مساء الورد حبايب ❤
(40)
#حكمـة_ذئب
#بقلم_شمس_السعدي
______________________
إن العواصف و الثلوج تفني الزهور و لكنها لا تقتل البذور ..
_______________ جبران خليل جبران
شگد مرت بظروف بس كل مرة اوگف من جديد بقوة الله وصبره .. وكل الي رادوا يهدوني مايدرون الي مولود بالعواصف ماتهمة هبوب الرياح ..
سديت الموبايل وي السيد وبلغته يخبر المركز .. لهنا وكافي مااسكت ..
خلي اخلص من مصيبة رضا واتفرغ لبقايا السنين اذا ماانهيها ماارتاح ..
اجة جبر " لاتخاف الباجر غصب عنهم يطلعوك بكفاله اذا مو براءة لان ماعندهم شي يثبت انت الضاربة "
هزيت راسي " بس هم خابر ليث تعرفه الولد الانباري هو شاهد على كلشي "
رد جبر " زين اني اتصرف بس اهلك شلون "
عاينت العطاء " بقت يمك هاي ابو العطا طلعلهم اي حجة "
اتنهد " وامك راح تقتنع شنو انت قابل ماتعرفها ودور درت بيك رايح للمركز شيخلصني ؟"
رد جبر " انت گللها طلعوا مشتبهين بي .. والدكتور مريض وراح يبقى يمهم لان جبر وحدة "
ودعوني وراحوا .. مااهتميت للي اني بي بس حرگ البيت اذاني حيل .. شوكت ينتهي هالحقد والكره الي بگلبهم ..
ليش اني هيج اهلي يسوون بيه .. بقيت گاعد بالتوقيف .. شوية واجة جبر جايبلي لفات .. دخلهن الي
گعدت اكل يمي واحد طفل يعني مبين مراهق ..
سألته " تفضل وياي "
ماگال لا اتقرب مني " انطيني بس نص لفة "
رديت " لا اخذها كلها وهاي ماي الك هم "
اخذهن وگعد ياكل ..
كتلني الفضول اعرف هو ليش هنا المفروض هسا هو بالمدرسة يدرس ..
كملنا اكل .. طلعت كلنسة مسحت حلگي وعيني عليه
" ليش موقفيك ؟"
صفن عليه .. رجعت سألت " شنو تهمتك "
رد وبعدها دنگ " تهموني بايگ "
"يعني تهموك لو صدگ بايگ ؟؟"
رد " لاصدگ بگت بس مضطر والله عمي يكتلني اذا ماجبت فلوس اني واخواني "
تقربت اله " ليش ابوك وين ؟"
رد " ابو مات بحرب بوش " قصدة على حرب 2003
بعدها كمل كلامة " وامي تزوجت عمي بس ماتگدر تحجي وياه .. اخواني يبيعون كلنس بالفلكة واني امسح السيارات .. بس محد ينطينا ومايقبلون نمسح سياراتهم يضلون يصيحون لو تقربنا منها "
اتنهد " شسوي اضطر ابوگ حتى ارجع اخواني من وكت للبيت ماابقيهم لليل "
الولد حلو بس مامرتب ومبين فقير كسر گلبي ..
درت وجهي عنه واستغفرت ربي ..
أنت تقرأ
حكمـة ذئب
Ficção Geralحكمة ذئب لا تأتي من فراغ من الم وجروح من عدة طعنات تأذيت وحدي سقطت وحدي وصنعت عالمي وحدي ..
