خالد: رانا معايا؟؟
رانا: ايوه انا مين حضرتك؟؟
خالد: مش مهم انا مين المهم انا بتصل بيكي ليه انا معايا حاجات هتغيرلك حياتك خالص...
رانا: لا بص انا مش فايقالك خالص تمام وياريت متتصلش علي الرقم ده تاني والا هبلغ عنك...
خالد: طب لو قولتلك ان الموضوع ميخصش حياتك وبس يخص حياة ادهم كمان؟؟
رانا: انت مين؟؟
خالد: قولتلك مش لازم تعرفي انا مين بس المهم دلوقت اني معايا دلايل تسبت ان لين كذابه وان الولد ده مش ابن ادهم اصلا...
رانا: اييه؟؟ ااا ايه اللي انت بتقوله ده؟؟
خالد: الحقيقه ولو عاوزه الدلايل دي انا ممكن اديهالك...
رانا: طيب وانت ايه مصلحتك من الموضوع ده كله من الاخر؟؟
خالد: يعجبني ذكائك ... مصلحتي من الاخر مليون جنيه ...
رانا: ايييه مليوون؟؟ وانا اجبلك المبلغ ده كله منين؟؟
خالد: ده مبلغ يعتبر ولا حاجه قدام الفلوس يلي مع ادهم ...
رانا: فلوس ادهم مش فلوسي...
خالد: اتصرفي بقي ياشطره المهم تجيبيلي الفلوس اجبلك الدليل غير كده ميمشيش...
رانا: طيب ماشي هتصرف بس انا ايه اللي يسبتلي انك معاك دلايل اصلا مش يمكن بتضحك عليا؟؟
خالد: تقدري تشوفيه بنفسك لما تيجي تسلميلي الفلوس ..
رانا: وهسلمهملك فين بقي؟؟
خالد: بكره في #### الساعه 8
رانا: طيب بس ..
خالد قفل السكه ورانا استغربت ياتري مين الشخص ده اللي ممكن يكون معاه دليل علي لين ويعرفهم منين ؟؟؟ قررت انها تقول لحياه ومراد عن الشخص ده ويقررو هيعملو ايه...
في اليوم التاني رانا اجتمعت بمراد وحياه في كافيه ...
حياه: خير يارانا ليه جبتينا هنا؟؟
مراد: في حاجه حصلت معاكي ؟؟
رانا: اه في..
حياه: ايه اللي حصل في ايه؟؟
رانا: في واحد اتصل بيا امبارح وقالي انه معاه دلايل ضد لين وبتسبت ان الولد مش ابن ادهم ...
مراد: ايه بجد يارانا ؟؟
رانا: ايوه بجد بس المشكله انه عاوز مقابلهم مليون جنيه ولازم اسلمهملو الناهرده الساعه 8...
مراد: مش مشكله الفلوس اهم حاجه يكون فعلا معاه دليل ضد لين وتنفضح بقي قدام ادهم...
حياه: بس ياتري ليه اتصل بيكي انتي وقالك علي الدلايل اللي معاه؟؟
مراد: اومال عاوزاه يتصل بمين يعني؟؟
حياه: بلين... ليه متصلش بلين وهددها هيا واخد منها الفلوس مقابل انه يديها الدلايل اللي معاه؟؟
رانا: فعلا وبالاضافه لكده كمان ان لين معاها فلوس اكتر مني وكان ممكن يطلب اكتر منها...
مراد: اكيد في حاجه ولازم نعرفها من صاحب الدليل شخصياً...
رانا: اتمني بجد انه يكون فعلا معاه دليل و نرجع انا وادهم تاني....
خالد كان قاعد في بيته وبيفكر في اللي هيعمله ...
خالد لنفسه: لين كانت مفكره نفسها ذكيه وانها ممكن تضحك وترميني في اي وقت وتقدر انها تاخد ابني مني وتديه لادهم بس لا يالين انا هخلكيكي تندمي انك عرفتيني في يوم ....
في مثل بيقولك عدو عدوك يبقي صاحبك وانا الناهرده مشيت بالمثل ده وكويس اني قدرت اخد رقم رانا من مراد بحجه الشغل وبالمليون دي هقدر اني اعيش مرتاح وهرجع ادهم لرانا علشان اكسر لين ... ودلوقت جه وقت الشغل...
خالد طلع تليفونه واتصل برانا...
رانا: ياجماعه اهو بيتصل بيا...
حياه: طيب ردي بسرعه وافتحي الاسبيكر...
رانا: االو ..
خالد: ها جهزتيلي الفلوس؟
رانا بصت لمراد وهو شاورلها انها تقول اه..
خالد: تمام معادنا زي ماهو وفي نفس المكان هستناكي...
رانا: ماشي بس قبل ماتقفل في سؤال عاوزه اسألهواك هو انت ليه متفقتش مع لين بدالي؟؟
خالد: امممم فعلا فكره حلوه مفكرتش فيها ماشي طلام انتي مش هتيجي خلاص هروح اتفق مع لين احسن سلام..
رانا: لاااالالالا خلااص معلش متتفقش معاها انا محتاجه الدليل ده اوي لو سمحت ...
خالد: بحيث كده هنضطر نزود مليون كمان علي الحساب ...
رانا: مااشي زي مانت عاوز اتفقنا..
خالد: متتأخريش..
خالد قفل السكة وقال..
خالد: كويس اني اقنعتها اتمني الموضوع يمشي بقي....
مراد: صوت الراجل ده مش غريب عليا حاسس اني سمعته قبل كده...
رانا: يعني فعلا يمكن نكون نعرفه...
حياه: يبقي لازم نروح معاكي ونراقب الموضوع من بعيد...
مراد:حياه معاها حق احنا لازم نكون معاكي ..
رانا: طيب بس لازم تكونو متخفيين كويس علشان ميلغيش الموضوع...
حياه: اتفقنا...
مراد: خلينا نروح نسحب الفلوس من البنك علشان نديهاله...
رانا: ماشي يلا....
انتها البارت التاسع والعشرون(قبل الاخير)
توقعتكو واتمني البارت يعجبكو ❤....
أنت تقرأ
الوعد
Romanceعلطول في عقبات بتقف في طريق الحب ويمكن يكون الوعد عقبه من العقبات دي .... ترقبو الوعد بقلم / اسماء عبدالله
