اسعد الله اوقاتكم بكل خير احبتي ❤
(48)
#حكمـة_ذئب
#بقلم_شمس_السعدي
_______________________
دائمـا مانجهل مايكتبه لنا القدر حتى نجد انفسنا مسيرين لا مخيرين حتى في الحب ..
من قال ان كل العشاق مخيرين في اقدارهم ..
نحن لسنا سوى مسيرين…
نحب ونعشق بعدها ننصدم بأبتعاد احدنا عن الاخر دون اسباب مقنعة ..
فكلنا مقيدون بسلاسل تحت مسمى التقاليد والمجتمع
وعلينا ان نرضخ لهذه الاعراف ..
كل هذه التقاليد ربطت حياتنا بخيوط متشابكة مثل شبكة العنكبوت .. فحياتنا عبارة عن عقد متتالية تشابكت بعضها مع بعض ..
وهناك نوعان من العقد .. عقد سهلة الفتح بمرور الوقت لانها بسيطة ومرنة ..
وعقد قد تشابكت منذ سنين عقدة فوق عقدة الى ان اصبحت متينة لايمكن فتحها ..
كانت حياة حكمت عبارة عن عقد تراكمت بعضها فوق بعض الى ان اصبحت متينة .. كلما يقترب من حلها تتعقد اكثر ..
لكن الانسان المؤمن والصابر لايعرف الاستسلام ..
بمنتصف سنة 2015 ..
وبعد ان قرر هيثم يسافر هو وعائلته .. كانت مسك مستسلمة نهائيا ..
بينما حكمت من سمع مااتوقف .. اتصل بنبراس
" الو حكمت سمعت بالخبر "
رد " اي سمعت من فرحة بس مسك شنو رأيها ؟"
ردت " مقتنعه بكلام ابوها "
رد بعصبية " تحجين صدگ ليش ؟؟ هاي جزاتها لو تريد تعاقبني .. صار اشهر اركض وراها وصابر واگول تحن عليه وترد تالي متجاهلتني وهسا تريد تروح .. الهاي الدرجة كارهتني .. مادامها هيج الله وياها اني سويت الي عليه "
ردت نبراس " اوكف لك مو اخذتني حاصل فاصل .. انت شلون تحجي وياها ؟؟ اذا اصلا موبايل ماعندها "
رد باستغراب " ههههه شنو ماعندها اني كل يوم اراسلها مرات تفتح نت ومرات لا وبس تقرأ وماترد "
ردت نبراس " لعد احد فاتح حسابها من غير ماتدري لان مستحيل هي شگد دورت على موبايلها مالكيته "
رد " يعني منو اخذه تتوقعين عند ابوها ؟"
ردت " لا لو عند هيثم مستحيل يسكت الك جان گلب الدنيا .. خليني اتأكد واشوف واگلك "
فرك وجهة واتنهد " اوگفي نبراس .. حاولي ترتبيلي وقت اشوفها لازم احجي وياها واخلي النقط ع الحروف "
ردت " اوك اخابرك عود "
غلق الموبايل وشمره ع الجرباية .. صار يروح ويرجع بالغرفة هسا ليل وشنو يگدر يسوي "
رجع اتصل ماسنجر على حساب مسك .. انطاه رفض
وبعدها انقطع النت منه ..
معناها كلام نبراس صحيح .. اكو واحد جاي يلعب عليه بس منو ؟
صار هوس عنده كل شوية يتصل ماكو .. الى ان نام
من الصبح خابرت نبراس فتح عينه رفع الجهاز نبراس تتصل .. باوع للوقت بالسبعة ..
أنت تقرأ
حكمـة ذئب
Ficción Generalحكمة ذئب لا تأتي من فراغ من الم وجروح من عدة طعنات تأذيت وحدي سقطت وحدي وصنعت عالمي وحدي ..
