أن تقتلوا طائراً بريئاً (باللهجة العراقية)

part 27

و تراكم كولشي فوكي تذكرت الماضي و شلون أنخذل كل مرة أجرب احب و أكثر ما اذاني من كذبتني أمي 💔
لعب الشيطان بعقلي و صرت ما أشوف شي اختكنت

طلعت موس مال شفرة حلاقة و قررت أأذي نفسي و أنزف دم مني مو حتى أموت لا اني أخاف الموت بس جان كل همي أدخل المستشفى حتى أمي متباوعلي بهيج نظرات مال احتقار

رحت وكفت كدام المرايا

كمشت الشفره باوعت لوجهي قربت الشفرة أريد اشوه وجهي

توني دا اجرح دخلت أمي
اخترعت
أم سالي: شدا تسوين

سالي:ماكو شي مالج دخل بيه مو تردون تخلصون مني هسه اخلصكم مني

و اجتني قوه مو طبيعيه أريد فعلا اذبح نفسي و اثبت كلامي بس هم خفت !💔

و هي بكل برود تكول : يلا سويها يلا

سالي:والله اسويهاااااااا

أم سالي:محمدددد تعال ل سالي بسرررعه

اجه الحقير اخويه جر الشفرة مني و ضربني و جرني من شعري

و هي ضربتني بالخشبة جان أكو خشبة عريضه بغرفتي جوه الجربايه أخذتها ضربتني و جان تنكسر

كالت لمحمد جيبلي الماسحه بسرعه

جابها و من الضرب هم نكسرت بالنص و شالت النص الثاني و هم ضربتني و انكسر !!

من الضرب بعد ما أحس بشي و لا ألم بس اصابيعي من تضربني عليهن تشوط روحي

شالت الكرسي ضربتني بيه انكسرت رجله و ضربتني بالرجل مالته !!

و أكو شجرة مزهريه بس جبيرة طولها متر و بنصها حديد شالتها و ضربتني بيها و اني اعيط بكل قوتي

من كثر ما تكسرن الأشياء جابت صوندة والله العظيم طولها مترين طبكتها و تضرب بيه هي و محمد

و تصيح : حقيييييرة ل علي انوب ل علي فشلتيييييني لج هو بحالج و تزحفيله بحالج يالزركه ، ألف بنيه شايف و عايف يجي الج ، الولد ما عنده شي انتي البربو.. و تزحفين

و اني اصيح:ااااخ اااااخ منكم كلكم ،،عوفيني كافي تعبت ااااااااخ

بالضبط صوت صريخي👇💔

تفلت عليه و ضربتني بالنعال و سحلتني من شعري للصاله حتى انام يمهم و غصب و ما خلتني أغسل التفله عناد بيه و ذلة أكثر