أن تقتلوا طائراً بريئاً (باللهجة العراقية)

part 10

بارت جداً مهم
⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

بنهاية 2015

رجع سرمد لأستراليا😔😣بس يلا عادي تعودت ع الوضع

و مثل ما كولت ما كان عدنا تلفون او نت فجنت أسمع أخباره من الأهل
أو أدخل ع التلفزيون أشوف أبراج
جان برجه الحوت فدائما أقره أخباره منه و اكثر شي اركز ع العاطفيه إذا مكتوب بالعاطفية أموره جيدة بالشريك
جنت اموووت لالا سرمد معجب بأحد اوووف😭😭😭

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

بيوم زواج فيروز تحضرنا اني و بنات عمي و أجوي الكرايب و بناتهن و احنا حلوات كولش عشيرتنا و مرتبات و سبورت و ركص بس عداي اني جنت حتى رقص ما أعرف و كولش هادىه😁

اني دخلت للغرفه دا اجيب صينيه العروس شافتني وحدة من كرايبنا بس علاقتي وياها مو كولش إسمها ليلى و عمرها بالعشرين و لسه ممزوجة بس كووولش حلووة و دمها محبوب

ليلى: هاي شنو عيني شطالعه

سالي: تسلمين بس العفو بس معرفتج 🤪

ليلى: همداج اني كرايبج ليلى بس يلا عادي ما ملتقين قبل

سالي: اوه أسفه والله

ليلى: عادي عادي حبيبتي
و راحت كعدت بزاويه الغرفة تريد تخابر

ليلى: فدوة سالي أريد اخابر اني ارتاحيتلج كولش راقبيلي المكان شويه

سالي: ليش شكو

ليلى : دا اخابر حبيبي عمران و التلفون سري لا يشوفني أحد و لا تكولين حبابه

سالي: ماشي ماشي بس استعجلي اريد اروح اودي الصينيه

ليلى: اوك
و كعدت تخابر🙄

بكلبي هنيالها عدها حبيب و اني لسه حديقه و الافندي نا حاس بي🤦😭😣

خلصت مكالمتها و اني رحت أودي الصينيه
و اجه العريس و أخذ فيروز و رااحت😭😭😭😭
شبعنا بجي اووف متعودين عليها اني خاصتا كولش متعلقه بيها و هي خطيه ما شافت شي حلو بحياتها بس الضيم و القهر

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

رجعت العصر لبيتنا و حلا اجت وياي لأن ما كدرت اخليها وحدها خطيه هم كامت تبجي ع فيروز رغم مو من نفس الأم بس حتلو وحده تحب الثانيه

خلصنا بجي و كمنا نضحك شوي و نكص بالنسوان و ملابسهن بالعرس

حلا: شفتي ليلى والله حلوة شلون تركص بس مغروره عوع