أن تقتلوا طائراً بريئاً (باللهجة العراقية)

part 18 الأخير

صار يوم 2017/2/14

دخلت ع الفيس بعلم أهلي أريد ادزله معايده
بس ايدي راحت تكلب بمنشوراته شفت آخر منشور قبل ساعتين كاتب

اليوم أحلى يوم بحياتي اليوم عيد الحب و عيد ميلادي و عقد قراني من حب حياتي

من قريتها بقيت صافنه لأكثر من خمس دقائق شريط حياتي مر كدامي كوله من 2012 ل 2017
تذكرته تذكرت سوالفه ضربه تعذيبه ابتسمت
انوب تذكرت سوالفي و انحرافي و علاقاتي انقهرت و نزلت دمعتي
و لسه ممصدكه خطب !! سرمد خطب !

زين ليش لسه متماسكه ليش ما دا ابجي عليه رغم شكد قبل جنت ابجي و اتمرض و أدخل مستشفى
شو لسه طبيعيه ؟؟؟

معقولة ربي دزلي أحمد و أيهم و محمد لحتى أنسى حبي و تعلقي بسرمد
معقولة كل هالشي كان تخطيط ؟

سبحان الله سبحان الله رغم أعترف تصرفي خطأ بس نقذني و خلاني متماسكه بهاي اللحظه

رغم شكد جنت أخاف تجيني و يتكسر داخلي
فالحمدلله ما اهتميت كان شيء عادي

(من سألنا عرفنا خاطب وحده من أربيل و عايشه بأستراليا من صغرها عمرها 25 و إسمها أماني حلوة حنطيه ع سمار و ما محجبه)

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

بعد عرس صفاء بفتره قصيرة

دخلت للمطبخ سمعت أمي تحجي ع التلفون

أم سالي:ياا صدك تحجين
ألف ألف ألف مبروك كبر حبيبي و صار رجال و نفرح بيه ،
لالا ع شنو اضوج بالعكس افرح يمعوده عندي الدراسه أهم ،
ماشي براحتج بالليل تعالي

و سدت التلفون

سالي:ماما منو راح يتزوج

أم سالي:و انتي ليش تصنتين ما أحب هذا الشي لأن غلط

سالي:اي شسوي قابل أسد اذاناتي

أم سالي:تسديهن غصبا عنج

سالي:اي ماشي هسه دكولي منو راح يتزوج

أم سالي:ابن عمج أحمد

سالي:شنوووو😲😲😲😲يمتا خطب !!!!!

أم سالي:البارحه كالوا أهلها ينطوها باجر نروح احنا النسوان نشوفها

سالي:اها يلا بالخير