الوعد

البارت الثامن

رانا راحت أوضه ادهم وخبطت عليه.. بس هو مفتحش ..فضلت تخبط وبرضو مفتحش فكرت انه يمكن يكون نام بس هو ملحقش ولو كان نام كان زمانه صحي من كتر الخبط... ياتري ممكن يكون حصله حااجه؟؟
رانا فضلت تفكر تعمل ايه ...فكرت انها تتصل بيه...
رانا: اااوف نسيت اننا بره مصر ومعييش رقم دولي... اعمل ايه بقي؟؟ ااه صح هو اداني نسخه تانيه من المفتاح بتاع اوضته... ازاي نسيته..
رانا راحت وجابت النسخه التانيه وفتحت الباب بس ملقتهوش جوه...
رانا بخوف: اااادهم ...ادهم انت رحت فين؟؟
ادهم طلع من الحمام واستغرب انه لقي رانا في اوضته..
ادهم : راانا؟؟ خير في حاجه؟
رانا لفت بسرعه وشافته.. وحست بأرتياح انه طلع في الاوضه...
رانا: انت كنت فيين قلقتني ؟؟؟
ادهم : كنت بتمشي شويه ..
رانا بأستغراب: كنت بتتمشي بالبورنص؟؟
ادهم: قولي لنفسك حضرتك انا ممكن اكون فين باللبس يلي انا لابسه ده ؟؟ اكيد كنت في الحمام وباخد شور ...وبعدين انتي ايه اللي مصحيكي لحد دلوقت المفروض تنامي علشان هنصحي بدري...
رانا قعدت علي طرف السرير وبدأت تتكلم بنبره برائه: انا عارفه بس انا مش عارفه انام...
ادهم: مش عارفه تنامي ازاي ؟؟
رانا: زي الناس عادي مش جاييلي نوم بتحصل وغير كده انا بخاف انام لوحدي...
ادهم : طب وانا ايه المطلوب مني بقي؟؟
رانا: معرفش انا عاوزه انام من غير ماخاف بقي اتصرف ..
ادهم في سره: اللهم طولك ياروح.
رانا: بتقول حاجه؟؟
ادهم: اه بقول.. بقول انا اعملك ايه بس علشان اخليكي تبطلي خوف.. شايفاني دكتور نفسي؟؟
رانا: لا مش دكتور نفسي بس انت ساعدتني قبل كده اني اتغلب علي خوفي من الطيارة فاكيد زي ماساعدتني وقتها ممكن تساعدني دلوقت..
ادهم: انتي علطول بتخافي من كل حاجه كده؟؟
رانا: لا انا مش بخاف علي فكره من اي حاجه هيا بس الحجات الجديده ...انا شجاعه..
ادهم: طب الطياره وكانت سهله وجربتيها اساعدك في النوم ازي؟؟! عاوزه تجربيه كماان؟؟
رانا: اووف خلاص هساعدك.. انت ممكن تخليني اعمل مجهود كبيرلحد ماتعب وانام وكده مش هخاف بقي...ايه رأيك؟؟
ادهم: افندم؟؟!! ودي تتعمل ازاي بقي ان شاء الله اتعبك ازاي بقي؟؟
رانا: يااه يادهم هو انا هفضل اقولك تعمل ايه علطول؟؟
ادهم: معلش ياستي هتعبك معايا شويه..
رانا: خلاص .. انا اقولك ايه اكتر حاجه بتتعبني.. اني الف....
ادهم: تلفيي ازاي؟؟
رانا: الف في المحلات والشوارع يادهم... انا بحب اني اروح كل مكان ودي فرصه حلوه اوي احنا في دبي و مش هنلاقي احسن من هنا علشان نلف وغير كده اننا هنمشي بكره فامش هلحق اشوفها..
ادهم: طيب تمام اتفضلي روحي لفي..
رانا: يعني ايه ؟؟ انت مش هتيجي معايا؟؟
ادهم: اجي معاكي فين انتي مش جايلك نوم وعاوزه تلفي علشان تنامي.. بس انا تعبان وعاوز انام وعندي شغل بدري وممكن انام منك لو رحت معاكي فاروحي انتي لوحدك بقي...
رانا: ازاي اروح لوحدي انا مش عارفه اي حاجه هنا وممكن اتوه ...وغير كده متنساااش اني سكرتيرتك ومن مسؤليتك في السفريه دي واني لو حصلي اي حاجه انت اللي هتتسأل وشغلك هيبوظ علشان الملفات بتاعت الثفقة كلها معايا وانت بتبهدل كل حاجه ومش هتلاقيهم وهتضيعهم .. فالازم تساعدني علشان اساعدك...
ادهم: اعتبر ده تهديد؟؟
رانا: انا مبهددش انا بفكرك بس علشان انا مسؤليتك ولازم تستحمل بقي...
ادهم: انا عارف من الاول ان اليوم ده مش معدي... اتفضلي حضرتك اطلعي استنيني بره...
رانا: شطور مستنياك ومتتأخرش..
رانا طلعت وادهم غير هدومه ونزلو يتمشو ويلفو في شوارع دبي...

انتها البارت الثامن....

توقعتكو واتمني البارت يعجبكو ❤....