أن تقتلوا طائراً بريئاً (باللهجة العراقية)

part 3

تقدم إلي و شايل ماسحه جر أيدي و ضربني ع كيف بالماسحه😂
و بعدها جرني لصدره باسني من راسني

سرمد: شلونج ؟🤬

سالي: زينه😶

سرمد: ليش متطلعين متكولين ابن عمي خلي اسلم عليه

سالي: مو جنت اقره فيزياء

سرمد: شو راويني خلي أتأكد

و راويته🙄يعني لازم يتاكد خاف اجذب😂

بعدين سألني : كوليلي احد مضوجج احد ماذيج امج اخوانج كليلي هسسه اطيح حظهم

سالي : امي بس تضربني لأن ما أشتغل

سرمد بعصبيه: ام سالي لحدددد يحاجي سالي ابدد لو يجيف البيت محد يحاجيها ، من رخصتكم طلعوا اريد احاجيها

دار وجهه عليه صفكني راجدي قوي
سرمد: اطيح حضج اذا ما ساعدتي امج تره ما ردت افشلج كدام أحد بس بيني و بينج انتي غلطانه غلطاااانه

(و جانت هاي احلى صفه بيه احسه سندي و مينطي بي)

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

المهم عزمناه ع عشاء يمنا باجر
فبيوم العزيمه حضرت كيكه مخصوصا اله و كوولش
طيبه طلعت و سبحت و كويت شعري و حطيت كووومه مجوهرات و لبست دشداشه حمره و اني جنت سمرره يعني طلعت عربيه اصليه 😂💔
اجت صدفه بنت عمي حلا

سالي: شلون طالعه اني

حلا: حلووة بس ليش متعدله منو راح يجي

سالي : سرمد

حلا: اهاا عادي ابقى ؟

سالي: بكيفج

و بصراحه ما ردتها تبقى لان جانت احلى مني و جسم متروس و اني جني فاره

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

المهم اندكت الباب و امي فتحتله و اني و حلا بالغرفه و من طلعنا للهول هو طب و سلم علينا
انوب كعدنا بالصاله و بقينا بس اني وياه و حلا هو كاعد ع التخم الي كدامنا و يلعب بالموبايل و اني اباوعله بكل حنيه و حب بس ما اخليه يحس بي
انوب شال راسه باتجاهنا

سرمد: ولجن شكوو ماكووو ، لج حلا صايره شكبرج عفتج هالكدج و سالي عفتها بطول النعال هسه صايره نخله

(ابدد ما يحترمني خرب يومه😂)

حلا : لك عيني سرمد سالي كبرت و الولد يتحرشون بيها

هو صارت عيونه بكصته و اني خفت غطيت بالتخم و هو اجاني كمز من تخمه لتخمي و لوه ايدي

سرمد: :شنوووو و منو هذا و انتي ليش تطلعين