أن تقتلوا طائراً بريئاً (باللهجة العراقية)

part 8

هو بقى صافن و ساكت و اني هم
حسيت الكلام انتهى و كأنو يكفي أن نصفن ببعض عيونا كفيلة بالكلام
حسيته سمع كلبي يكوله اشتاقيتلك و يرد اشتاقيتلج

بعدين فاجأني ب

سرمد: لج حقييره اكسر راسج إذا كمشتي التلفون بعد لو الفيس

سالي: هاي فوك ما اطمن عليك

سرمد: أدري حبيبيتي بس أخاف عليج والله الفيس و النت شغلات مو زينه و انتي بعدج صغيره

سالي: صغيره شنو تره عمري 15 حيصير

سرمد: اي والله حقج صرتي عجوز

سالي:😒😒

سرمد:😂😂😂 ، ي شلونج يكلبي سمعت هم دخلتي مستشفى

سالي: ي سبحان الله دخلنا سوه 😂

سرمد: الكلوب سواجي حمدلله ع سلامتج

سالي: الله يسلمك

حجينا بعد
و بالختام كال

سرمد: لج بس اجي الا اموتج كتل صايرة لسان و تحجين و تردين ع الكلام

سالي: اووف

سرمد: و صايره تعرفين تكولين اووف لج بسيييطه

كملنا و رجعت لبيتي طايرة من الفرحة
أوفيش شوفت الحبيب ترد الروح

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

أحس أيام السنه تمشي كوه بدون سرمد
خلصتها أشم عطره لو اكعد بنفس الأماكن إلي جان يكعد بيها من يجينا حتى أحس كأنما دا يحتضني

و بأيام الصيف جانو أهلي يطلعون بالليل يسيرون لبيت عمامي فجنت ما أحب أطلع اضوج و أحب الهدوء
بس داىما انام بالكاع ع عتبه باب المطبخ أنتظر سرمد
و أكول
سالي: يا ربي يمتا تخلص هالسنه و يجي سرمد يمشي منا مو كلبي خلص ما أطيق بعد أريد اشوفه
و ابجي بحركه ااااه😭😭😭

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

و أخيراً خلصت السنه و اجه الشهر الثاني حيرجع سرمد للعراق
بهاي السنه اني كبرت و تغيرت ملامحي و جسمي و ترتيب و كذا

المهم أهلي كالو حيجي سرمد اليوم اني لبست تراك حلو و ضيق و لابسه فوك التراك قمصلة قصيرة
بيها جيب ع الصدر😂

جنت بالغرفة و صاحوني اهلي اجه سرمد تعااالي

طلعت أركض و متلهفة
شفته و ضليت واكفة متصنمة

هو اجه لعندي حط ايده ع ظهري و جرني باسني من راسي و انطاني هدية هم عطر اسمه Red Rose

و بعدها كعد و كعدت مقابيله ع الكرسي
انطاني 25 ألف شمرها و صارت بين رجلي😲😂
و هو باوع للسكف🙄
بسرعه شلتها من بين رجلي و حطيتها بيدي