اسعد الله اوقاتكم بكل خير احبتي ❤
(51) والاخيرررر
#حكمـة_ذئب
#بقلم_شمس_السعدي
أيها الماضي .. لا تغيِّرنا كلما ابتعدنا عنك !
أيها المستقبل .. لا تسألنا: من أنتم؟ وماذا تريدون مني؟ فنحن أيضاً لا نعرف !
أيها الحاضر .. تحمَّلنا قليلاً فلسنا سوى عابري سبيل ثقلاء الظل !
___________ محمود درويش
__________________________________
من أكبر أخطائنا أننا نمرّ على لحظات الفرح مروراً عابراً .. ونعيش الحزن بكل مشاعرنا ..
هذه كانت حكمة ذئب عجوز قالها يوما لحفيده ..
يعلمه اصول الحياة وطريقة العيش والتأقلم فيها ..
حكمة ماگدر يهضم الي صارله وخذلان بنته اله ..
كان يبتعد قدر الامكان عن البيت حتى مايواجه فرحة
يحس جزء من داخله متشتت ..
حاس بعذاب ضميرها وتوترها بس لازم ينطيها درس حتى ما تكرر الخطأ مرة ثانية ..
اتصلت بي مسك باوع للرقم واتنهد ..
والثانية هم مقصر عنها ومايرد عليها من فترة ..
فتح خط " الو "
ردت " شلونك ليش هالجفا وياي معقولة ماتشتاقلي "
رد " تعبان مسك .. عذاب حياتي كلها بجهة والي صار وي فرحة بجهة ثانية .. شكد حاولت اخليها تحافظ على برائتها ماردتها تنجرف بسرعة .. دايما انصحها واوجهها .. تالي يضحك عليها واحد نذل وجبان لو بي حظ واجهني مو يدزلي رسائل "
كانت مسك تسمع وساكته .. حاسة بتأنيب الضمير .. ماگدرت تشوفه متشتت هيج ..
ردت " تگدر تجينا اريد احجي وياك بشغله مهمة "
رد " لا وين اجي وحدج بالبيت شتگول العالم "
ردت " لا مو وحدي جدو هنا وبيبي وخاله نبراس هم "
سألها " شوكت رجعوا ؟"
ردت " صارلهم يومين بس انت ناسيني وماترد "
اتنهد " ماردت اضوجج وياي .. راح اموت واعرف منو هذا ويرتاح گلبي "
ردت بتردد" اذا تريد تعرف منو تعال وافهمك "
استغرب وحس بصدمة " انتي تعرفيه .. شمعرفج بي ؟ اكيد فرحة گالتلج مووو؟ تستحي تگلي وگالتلج "
ردت مسك " تعال وتفهم كلشي "
رد " دقايق واجي "
غلقت الموبايل والتفتت النبراس " راح يجي "
سألتها " متأكدة من الي تسويه .. خاف هالشي يأثر عليكم .. ماجان اكو داعي تگوليله وخاصه بعد مارحت وطيحت حظه وجدج هم ماقصر وحتى ابوج ماقبل بعد لويش تكبرين السالفة "
اتنهدت مسك " مااگدر اسكت واشوفه يتعذب .. ع الاقل يرتاح .. اما علاقتنا فمستحيل تتأثر .. لان اعرف حكمت كلش زين اهم شي عنده الصدق .. لو كذبت عليه مااگدر اخلي عيني بعينه بعد واذا عرف راح تزحزح ثقته بيه .. وساعتها مااتحمل وصدگ تتأثر علاقتنا .. اخوي اذنب ولازم يتحمل نتائج ذنبه "
اندگت الباب گامت نبراس " اروح افتح الباب اني "
خلت الشال على راسها وطلعت ..
كان حكمت متوتر سلم عليها وسأل " مسك وين صيحيها لهنا "
أنت تقرأ
حكمـة ذئب
General Fictionحكمة ذئب لا تأتي من فراغ من الم وجروح من عدة طعنات تأذيت وحدي سقطت وحدي وصنعت عالمي وحدي ..
