أن تقتلوا طائراً بريئاً (باللهجة العراقية)

part 31

قبل المدرسة بيوم

تعاهدنا اني و يقين إنو نتوب و نترك الجميع و نهتم بدراستنا فقط
و كوتلها راح أحضر محمد من الفيس و خلاص ينتهي كولشي
بس هي كلتلي إنتي توبي الأحد و اني اتوب الأربعاء وعد😹😹😹

المهم اني رحت حضرت محمد بلا سبب و ارتاحيت أصلا ما عندي مشاعر تجاهه شعندي باقيه
⁦
⁦♦️⁩🔘⁦♦️⁩🔘⁦♦️⁩🔘⁦♦️⁩🔘⁦♦️⁩🔘⁦♦️⁩🔘⁦♦️⁩🔘⁦♦️⁩🔘⁦

اجه الأحد
لبست ملابسي الصدرية السودة و القميص الأبيض و رحت دخلت المدرسه
اوفيش شكد مشتاقه إلها و للبنات

شفت عبير سلمت عليها بس طبعا سلامنا بارد مو مثل السنين الراحت من يبدأ الدوام نتلاكه بالبوس و الاحضان هسه بس هلو من بعيد😔

جنت واكفه يمها و يمنا كم صديقه مشتركه درت وجهي شفت يقين
رحتلها اركض و هي هم تركض تحاضننا حضن قوي لأن صارلنا كومه ما متشاوفين

طبعا عبير و باقي البنات استغربن من علاقتي بيقين !!
ميدرن اني وياها سوه دخلنا خصوصي بالمعهد فتقوت علاقتنا

و طبعا فرحت لان شفت عبير كاتلتها الغيرة و الفضول ماكلها😌 أحسن تستاهل شلون هيج خلت علاقتنا باردة بلا سبب

بالمدرسة صرت شاطرة نار أقره يوميه تقريبا سبع ساعات باليوم و أكثر يعني تحسنت كولش و أمي ارتاحت شوي لان بالخصوصي التهيت بذنيج السوالف و أبد ما جنت أقره ويه المدرسين

و البنات تفاجئن مني لان معروفه اني الباردة ما أقره لهاي الدرجه بهيج حركه فجنت أسمع اشاعه إنو سالي هي دكتورة السنه ⁦♥️⁩⁦♥️⁩

كثرت الإشاعات عن شطارتي فجسمي صار يطلع بيه حبوب مثل العيون مال الحسد
كولت لأمي ما صدكت كالت لا هيج حبوب عادية
⁦♦️⁩🔘⁦♦️⁩🔘⁦♦️⁩🔘⁦♦️⁩🔘⁦♦️⁩🔘⁦♦️⁩🔘⁦♦️⁩🔘⁦♦️⁩🔘

جان كولشي ماشي طبيعي و بأتم وجه إلى أن اجتني يقين

يقين:سااالي

سالي:هلا حبيبي

يقين:باعي لج صار شي جديد

سالي:شنو

يقين:محمد راسلني

سالي:اهووو اي ؟

يقين:و سألني عنج و كال ليش هيج عافتني اني اعلمها

سالي:شلون يعني يعلمني تره كمت أخاف لج هذا محمد يخوف و أريد أخلص منه هسه شورطني وياه خرب إبليس

يقين:لج لا حباب بس حجي و نعثلة ميسوي شي بس هو اشتاقلج و دزلج سلام بيدي

سالي:اها جيد سلميلي عليه و كوليله سالي تريد تهتم بدراستها متريد شي يلهيها لذلك أعتذر منك و أتمنى تسامحني

يقين:ماشي يوصل

سالي:و زيد وين صار

يقين:لسه سوه