كمت فتحتها دخلت جرتني من شعري حيل و تدك راسي بالكاع و خشمي طك دم و تصيح احجيييي شعندج وياه و يا مشكله هاي
اني شاغت روحي و قررت أعترف و اكوللها حجيت ويه علي بسبب رجلج تحرش بيه
أم سالي:احجي ولج احجييييي
سالي:وعديني ما تعصبين و لا تضوجين
أم سالي:احجي
سالي(بشهكه و بجي):ببب....ببب..صراااحه عمو عماد زوجج الحقير تحرش بيه
و سولفتلها ع كولشي مواقف سواها بي
هي ضلت صافنة بس عيونها كامت تلمع كأنما بيها دمعه و تكابر تنزلها
ل لحظه حسيتها مصدكتني و راح تسندني بسسس
أم سالي(بابتسامة و ثقة):جذابه
سالي(بصدمة و انكسار):شنو
أم سالي: اي جذابه
سالي: ليش اجذب
أم سالي:تردين توصلين لعلي و تردين حجة حتى تراسليه و ما لكيتي غير هذا الحل وكعتيها براس عمج
سالي:شبيج معقولة أسويها و اجذب هيج جذبه!
أم سالي:اي تسويها لأن انتي ساقطه و كو... تمشين و تكبلين عبالج ما أدري و انوب حطيتي راسج يم عمج تردين تأخذين مني كولشي لج اخذتي حيلي و عافيتي و هسه رجلي
صفكت وجهي بايديه اثنين
سالي:شبييييييييج معقولة هيج تحجين
أم سالي:اووف اووف كومي من يمي
سالي:و علي
أم سالي:بعد مالي شغل بيه و ما أحجي وياه بعد أبد
سالي: ليش شسوه
أم سالي:يخوني ويه بنتي بنص بيتي و بنتي بكد عمر بنته لو متزوج
سالي:هو ما خانج و لا حبني أصلا اني إلي زحفتله
(اي اي زحفتله هيج حجيت حتى أنقذ علي من المشكلة و اوكع اني بيها !! )
أم سالي:مو كتلج جذابه و زحفتيله بحضج و بختج يا سالي إلي نزلتي راسي هيج يلا ولي من كدامي
كمت من يمها و كل داخلي ألم و حسرة!💔
جان بيومها عندي محاضرة ب 2 الظهر
فغسلت وجهي وبدلت بسرعه لأن جان لازم أحجي ويه علي من تلفون يقين
اجه الخط ركبنا وصلنا للمعهد واكفه ع الدرج و ابجي و قيس كدامي يباوعلي باستغراب
كولت بكلبي خررب وكت نظراتك ولي عني
اجتي يقين
يقين:لج شبيج شصار اليوم بسلا طلع التلفون عند أمج و شافت الرساله
سالي:اي و درت بكولشي و بسالفه عمو عماد
يقين:يااااا و شكالت
سالي:ههه جذابه
يقين:شنو جذابه
سالي:كلتلي انتي جذابه تتبلين ع عمج حتى تزحفين لعلي شايفه هيج كلام ؟!! و من منو ؟ من أمي! أمي! ههههههه
أنت تقرأ
أن تقتلوا طائراً بريئاً (باللهجة العراقية)
ChickLitكنت أرفرف،أطير بينهم حباً حتى قتلوني🚫 حقيقية🚫مراهقه مهووسه بأن تعيش قصة حب حقيقيه فهل تجد أم ستقع ضحية هوسها و ضحية لشهوات المقربون منها‼️ 💯قصة حقيقيه 100% لازم كل البنات يقروها و خاصتا المراهقات توضح الجانب الآخر للحب و الواقع و عجيب القدر ل...
