أن تقتلوا طائراً بريئاً (باللهجة العراقية)

part 9

رحت للعقد مكسورة منهارة ع الأخير يعني ممصدكة إنو سرمد حيتزوج و من منو ؟ من فيروز ! هههه أضحك ابجي

حلا: شبيج كالبة خلقتج هذا عقد فيروز كومي ضحكي ركصي حطي مكياج

بكلبي ي والله صحيح المفروض افرحلها بالاول و الاخير هاي أختي قبل لا أتخذ سرمد حبيبي و لازم افرح و هي أخذت رأيي يعني ما سوت شي من وراي

سالي: ماشي ماشي كايمة أعدل خلقتي 🚶

حلا : ي يلا جنج ارمله

دا أمشي و صاحن النسوان اجت العروسه من الصالون
ركضن بنات عمي و نسوان عمامي حتى يشوفنها شلون طالعة

اني ردت انهزم للغرفه بس لا شلون هاي فيروزتي لازم أطلع استقبلها بالباب
أول ما صرت بوجه الباب هي اجت بوجهي ابتسمتلي
و اني رديت الابتسامه بس عيوني تبجي
طالعة تجنن اول مرة تحط مكياج و تسريحه حلوة

سالي: حبيبتي تخبلين

فيروز: يوم الالج
و راحت كعدت ع الكرسي مالتها

و عمتي أم حلا دزتني اجيب العصاير و اوزع ع النسوان
دا اوزع و جان اسمع النسوان يكولن يلا بسرعه تحشمن اجه الشيخ و العريس

حسيت مي مغلي و انصب ع راسي عفت العصاير و انهزمت للغرفه اريد بس أضم وجهي عن النسوان أريد اضم عيوني لأن امتلت دموع

دخلت للغرفه و لكيت مرة من المعازيم كاعدة تلبس ابنها الصغير هي من كرايبنا بس ما أعرفها منو بالضبط
دا اباوعلها و منطيه ظهري للباب
و كدام باب الغرفه اكو باب تودي للخارج و بين البابين اكو هول صغير

ضليت منتظرتها تطلع حتى ابجي بعد ما اتحمل راح انفجر جان اسمع

هلاووو أم عبووووودي

اني: هذا صوت مالوف😯معقولة سرمد وراي😲
لالا ما معقولة وراي لأن كاعد هو و الشيخ بالصالة

أم عبدالله: لك هلاااا سمسم بعد كلبي عمة هاي أنت هنا

و مشت من يمي و حضنت واحد وراي و اني ضليت منطيه ظهري للباب درت وجهي جان اشوفها حاضنه سرمد !!!

سالي بتعجب: سرمد!!

سرمد:ةسوسه ! بنت عمي حبيبي شسوين هنا وحدج

سالي: ها هيج دزوني ع غراض أنت شعندك هنا

سرمد: حبيبي اجيت أخذ العصاير للزلم فشلة اتاخرنا ع اهل العريس لسه ما وزعنا شي

شنوو😲😲😲يعني العريس مو سرمد
فيروز ما راح تزوج سرمد
شهالصدمة الي ما متوقعتها كلللللللش💃💃💃

سرمد: وين صفنتي شبيج تتمضحكين مثل المطي

سالي: هههههه شلون ما أتمضحك فرحانه كووولش