أن تقتلوا طائراً بريئاً (باللهجة العراقية)

part 2

سرمد: لج لييش إنتي فجاءه اختفيتي من الطارمه هااا؟ سالت امج تكوللي طبت تلعب بلي ولج شلون تلعبين بلي بلا متصيحيني؟!!!!

و صفكني راجدي و لوه ايدي و رجعها لوره ضهري و اني اصرخ حباب عوفني دا توجعني يممممه كال لا تصيحين و هو يزيد الوجع اكثر
و امي ساكته متكدر تحجي
المهم لعبنا طوبه بالبلي😂

و اثناء اللعب سالني: سالي اني شسمي

سالي بخوف: س س سرمدد

سرمد: وولج لازم نسيتي

سالي : شنو اسمك لعدد!!

سرمد بعصبيه: اني مو سرمد اني عمووو سرمددد

سالي: هااا تذكرت

سرمد: يلا كولي

سالي بخجل : مااا. ما

سرمد: شنووو خنزر و فتح عيونه🤨

و جر ايدي من الكاع و صعدني يمه ع التخم و كعدني ع رجله و عصر ايدي

سرمد:اني منو هسه ؟

سالي: عموو سرمد

سرمد: عفيه بعد كلبي بنت عمي يلا رجعي نكمل لعب و باسني من راسي

باوعتله بلؤم و حقد ،، بكلبي كولت كبر كبر الله ياخذك امووت منك مخبل مو صاحي والله بلحظة يموتني كتل و بلحظه يبوسني انوب خفت لا يسمع كلبي فسكتت
كملنا لعب و راح لبيت عمي كرار و هم قريبين كولش ع بيتنا

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

فثاني يوم اجت حلا بنت عمي أيمن لبيتنا

حلا: لج اجه سرمد شفتيه

سالي: اي يجنن صاير بس نفس الخبال كولسا يضربني

حلا: اي يخبل و باسني ابد ما ضربني و شافني بملابس كصيفه و اني جسمي سمين مو مثلج معصعصه ضعيفه و ايدج بيها شعر و متحطين مكياج

سالي: انجبي اني بعدني بالسادس ابتدائي و اهم شي الأخلاق مو مثلج هيلك

(حلا هي بنت عمي اني وياها نفس العمر و الصف كولش قريبين ع بعض احبها و تحبني رغم نتعارك هوااي..
هي سمينه بيضه و الكل يشوفها اكبر من عمرها و محبوبه و تجامل من النوع الاجتماعي كولش عكسي اني المنغلقه و الضعيفه و جنت سمره و جنت لا اجامل و لا اضحك ويه احد)

المهم من اجت حجت ع سرمد و هو شافها و جانت طالعه احلى مني اني ضجت كولش و بديت احس بغيره هم

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

فد يوم رحت لبيت عمي الجبير جعفر جنت كاعده ويه بنته زينب بالغرفه و لابسه تراك وردي