أن تقتلوا طائراً بريئاً (باللهجة العراقية)

part 22

بالخصوصي تعرفت ع بنيه إسمها يقين و كانت أحد الأسباب في جري إلى الهاوية.....💔

مواصفاتها قصيره طولها 150 عيونها خضر و بيضه و شفايفها فلر وردي يعني كلش حلوه و ثكيلة حبابه بالبدايه
اني وياها زميلات بنفس المدرسة بس ماكو بيناتنا علاقه قويه
بس بالخصوصي صرنا صديقات مقربات لأن اني وياها نفس الخط يعني نروح ونرجع سوا

فد يوم حضرنا محاضرة انكلش و اني بيومها جنت متعاركه ويه علي فكعدت ضايجه روحي طالعه من الدنيا
خلصنا المحاضرة و طلعنا ننتظر الخط
اني من ضوجتي كعدت بالكاع رفعت راسي شفتها ضايجه( بوقتها علاقتنا جانت سطحيه )

سالي:شبيج

يقين:و لا شي انتي شبيج

سالي: ضايجة

يقين:اني هم

سالي:ع إبراهيم مو

يقين: شمدريج!!

سالي: البارحه من فتحتي التلفون و تكلبين بالفيس نتبهت ركزتي بصفحه اسمها إبراهيم فشكيت و مو قصدي اباوع والله بس صارت بوجهي

يقين:هههه تمام و إنتي ليش ضايجه اعترفي

سالي:ع إبن عمي لأن كللي راح اجي بالليل لبيتكم و اشوفج و ما اجه حيل ضوجني و اني مشتاقتله هواي و إنتي

يقين:هو إبن خالتي و حبيبي من زمان بس تركنا بعض لأن اكتشفته يخونني ويه صديقتي زينب و هيج اشتاقيتله و دخلت ع صفحته

سالي:ياااا الله يساعدج حياتي بس انسي ميفيدج مدام خانج

يقين:اي هاهيه لو يموت ما ارجعله عندي إلي ينسيني و إلي يسواه

سالي:يعني إنتي هسه مرتبطه بغيره

يقين:اي حبيبي احمد

سالي:شلون تعرفتوا

يقين(بارتباك):هاا ع الفيس

سالي: اها 🤨 طيب الله يسعدكم
(ما فهمت ليش ارتبكت ردت اسألها بس غلست)

يقين:تسلمين يلا اجه الخط كومي

و من هاللحظه صارت علاقتنا كولش قويه

و داىما اشوفها تراسل حبيبها أحمد بكل الدروس و أكول بكلبي هنيالها ع حبيبها يراسلها كولسا و عدها تلفون شكبره مو مثل اني عندي صرصور ما مسموحلي ألزم تلفون بيه نت إلا مال حسين و بالكوه اخذه
و علي لسه ما أدري شبيه يحبني لو لا ليش ميعترف خرب ابليسه😭😭

⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦♦️⁩⁦

من رجعت للبيت صار الليل رحت بدلت و عدلت نفسي عندي إحساس راح يجي علي
انتظرته انتظرته و شو هم ماكو !!

حرامات ع الترتيب و خبصت روحي أي والله😂💔
اني اياست و تمددت ع التخم و فاتحه الملزمه مسوي روحي أقره و اني روحي طالعه