اجتي زمرد تركض و تلهث
زمرد:ولجن الحكن خليل
زينب:خييير
سالي:شكو شصار
طلعت للطارمة كولها دم مشيت وره الدم شفت المغاسل البره متروسه دم و دخان
عزززززه هاي شكووو !!! خلييييييل
شفت مجتبى واكف مدنك راسه و ضايج
سالي:ولك مجتبى وين خليل
مجتبى:بالشارع كاعد
سالي:يعني ما بيه شي
مجتبى:مدري روحي شوفيه بنفسج خرب يومج
سالي:حقير اني شنو
مجتبى:هو أنتي هيج إلي يحبج تبيعيه مثل ما أيهم دمرتيه هسه دا تدمرين خليل
سالي:كافي أحترم نفسك و روح كول لخليل يطب كافي عاد
مجتبى:روحي انتي شكد حاجيته ميقبل يطب
فتحت الباب ع كيف لكيته كاعد و يشرب جكاير و يتقيء دم !!😲😲
طلعت بره (دنيا ليل ماكو أحد )
كعدت كدامه بالشارع
سالي:خليل عفيه كافي ليش تسوي هيج كااااافي😭
خليل:عوفيني
سالي:ما أتحمل تسوي هيج بروحك بسببي
خليل:تعبت و إنتي ما حاسه بي و لا بحبي لج ليييش العشيرة كولها تدري أبويه يوميه يطب البيت يلكاني ابجي و يكول الزلم ما تبجي
بس انتي بجتيني و مو سهله رجال يبجي ع بنيه لعد شكد احبج و ما حاسه
سالي:مو بيدي افهمني مو بيدي ، المشاعر مو غصب
ضلينا ساكتين
وكفت أخذت الجكارة شمرتها بالكاع و مسحت الدم يم حلكه بيدي و اسحله من ايده
سالي:فوت جوه كافي يلا فوووووت
بالكوه كام سديت باب البيت و رحت أريد اطب
خليل:سالي
سالي:ها
خليل: أريد احجي وياج
سالي:تفضل
خليل:على انفراد
زمرد و زينب و مجتبى سمعوه راحوا دخلوا
بقينا وحدنا بالطارمة
وكفت كباله لزم ايديه اثنيهن و باسهن
و كام يبجي كدامي
خليل: أحبج و الله احبج لمرة وحدة جربي تحبيني اروحلج فدوة 😭
والله ما حبيتج لشي لا دراستج لا جمالج يعني مو قصدي انتي محلوة لا انتي ايه من الجمال بس حبيتج الج لداخلج روحج و صوتج الناعم اموت عليه💔
جانت أول مرة واحد يبوس ايدي و يبجي كدامي علمودي!!!!
ضعفت بهاللحظه مو حب إنما شفقه
أنت تقرأ
أن تقتلوا طائراً بريئاً (باللهجة العراقية)
ChickLitكنت أرفرف،أطير بينهم حباً حتى قتلوني🚫 حقيقية🚫مراهقه مهووسه بأن تعيش قصة حب حقيقيه فهل تجد أم ستقع ضحية هوسها و ضحية لشهوات المقربون منها‼️ 💯قصة حقيقيه 100% لازم كل البنات يقروها و خاصتا المراهقات توضح الجانب الآخر للحب و الواقع و عجيب القدر ل...
