الوعد

البارت السابع عشر

الصدمه موجوده علي وجوه الكل ماعدا ادهم فاهو لسه مبتسم ....
مراد حط ايده علي وشه وكان بيدعي ان الموضوع يعدي علي خير.....
رانا بتوتر: اااا ادهم ااانت ايه اللي جابك هنا؟؟
ادهم: ايه ده ازاي؟؟ معقوله مش عارفه؟؟ مع انك كنتي مخططه انك تجيبيني هنا انتي ومراد....(بص لمراد) مش كده يامراد ولا ايه؟؟
مراد مكنش عارف يقول ايه وشاف انه يفضل ساكت احسن...
ادهم: مالكو ساكتين ليه؟؟ ... مستغربين انا عرفت منين صح؟؟
ادهم راح ووقف قدام مراد وحط ايده علي كتفه...
ادهم: تاني مره يامراد لما تحاول تخبي حد متفضلش واقف معاه في نص الكافيه كده وتفضل ترغي حاول في اقرب فرصه انك تخبيه.... اوك...
ادهم بص لرانا وكمل كلامه: انا حكتله عن السبب يلي هيخليني اتجوز .. تقدري تبقي تعرفيه منه بقي ...
ادهم مشي ومراد فضل باصص لرانا بحزن ورانا مش مصدقه كل اللي حصل....
مراد : هنعمل ايه دلوقت؟؟
رانا سندت راسها علي اديها وقالت...
رانا بحيره: مش عارفه يامراد ... هو عرف باللي بنخططله واكيد مش هيسامحني... مفيش حل خالص...
حياه: لا في حل...
مراد ورانا بصو لحياه بأستغراب ...
رانا: ايه هو؟؟
حياه: بلاش لف ودوران كتير .. واضح انه مش ببحبه خالص.. انتي لازم تتعاملي معاه دوغري ومن غير تخطيط....
مراد: تقريباً حياه معاها حق ادهم فعلا بيكره اللي بيلف ويدور عليه بس هنعمل ايه دلوقت؟؟
حياه: بسيطه ... منلفش وندور وندخل دوغري في الموضوع...
رانا ومراد بصو لبعض ومش فاهمين كلام حياه...
حياه: هوضحلكو.... بس لازم الاول نفهم ايه السبب يلي خلا ادهم يتجوز من ... كان اسمها ايه؟؟
رانا بقرف: لين...
حياه: ااه اللي ماتتسمي لين دي...
مراد: ادهم فعلا زي ماتوقعنا كان مجبور علي كده...
رانا: بجد يامراد!!! يعني ادهم مش بيحب لين؟؟
مراد: لا هو مش بيحبها ...
حياه: طب ايه اللي جبره انه يتجوزها؟؟
مراد: الموضوع.....

ادهم كان راكب العربيه بتاعته وكان راجع علي بيته... كان متعصب وزعلان من اللي رانا عملته... طب مراد وهو عارف طريقه تفكيره بس رانا عاقله معقوله تخطط مع مراد علشان تعرف معلومات عنه؟؟
ادهم في اللحظه دي قرر انه لازم مايضيعش وقت اكتر... رانا بتحاول تعرف ايه السبب يلي مجبره انه يتجوز واكيد دلوقت مراد هيقولها... وبكده ممكن تبعد عنه ... فالازم يستعجل بقراره مع لين...
مسك تليفونه واتصل علي لين...

لين بضحكة مايصه: هيييييي اااه منك يادودي متصبليش كتير اوي كده...
خالد: ده علشاان يظبط الدمااااغ وتبقي عاليااا معاانا...
لين لقت ادهم بيرن عليها واتفاجأت...
لين: ده ادهم...
خالد وهو بيشرب: ردي شوفيه..
لين: الو ايوه يادهم....
ادهم: لين كنت عاوز اكلمك في موضوع بخصوص خطوبتنا...
لين: ططبعا اتفضل في حاجه؟؟
ادهم: انا موافق ان خطوبتنا تبقي بكرة.. بس بنفس الشروط يلي قولتلك عليها...
لين بفرح: بجد يادهم؟؟
خالد: اييه في ايه؟
لين شاورتله يستني..
ادهم: اه بجد و هحاول اخلي الفرح بأسرع وقت بعدين...
لين: انااا بجد مبسوووطه اووي ...ميرسي اوي يادهم...
ادهم: مضطر اقفل دلوقت علشان سايق..سلام
لين: ماشي سلام بيبي...
خالد: اخلصي قولي في ايه؟؟
لين: ادهم كان بيقول انه هيعمل خطوبتنا بكرة وانه هيحاول يستعجل بالفرح بعدين...
خالد: اه تمام مبروك....
لين قربت منه وسندت راسها علي صدره وقالت بدلع..
لين: حبيبي انت عارف اني بعمل كل ده علشانا احنا الاتنين وعلشان نعيش مبسوطين في الاخر...
خالد: مش عارف امتي الموضوع ده هينتهي بقي...
لين: قريب خالص بيبي ..بس اهم شئ عندي دلوقت انك متكونش زعلان...
خالد: مش زعلان..
لين: لا بس شكلك زعلان وبتقولها من غير نفس...
خالد: طيب زعلان هتعمليلي ايه؟؟
لين وهيا بتقرب منه: هصلحك...
خالد: بس انا مبتصالحش بسرعه...
لين: مش مهم خد وقتك...
خالد شالها مره واحده وقال: وريني هتصلحيني ازاي بقي... بس خلينا نتصالح جوه احسن...

بعد ما مراد حكالهم اللي قالهوله ادهم رانا كانت مصدومه ... ومكنتش مصدقه ان ادهم ممكن يعمل كده...
مراد : انا عارف انتي بتفكري في ايه بس صدقيني هو مش كده خالص ... ادهم مستحيل يعمل كده .. هو مكانش في وعيه ساعتها...
حياه: بس يامراد في حاجه مش صح في اللي انت قولته او حاجتين كمان مش واحده...
مراد بأستغراب: ايه هيا؟؟

انتها البارت السابع عشر.....

توقعتكو واتمني البارت يعجبكو ❤....