حكمـة ذئب

الحكمة التاسعة والاربعون

مسائكم مسك احبتي ❤
(49)
#حكمـة_ذئب
#بقلم_شمس_السعدي

الانتصار في معارك الحياة ليس هو النجاح التام .. النجاح التام هو أن تكسر مقاومة العدو بدون قتال ..
_____________________________________

حياتنا عبارة عن مجموعة مواقف وتجارب ..
بكل يوم نمر بتجربة معينة ..
وبعد انتهاء هذا اليوم نكتشف العبر من تلك المواقف سواء كانت سلبية ام ايجابية ..

بعض الاحيان يعجز المرء عن مقاومة عدوه والحد من عداوته .. فتجد نفسك بأكبر اختبار..  وخاصة ان كان هذا الشخص يربط بينك وبينه صلة متينة لاتستطيع المساس بها ..

فالنجاح هنا يكمن بمقاومة العدو دون قتال وكسب المحب لجانبك وزيادة تمسكه بك ..

نزل عطاء مرعوب بملابسة الداخلية لازم بيدة دسداشتة ويركض من الدرج ..
ووراه هيلين بيدها بنتها ونزلت من الدرج تتعثر بخطواتها بعد ماسمعت الطلق ..

تبجي وتصيح شكو شكو منو مات ..
باوعتلها حمدية " على كيفج عمة لاتوگعين ماكو شي كلنا بخير هالتشوفينا "

اشرت العطاء " الزم مرتك لاتطيح "

جانت رضاء واگعة بالگاع من الهبطة ..
وحكمت يفرك بخشمها وايدها مدنگ اشر الفرحة .. جيبي جهاز السكر قيسي البيبيتج .. وماي اغسلي وجهها ..

ماهين جانت تقرا ايات قرآنية وتنفخ بوجهها ..
صار صياح ..
طفر حكمت راد يطلع لزمته حمدية " وين طالع لاتجيك تايهة "

سحب روحه حكمت " ماتسمعين عمة صياح خاف واحد من المنطقة "

عطاء يلبس بالدشداشة واجة وراه " انتظرني جاي وياك "

طلعوا من الباب اثنينهم صارت عينه على بيت مسك شاف هوسة ركض الهم ..
" خير عمي ابو هيثم "
سحب الولد وام هيثم تصيح..
انصدم من شاف هيثم نايم على وجهة وسابح بدمه ويون ..

التفت العطاء " السويج بسرعة والموبايل  "

دخل عطاء للبيت وشوية طلعت عمته حمدية وراه من سمعت بيت ام هيثم ..

اجت مسك تسحل نفسها بالعربانه وتبجي لابسه تراك وبلا حجاب .. سألت "عايش مووو لاتكول مات "
همسلها " لاتخافين عايش بس ادخلي استري روحج الناس بدت تطلع .. اشر النبراس اجت سحبتها ..
ام هيثم جانت گاعدة يمة ..
وتصيح " ليش رجعت مابقيت ببيت عمك ليش .. كلبي جان حاس من المغرب عيوني ترف ومقبوض گلبي عرفت يصير شي تاليهم مراقبيه ومنتظرين جيته واني اگول ماكو خطر عليه واتوسل بي يبقى ريت انگطع الساني ولاعطلته عن سفره "

كانت تبجي وتندب حظها رغم ماكان ولد بار بمعنى الكلمة لكن قلب الام لايعرف البار من العاق ..
تريد ترفع راسه تخليه على رجليها من الكاع ..
صاح حكمت " اوكفي خاله لاترفعيه ..
بدأ يشد ويضغط على اماكن الطلق ..
شالوه على كيف ولفوه بجرجف وصعدوه بالسيارة ..
صعدت امه وياه بالوره..
جابت عبايتها نبراس شمرتها عليها ..
وابوه بالگدام ..
اشر العطاء يبقى يم اهله ..
ونبراس جابت ولده ومرته واجت وراه..