الوعد

البارت الرابع عشر

مراد: ها قولتي ايه موافقه يارانا؟؟
رانا: موافقه .... هنتعاون علشان نساعد ادهم...
مراد بفرح: ممتاااز..
رانا: ودلوقت ايه الخطه؟؟
مراد: بصي احنا لازم قبل اي حاجه نفهم الموضوع ونعرف ايه اللي ورا الجوازه دي...
رانا: وهنعرف ازاي؟؟
مراد: دي تسيبيها عليا انا هتصرف...
وانا: طيب وانا هعمل ايه؟؟
مراد: مفيش غيرك بيقدر يطلع ادهم من موده انتي لازم تحاولي تخليه ميكونش متعصب علشان اقدر اشتغل انا...
رانا: مع ان الموضوع ده صعب بس اشطا هحاول...
مراد: كويس حاولي علي قد ماتقدري بس المهم انك تروحي دلوقت علي مكتبك علشان ادهم ميشكش في حاجه....
رانا: اوك سلام...
رانا مشيت ورجعت علي مكتبها بس ملقتش ادهم ... بدأت تقلق عليه علشان هو بقاله وقت طويل نازل ولسه مجاش....
فكرت انها تتصل بيه بس تليفونه مقفول...شويه ولقت ادهم داخل المكتب وشايل الجاكيت بتاعه علي ضهره...
رانا جريت عليه وهيا قلقانه..
رانا بقلق: ادهم انت كنت فين وليه تليفونك كان مقفول؟؟

ادهم: محقق حضرتك علشان تسأليني كنت فين وتليفوني كان مقفول ليه؟؟
رانا افتكرت اللي ادهم قالهولها وشتمت نفسها في سرها...
ادهم: بتقولي حاجه؟؟
رانا: ممكن اعرف ايه اللي غيرك كده؟ ازاي اتغيرت بالشكل ده ؟؟ انا عملت ايه غلط فهمني؟؟
ادهم مشي وراح قعد علي مكتبه بمنتهي البرود وشغل اللابتوب ومردش عليها...
رانا:  انت ليه متجاهلني كده؟
ادهم وهو باصص في اللابتوب: عملتي يلي طلبته منك ؟
رانا بعصبيه: لااا معمللتش حااجه ومش هعمل وانا شغلي هنا خلص .... مش انت عاوز تتجاهلني اتجاهلني براحتك....
رانا قالت جملتها دي وطلعت بره المكتب وهيا متنرفزه ومتعصبه ...
ادهم رجع ضهر علي الكرسي وبدأ يكلم نفسه تاني....
ادهم: صعب عليا اني اتجاهلك وابعدك عني بس كده احسن ليكي بكتير.... هييييح

مراد شاف رانا وهيا طالعه من الشركة واستغرب علشان لسه مجاش معاد مرواحها وخاف الايكون ادهم قالها حاجه فقرر يروح ورااها....
مراد وهو بيجري ورا رانا: راانا استنني..
رانا وقفت وغمضت عنيها وهيا متعصبه وخدت نفس طويل وطلعته....
مراد: خير يارانا ليه طالعه دلوقت لسه وقت الشغل مخلصش...
رانا بنبره عصبيه: مبقتش عاوزه اشتغل هنا تاني انا هستقيل مش هقدر استحمل كل ده...
مراد بأستغراب : تستقيلي؟؟!! ليه ايه اللي حصل ؟؟
رانا: ليه بتسألني انا روح اسأل صاحبك كل ماجي اقوله كلمه يتجاهلني ويغير الموضوع ويقلبه شغل ولا فوق كده بيديني اوامر وواجب التنفيذ كمان تقولش السلطان...
مراد خبط بأيده علي راسه ونفخ بقوه...
رانا: ايه في ايه؟؟
مراد: بقي انا ابعتك عند ادهم علشان تحاولي تهديه ومتخلهوش يتعصب علشان ختطنا تنجح تقومي تتعصبي انتي وتعصبيني انا كمان ؟؟؟!!! لا بجد برااافووو عليكي...
رانا: يعني عاوزني اعمل ايه يامراد يتجاهلني كده ويقعد يتكلم معايا بالأسلوب ده وعاوزني اسكتله؟؟
مراد: لا ياستي العفو ... انتي ازاي سكتيله ليه مقومتيش ادتيله قلمين احسن ؟؟ ولا اقولك كنتي لاعبيه ماتش مصارعه....
رانا: خلاص اهو اللي حصل بقي مقدرتش اسيطر علي نفسي...
مراد: اه وانا يلي هلبسها بقي...
رانا: هنعمل ايه دلوقت؟؟
مراد: خلاص هروح انفذ دوري واحاول اعرف منه هو عمل كده ليه ... روحي انتي دلوقتي علي البيت...
رانا: طب وانا هاجي الشركة تاني بكرة ازاي ؟؟
مراد: ليه ماتيجي الشركة عادي بكرة فيها ايه؟؟
رانا: هو انا مقولتلكش؟؟
مراد وهو مبحلق: عملتي ايه تااني؟؟
رانا: لا هو انا معملتش اوي بس تقريبا بعد ما شديت انا وهو قولتله اني همشي من الشركة وحاجه كده اشبه بطلب الاستقاله....
مراد: اللهم اني لا اسألك رد القضاء ولكني اسألك اللطف فيييه يااااارب....
رانا: امين يارب...
مراد: اتفضلي اتفضلي روحي علي ماحااول اصلح يلي هببتيه ده انا لو مكنتش شرحتلك الخطه مكانش زمانك عملتي اللي عملتيه ده كله ... اتفضلي سلام...
مراد مشي ورانا فضلت واقفه ومستغربه...
رانا: غريب....
مراد: دخل الشركة وطلع لمكتب ادهم وكان مقرر انه يخليه يعترف بكل حاجه بس مش في المكتب ...
مراد خبط علي باب المكتب وادهم اذن له بالدخول .. وادهم نوعاً ما فرح ان مراد رجع تاني بس حاول ان ميبينش....
ادهم: أفندم خير؟؟
مراد:....

انتها البارت الرابع عشر...

توقعتكو واتمني البارت يعجبكو ❤....