هلا وغلا حبايب ❤
(38)
#حكمـة_ذئب
#بقلم_شمس_السعدي
______________________
#الايام_وردية_ورمادية
في حياة كل انسان هناك ايام وردية وايام اخرى رمادية تصبح تدريجيا سوداء قاتمة ..
فعندما تشتد به الآلآم يتذكر كل الذكريات التي مرت عليه .. بتسلسل يسابق السنين الضوئية .. فتتشابه كل ايامه في الذكريات بايام الخريف الرمادية ....
لكن عندما يفرح وتبدأ احلامه تتحقق فيشعر وان كل ايامه وردية .. ينسى مامر عليه من تلك الايام الرمادية وكانه لم يمر بها اطلاقا !!
هذا حال حكمت لما داوم بالكلية .. جان يحس بشعور حلو رغم السنين الي راحت منه .. ورغم فارق العمر بينة وبين زملائه لكن هالشي ماحطم معنوياتة ثابر واجتهد حتى يكمل ويوصل ..
كسب حب واحترام جميع الاساتذة والدكاترة بالكلية ..
كان يناقشهم ويشرح بخبرة ..
حتى الدكتور اتعجب من نباهتة وسأله بمزح :
"انت متأكد طالب سنة اولى احسك دكتور وعندك خبرة"
رد حكمت " اي اشتغل وي دكتور خليل واصلا اني دارس اشهر وصارت ظروف منعتني اكمل "
حكمت عمرة كان مختلف عن الشباب الموجودين عمرة بنهاية 26 سنة وذو كاريزما مميزة حنطاوي البشرة وعندة شارب ولحية خفيفه هالشي اثار انتباه اغلب البنات ..
ولانه شاطر كان اغلب البنات بحجة ياخذن محاضراته او يطلبن يساعدهن بالشرح ..
ويضطر يوافق بعد اصرارهم .. كان گدام الطلبة يشرح ع اللوحة واكو ايضا اغلب الولد يبقون حتى يستفادون وهالشي سهل الامر عليه ..
بس حكمت مو من النوع الاجتماعي ويختلط بسرعه
والدنيا علمته عدم الثقة بسهولة ..
بيوم گاعد اجة ولد اسمه رضا " انت انت مو احجي وياك ؟"
رفع راسه حكمت " تحجي وياي ؟"
رد رضا " اي وياك طبعا "
اتنهد حكمت وگام " مالي حجي وياك .. اولا اني عندي اسم وثانيا انت بكلية طب المفروض اسلوبك يكون مثقف مثل المهنة الي راح تمتهنها "
ضحك بأستهزاء " وفيلسوف الاخ " ضحكوا جماعته
جمع حكمت محاضراته واوراقه وگام بدون ميرد عليهم
اجة رضا گباله بسرعة " مو احجي وياك ليش مشيت "
" اللهم صبرج ياروح .. خوية الي رايدة شنو ؟"
رد رضا " مالك شغل بهدى "
عكف حاجبه حكمت " هدى منو ؟"
رد عليه " الي بحجة تدرسها ومگابلها "
اتنهد حكمت " خوية اصلا مااعرف اسمها ولااعرفها بنات من مرحلتي طلبن اساعدهن لاتطلعلي سالفه حتى المعروف تگطعوه بسوالفكم هاي "
أنت تقرأ
حكمـة ذئب
Ficção Geralحكمة ذئب لا تأتي من فراغ من الم وجروح من عدة طعنات تأذيت وحدي سقطت وحدي وصنعت عالمي وحدي ..
