الوعد

البارت الثاني والعشرون

الليل جه والقاعه كانت من النوع الفخم جدا وكل قرايب واهل لين جم وادهم جهز ووصل القاعه مع مراد وطبعا كان هو اللي واخد انظار كل البنات الموجوده في القاعة.... نصهم بيتمني لو انهم يتجوزوه والنص التاني بيحسد لين عليه ....في اللي بيجي يبارك لأدهم واللي حاطتت عينه علي البوفيه وفي ناس منفسنه من الخطوبه وفي كل الانواع...
مراد وهو بيهمس لأدهم: هيا مش ناويه تيجي الناهرده ولا ايه؟؟
ادهم: تلاقيها لسه بتجهز ...
مراد: كل ده بتجهز ليه دي لو شقه كان زمانها خلصت...
ادهم: بيني وبينك كل ماتتأخر كل مايكون احسن ..
مراد بخبث: طب وبالنسبه للسنيوره التانيه يكون احسن برضو؟؟
ادهم: اتمني انها تيجي فعلا حاسس ان الموضوع هيكون صعب عليها اكتر ومش عارف انا هخطب لين ازاي وهيا واقفه قدامي...
مراد: المفروض ان.... ادهم الحق ام جلامبو وصلت...
ادهم: مين؟؟
مراد: ست لين ياعم مين غيرها ام جلامبو....
ادهم: يااه من الفاظك الغريبه دي...

لين دخلت وطبعا كان وراها خمسه سته شايلين فستانها ... فستانها كان شبه فستان العروسه بس مكانش منفوش اوي .... طبعا كل الانظار كانت عليها والكل كان شايفها جميله جدا بس زي مابيقولو ان السواد الداخلي بينعكس علي الوش برضو... بالرغم من جمال لين اللي الكل شايفه الا ان ادهم مكانش شايفه جمالها كان طبيعي جدا بالنسباله وكان شايف ان كل الجمال اللي ظاهر ده علي رأي رانا حبه مايه ممكن يبوظوه ....
لين راحت ووقفت قدام ادهم ومسكت فستانها ...
لين: دومي مقولتليش يعني ايه رأيك؟؟
ادهم: جميله..
لين: ميرسي حبيبي...
لين قعدت جنب ادهم واهلها وصحابها جم يباركولها ...
ميرفت: الف مبروك ياحببتي عقبال ماشيل عيالك يارب...
لين: ميرسي مامي .. اومال بابي فين؟؟
ميرفت: بابي مش عارفه راح فين كان جنبي من شويه... اهو هناك بيسلم علي المحافظ...
لين: ماشي سيبيه...
لين وامها فضلو يتكلمو كتير مع بعض وصحاب لين كمان ..
ادهم كان حاسس بملل قوي مسيطر علي مكانش مبسوط زي اي عريس في ليله خطوبته كل اللي كان بيعمله انه بيسلم علي اي حد بيجي يسلم عليه وحتي مراد مش عارف هو راح فين بس مستني .... مستنيها توصل عاوز يشوفها يمكن مزاجه يتحسن شويه نفسه يلمحها بس....
مراد: ها ياباشا وصلت ولا لسه؟؟
ادهم: لسه ياعم...
مراد: طب تعالا معايا عاوز اعرفك علي حد...
ادهم : ماشي ..
مراد: ده خالد وده من اكبر المستثمرين في الشركة وصاحبي كمان...
ادهم: سعدت بمعرفتك استاذ خالد...
خالد: انا اسعد والف مبروك عقبال الفرح...
مراد: ادهم خالد كان عاوز يتكلم معاك شويه بخصوص اخر شويه ثفقات وكده...
ادهم: طبعا بس اعتقد ان الوقت مش مناسب دلوقت يعني مش كده ولا ايه؟؟
خالد: ايوه طبعا معاك حق هنبقي نتكلم بعدين بخصوص الشغل ..
مراد: عن اذنكو ياجماعه هرد علي التليفون...
مراد مشي وادهم وخالد فضلو يتكلمو شويه وملخص الموضوع ان خالد هيقابل ادهم بكره في الشركة ويتفقو علي كل حاجه...
ادهم رجع وقعد مكانه وبعدين لقي مراد جايله ومعاه عصير....
مراد: ها لسه برضو؟؟
ادهم: انت شايف ايه؟؟
مراد وهو بيديله كوبايه عصير:طب خد اشربها علي ماتيجي...
ادهم اخد الكوبايه ومستني لسه...
مراد: متقلقش زمنهم علي وصول انا لسه مكلم حياه من شويه وقالتلي انهم جايين...
ادهم: بجد يامراد يعني رانا وافقت تيجي؟؟
مراد: وافقت علشانك اتمني تفهم بقي...
اديهم وصلو اهو...

رانا وحياه دخلو القاعه وطبعا كانو الاجمل في انظار الشباب ... حياه كانت لابسه فستان اسود وكان تصميمه جميل جدا كان مطلعها اشبه بالملكة اما رانا كانت لابسه فستان كشمير فاتح وكان متطرظ تطريظه جميله جدا كانت هيا بالفستان ملكة جمال بس من غير كذب لأنها مكانتش حاطه مكياج كتير زي لين جمالها كان طبيعي وكان كافي انه يخلي ادهم ميشلش عنيه من عليها...

ادهم لما شاف رانا كوبايه العصير فلتت من ايده واتكسرت لين انتبهت ومراد كمان...
لين: اددهم انت كويس حبيبي حصلك حاجه...
مراد : ادهمم ادههمم...
ادهم فاق من شروده ولاحظ الكوبايه...
ادهم: اااا اتزحلقت من ايدي بس...
جمال(ابو لين): انا شايف اننا لازم نبدأ الخطوبه بقي ومنطولش اكتر من كده...
ادهم وهو باصص لرانا بحزن: فعلا ...
ميرفت: هااتو الخواااتم بسرعععه يلاا..
الخواتم جات ولين اخدت خاتم ادهم وقررت انها تبدأ الاول وبدأت تلبسهوله والكل سقفو...

رانا كانت ماسكه ايد حياه وبتضغط عليها جامد وهيا مغمضه...
حياه: امسكي نفسك شويه يارانا دي مجرد خطوبه...
رانا: بالنسبالي اكتر ياحياه مش قادره اشوفها بتلبسه الخاتم قدامي كده....
حياه: طلام انتي مش قادره تشوفيهم بيلبسو الخواتم اصريتي تيجي ليه؟؟
رانا: علشان نقدر ننفذ الخطه ياحياه بس متوقعتش ان الموضوع هيبقي صعب اوي كده...
حياه طبطبت علي ايد رانا وحاولت تهديها...

ادهم عنيه متشالتش من علي رانا ولسه نظرات الحزن والألم في عنيه ..... حاسس بوجعها ونفسه لو يقدر يخففه من عليها شويه بس ماباليد حيله....

ميرفت لأدهم: يلا يابني جه دورك لبسها الخاتم...

انتها البارت الثاني والعشرون......

توقعتكو واتمني البارت يعجبكو ❤....