حكمـة ذئب

الحكمة الثانية عشر

اسعد الله اوقاتكم بكل خير ❤
(12)
#حكمـة_ذئب
#بقلم_شمس_السعدي

لم أعد تلك الفتاة الحالمة والمتأملة ..
شاب شعري رغم صغر سني.
فقدت قواي اصبحت ممزقة ... فقدت ثقتي بنفسي.لقد اصبحت مشتتة وكأنـي على هامش الحياة !!

ديسمبر البارد !!
بنهاية سنة 87 وبداية سنة 88 يوم 31 ديسمبر هذا اليوم الدول كلها تحتفل بعيد رأس السنة ..
الاطفال تحلم ببابا نؤيل يجيها وينطيهم الهدايا بالليل ..
بابا نويل أو "سانتا كلوز" هو شخصية ترتبط بعيد الميلاد موجودة عند المسيحيين .. ودايما يوصفوه بانه رجل عجوز سعيد لاتفارقه الابتسامة وسمين .. يلبس ملابس لونها احمر واطرافها بيضاء بالاضافه للحيته الناصعة البياض وهذا الي يميزه عن بقيه الشخصيات ..
اشتهر بابا نويل بقصص الاطفال ..
فالطفل جان يتخيل شكله من الوصف وانه عايش بالقطب الشمالي وعنده اقزام تصنع اله الهدايا الي ياخذها بعربانه او مزلاجة سحريه تجرها مجموعة من الغزلان ومن الخلف الهدايا الي تتوزع على الاطفال في ليل اثناء نومهم  .. وفعلا من يگعدون الصبح راح يلگون الهدايا الي اهلهم اشتروها مسبقا حتى يفرحوهم ويصدگون حكايا بابا نويل الي تحكى الهم منذ صغرهم

لكن بالحقيقة هالاحلام ماجانت عند اولاد العراق ولاجان عندهم بابل نويل يفرحهم من يگعدون الصبح لأنه منذ نعومة اظافرهم لم يروا الا الحروب والموت والدم .. ومن ضمن الاطفال تلك البنت التي تنتظر على نفس الشباك منذ سنين ..

الجو بارد وممطر .. كانت تحس بملل وكسل وتعب نفسي وجسدي .. خلت راسها بين رجليها حتى تهرب من واقعها او من برودة الجو .. كل مرة الشمس تنطيها نشاط من تفتح الستارة وتدخل الاشعة الذهبية وتبعث معاها الامل والحياة ..
گامت من مكانها بخطوات متثاقله .. فتحت الستارة تباوع للشمس مختفيه وكأن الجو يشبه جو الغروب.  
الشمس مختفية بين الغيوم السوداء الي تبعث الرهبة بالنفس .. وقطرات المطر الي تترقص بخفة على الشبابيك والاشجار بللت كل شي حتى الارض صارت بنية باختلاط التراب مع الماء وصار طين  ..
صار وقت طلعت الاولاد من المدرسه كانت تباوع عليهم وتبتسم تذكرت حالها من تطلع من المدرسة وتقفز مثلهم تحت المطر والطين. طفولة بسيطة لكن بالنسبة الها ذكريات جميله ..
وهي تقفز بذكرياتها بين الماضي والحاضر شافت حكمت مخلي الجنطة على راسه ويتهرب من المطر ..
اخذت المنشفة وركضت تفتح الباب لان تعرفه مايحب المطر ومايحب يتبلل وتتنگع ملابسه بعكسها ..
فتحت الباب دخل وهو يحجي .. اموت من المطر مو گلتي اشتريلك شمسيه .  عصبي وشرايين رگبته كلها تبين من يتعصب.  ضحكت وهي تنشف راسه ..
- ادخل بدل لاتبرد ..
طلعت عمتها من المطبخ .  اجو الجهال خليهم ينزعون احذيتهم يم الباب توني غاسله الممر لايطينوه ..
ماردت عليها.   اخذت حذاء حكمت تكتها على حافة الحايط او الدجة مال الحايط ..
ودخلت . 
رضاء بعد الي صار حاولت تقطع الكلام او الحديث وي الكل مر اشهر على الي صار بس مانست الي عرفته والي دمر حياتها ..