلين قدامه وسلم عليها...ورانا مش عارفه مين دي...بس فضلت ساكته...
لين: حلوه المفاجأه مش كده ؟؟
ادهم: اه فعلا حلوه...
لين وهيا بتبص لرانا: طب ايه مش هتعرفنا؟؟
ادهم: اه لين دي رانا سكيرتيرتي الجديده..ورانا دي لين صاحبتي...
رانا مدت اديها علشان تسلم بس لين تجاهلتها ...
لين: بس دي شكلها بيئه اوي ياادهم متلقش خالص انها تكون سكيرتيرتك..
ادهم: لين لو سمحتي رقبي الفاظك...وبعدين انا من امتي بهتم بالشكل في الشغل اهم حاجه الكفائه والاخلاص ...
رانا: ادهم انا هستناك تحت عن ازنكو...
ادهم : ماشي انا جاي وراكي...
لين: انت ازاي تسمحلها تقولك يادهم وبعدين تستناك ليه؟؟؟!!!
ادهم: ايه مش ده اسمي وبعدين هتستناني علشان اوصلها...
لين: وتوصلها ليه ان شاء الله...
ادهم: علشان انا عاوز اوصلها... عن ازنك...
ادهم سابها ومشي ولين كانت مليانه غيظ من رانا.....

انتها البارت التاني....

توقعتكو واتمني البارت يعجبكو ❤....