ثاني يوم كان عندي دوام رحت داومت
عبير: مشتاقتلج
سالي:اني هم😍 الجمعه و السبت حسبالك سنتين بدون شوفتج
عبير:هههه اي ، شو احسج فرحانه
سالي:عبورتي اني فكرت بخصوص احمد
عبير:اي و شنو قرارج
سالي:شوفي صح ما أحبه بس راح أحبه بعد الزواج أن شاء الله
عبير:بس انتي ما مجبورة
سالي:هو إبن عمي و يحبني و اخاف اخسره و أتزوج واحد مو زين و ياذيني
عبير:ليش مو فيروز متزوجه غريب و عن حب ما أذكر كوتيلي ع مشاكل بينها و بين زوجها
سالي:ههه اوووف لا تذكريني بفيروز ليش هي هم عايشه مثل البنات خطيه ما شافت شي حلو بحياتها و زوجها طلع واحد كلب و مراويها جهنم الحمره و يضربها
عبير:شو ما كايلتلي
سالي:مالي حيل أحجي بموضوعها بضوجني و عموماً ما دامها ما ارتاحت ويه الغريب ترديني اني ارتاح !
فخلص راح اقبلعبير:ع راحتج
بذيج الفتره صار عندي وسواس و رهبة من زواج الغريب أخاف ياذيني او يسويلي شي فما اريد أضيع أحمد إنسان حباب و يحتويني و ميمد أيده عليه بعد شريد !
▪️▪️▪️▪️▪️▪️▪️▪️▪️▪️▪️▪️▪️▪️▪️▪️
رجعت للبيت لكيت ساره بالطارمة ع المرجوحه كاعده
سالي: السلام عليكم
ساره:هلا حبيبتي بشري شلونج بالامتحان
سالي:حمدلله جاوبت زين
ساره:عفيه عليج طول عمرج شاطره
سالي: شكراً ، لعد امي وين شو وحدج كاعده
ساره:راحت لخالتج أم أحمد شوي و تجي
سالي:ماشي أروح ابدل
طبيت و لحكتني
سالي:شبيييج خرعتيني😶😑
ساره:سالي فدوة أريد منج خدمه
سالي:اي كولي
ساره: إبن جيرانكم زيد جايبلي هديه ضميها يمج كون محد يشوفها
سالي:😮و ليش يجيبلج هدية ! و شلون اخذتيها !
(زيد هو إبن جيرانا بيته كدام بيتنا ضبط حلو و حباب مطلق هم
و عنده أخو اسمه علاء أصغر منه جان معجب بي بس أبد ما انطيته مجال و تراهن عليه هو و أصدقاءه بس ما حصلوا شي مني و صار يحبني من كلبه و يبعد عني كل احد يفكر ياذيني منهم)ساره: لج شمرلي رقمه قبل كم يوم و اليوم شمرلي الهديه من الحايط و هو والله حباب و عاجبني 😉
أنت تقرأ
أن تقتلوا طائراً بريئاً (باللهجة العراقية)
ChickLitكنت أرفرف،أطير بينهم حباً حتى قتلوني🚫 حقيقية🚫مراهقه مهووسه بأن تعيش قصة حب حقيقيه فهل تجد أم ستقع ضحية هوسها و ضحية لشهوات المقربون منها‼️ 💯قصة حقيقيه 100% لازم كل البنات يقروها و خاصتا المراهقات توضح الجانب الآخر للحب و الواقع و عجيب القدر ل...