الوعد

البارت العاشر

رانا: ادهممم حاااسب..
ادهم انتبه ولف بسرعه قبل مايخبط في العربيه يلي كانت قدامه....
رانا: الحمد لله جات سليمه...
ادهم: فعلا ....
ادهم وصلها ورجع بيته... بس اول لما رجع اتفاجئ...
ادهم بصدمه: ليين؟؟ انتي بتعملي ايه هنا وازاي دخلتي؟؟؟
لين بأبتسامه: دخلت من الباب عادي... بس جيت ارحب بيك بعد مارجعت من السفر..حمد الله علي السلامه...
ادهم: الله يسلمك ... شكرا ليكي انك عملتي كل ده علشان تستقبليني..
لين: عجبتك الزينه ... كل ده عملته علشانك ... مابالك بقي لما نتجوز انت بقي يلي هتعملي صح؟
ادهم افتكر موضوع الجواز وكان ناسيه تماما رانا خلته ينساه...
لين: ادهم فينك رحت فين؟؟
ادهم: لا انا اهو سرحت شويه بس..
لين راحت وحضنته: اسرح زي منتا عاوز دلوقت علشان بعدين مش هتسرح غير فيا انا ... صح يابيبي؟؟
ادهم باعدها عنه براحه : ايوه فعلا بس الاحسن دلوقت انك ترجعي بيتك بلاش يحصل زي المره اللي فاتت احسن...
لين: طيب ماشي بس كنت عاوزه اتكلم معلك في موضوع...
ادهم: خير..
لين: ادهم انا شايفه اننا لازم نستعجل شويه في موضوع جوازنا يعني احنا مش ناقصنا حاجه مفيش داعي اننا نأجل اكتر...
ادهم كان شايف ان كلام لين صح وان مفيش داعي انهم يأجلو اكتر بس ... ليه هو مش موافق من جواه؟؟ ليه في حاجه مخلياه يتردد اكتر؟؟ ليه حاسس بحيرة غريبه؟؟
ادهم: لين انا مش شايف ابدا اي سبب يخلينا نستعجل برضو .. احنا لسه اول امبارح مقررين القرار ده ملحقناش اكيد محتاجين وقت علشان نتعرف علي بعض اكتر...
لين: طيب علي القليله خلينا نتخطب.؟؟
ادهم: طيب هنشوف الموضوع ده بعدين الوقت اتأخر ولازم تروحي ...
لين: اوك باي ..اشوفك بكرة..
لين باسته من خده ونزلت من البيت... وادهم لسه قاعد في صدمته ومش عارف يعمل ايه... بقت مشكله مش عارف سببها ... عقله بيقوله ان دي البنت المناسبه ليه من كل النواحي ... جميله ويعرفها واشتغل معاها كمان ...كفايه انها بتحبه...
بس قلبه بيقوله انت مش بتحبها ...
عقله الحب ممكن يجي بعد الجواز عادي...
قلبه.. وليه تخلي مستقبلك وحياتك الزوجيه تتبني علي ممكن؟؟
عقله انت نسيت سمعتها؟؟ اغلي حاجه عند البنت سمعتها انت غلط ولازم تستحمل غلطتك...
ادهم طبعا سمع كلام عقله وقفل النقاش ودخل يرتاح....

رانا طبعا لما رجعت اهلها كانو في انتظارها وكلهم فرحو برجوعها بالسلامه...
رانا راحت ترتاح تاني علي سريرها وتفكر في يومها وفي كل حاجه... وكلام شارو لسه بيرن في ودنها .. طول عمرها عارفه انه صاحب حكمه وليه نظره في الحياة ونصيحته بتبقي صح دايما ... افتكرت طريقه كلام ادهم معاها وانه بيحترمها جدا ومبيعاملهاش كأنها مجرد موظفه ... معقوله ده السبب... فجأه راسها بدأت توجعها من كتر التفكير وقررت انها تبطل وتنام بقي....

النهار طلع وادهم بيلبس ونازل للشركه... بس لقي تليفونه بيرن من رقم ميعرفهوش...
ادهم: الو....

انتها البارت العاشر....

توقعتكو واتمني البارت يعجبكو ❤....