أن تقتلوا طائراً بريئاً (باللهجة العراقية)

part 14

الظهر طلعت من غرفتي لكيته كاعد بالهول يكنك
حاط عينه بتلفونه من شافني رفع حاجبه و ابتسلملي
اني انقهرت
شلون اكول يا ربي ؟!

بقيت واكفه صافنه و أفكر شرد بالي

أحمد:شبيج ولج

سالي:هاا ماكو شي بس ردت أسالك شلونه النت يمك

أحمد: اي زين و انتي شلونج😉

سالي:حمدلله⁦☺️⁩ يلا باي أروح أقره

رجعت للغرفه و ما انطيته الرساله ضميتها😔

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦

العصر شفت أخويه الصغير حسين
يلعب بتلفون محمد(ما عدنا بس تلفون واحد)

رحت كعدت يمه دا نشوف يوتيوب
و فجأة اجت رساله ع المازنجر هلو ممكن نتعرف

سالي:هاي شنو معقولة محمد يتعرف ع بنات!؟
هالحقير عود كبر و يريد يكبل !

حسين:ما أدري

سالي:فوت ع المازنجر خلي نشوف و نهدده بعلاقته بالبنيه حتى ناخذ التلفون منه شوكت ما نريد

حسين:اي والله خوش فكرة

دخلنا ع المازنجر لكينا رسائل

💬هلاو ممكن نتعرف
💬أهلاً منو وياي
💬اني حبيبة صديقك
💬يا صديق !
💬صديقك كرار هو وياك نفس المنطقه أنت مو جمال؟
💬اي جمال و صح صديقي كرار ليش راسلتيني
💬أريدك تساعدني
💬بشنو
💬كرار تركني و أريدك تحاجيه حتى يرجعلي الله عليك
💬و ليش الا اني احاجيه
💬لأن هو يحبك و حجالي عنك هواي و يسمع كولشي منك

سالي:شنووو لك حسين هذا جمال دا يراسل !
شعنده الفيس مالته بتلفون محمد ؟

حسين:اي تذكرت مو البارحه اجانا و ناسي تلفونه فسجل الفيس مالته بتلفون محمد

سالي:لعد شوف حسوني هو هسه دا يراسل البنيه و ميعرف احنا دا نشوف المراسله
فخلي نخربها عليه و نكتب شي وياه😂

حسين:اوك😂

💬ماشي أختي أحاول ما كوتيلي شسمج
💬اني إسمي تبارك
💬جمال:عاشت الأسامي
💬سالي:فديتج اسمج يجنن
💬شنو انت متستحي هيج تكتب
💬لالا اسف خيتي بالغلط والله
💬دولي طاحظك و حظ غيرتك بلوك

حضرته 😂😂خطيه خربتها عليه😂💔

⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩⁦▪️⁩

ثاني يوم راحوا كل أهلي للدوام بقيت وحدي شفت التلفون كولت خلي ألعب شويه
دخلت ع اليوتيوب هم اجت رساله

💬الوو
💬الووو يمعود ما تجاوب انت يا مدرسه

دخلت كولت ههه هذا فيس جمال لسه مفتوح خلي اخربها عليه مره ثانيه😂
بس هذا دا يسأل يا مدرسه و اني شعرفني إسم مدرسة جمال🤔
خلي اكتب اسم مدرستي