أن تقتلوا طائراً بريئاً (باللهجة العراقية)

part 37

سالي:مامااااا درجاتي كلها تسعيييين

أم سالي (تبجي بحركه ممصدكه أبد):اااه ااااه

وكفت و كمت اكمز فرحانه و ما مصدكه درجاتي كولها عاليه

شردت من الهول للصاله ختلت وره الباب ما أعرف ليش بس أريد أحصر روحي بمكان ضيق

أخويه حسين لحكني
حسين:شو ولج شكد معدلج

سالي:لك ما دا اشوف ما اشوف شي ما دا أشوف😭😭و ايدي ترجف كوه كامشه الموبايل

حسين:اوكفي انطيني الموبايل

اخذه مني

ضربته بكل قوتي ما حسيت على روحي ما مصدكه

سالي:انطيييني يمعووود خرب بيك وين تعرف تقره المعدل انطييييني

مسحت دموعي
شفناه 97.86 و درجه دور أول يعني 98.86

سالي: لالا ما مصدكه اااخ كلبي اااخ

وكعت بالكاع من الصدمه

حسين:مامااااا سالي معدلها 97

أم سالي:لا تجذبون عليه لا تجذبون كااااافي

راواهم المعدل

صدكوا امي كامت تبجي و سجدت سجدة طويلة

اجه محمد كومني من الكاع و كام يبوس بيه ما مصدك
و حسين يكمز و يركص كدامي

طلعت للهول أمي حضنتني بكل قوتها و باستني بوسه طويلة و أخذت شمة

اجوي جيرانا النسوان طشن جكليت عليه

و أحمد كام يضرب طلق من بيتهم لبيتنا

ايه خطية حاضنتني و تبجي ما مصدكه
و تكول:عفيه السباعيه كسرتي خشوم العشيرة كولها

و علاء إبن جيرانا أم علاء دك الباب هو و أمه طشوا الجكليت و كام يهلهل
و كال:هي هاي رفعه راس الفرع مالتنا عفيه بسالي أول طبيبه بالمنطقه

العصر اجن خالاتي و ولد عمي و جابو دمام(طبل) يطبل بالشارع و الهلاهل و الركص و الجكليت و ذبحنا طلي

الللللله أحلى أحلى أيام شعور ما ينوصف بكلمه ابدددد

بالليل اجه صفاء
صفاء:هلو سا.. لالا السلام عليكم دكتورة سالي😉

سالي:هههه و عليكم السلام

سلم عليه و كولش فرحلي خطيه من كلبه

اجوي عمامي و نسوانهم و بنات عمي باركولي و كعدوا بالصاله كولهم

اني طلعت للمطبخ أحضر الببسي

طبت عمتي أم علي و علي
طشت عليه الجكليت و باستني و راحت جوه

بقينا اني و علي

علي:دكتورتنا الحلوة سوتيها يا سالي عفيه عليج و باسني من راسي

سالي: هذا وعدي من اوعد و هاي قوتي رغم كلشي مر عليه بس هاي سالي ماكو شي يهزها
و شكراً ألك لأن جنت سبب بعذابي و سبب بنجاحي هم