(عشقها الصقر)

البارت 27

ادم لمليكه بصوك كالفحيح : ايه اللي انتي عملتيه ده
مليكه بإرتباك : هاا انت ايه اللي عملته ده ؟؟
ادم بصوت عالي : انطقي ايه ده
مليكه بشجاعه مزيفه : انا معملتش حاجه انت اللي سافل وحقير ومش محترم و قليل الادب كمان
ادم بصدمه وحده : اخرسي والا متلوميش غير نفسك
مليكه بخوف : انت متقدرش تعمل حاجه اصلا
ادم بغضب اعماه وهو يمسك خصلات شعرها : انا هوريكي مين هو ادم الصياد يا بنت شريف
مليكه ببكاء والم : سيب شعري ااه اه
تركه ثم امسك يديها وسحبها خلفه خارج المكتب تحت انظار الموظفين المصدومه لكنه لم يبالي وظل يسحبها خلفه حتي وصل لسيارته ادخلها بقوه ثم ركب هو الاخر وانطلق بها بسرعه شديده
مليكه ببكاء : انت رايح فين لو سمحت نزلني
ادم بهدوء مخيف : اخرسي خالص
مليكه ببكاء وحده : لا مش هخرس انت واخدني علي فين
تجاهلها ادم واكمل طريقه دون ان يعينها انتباه حتي وصل الي منزلها واوقف السياره امام المنزل
وقال لها : انا هطلع دلوقتي وهشوف رأي اهلك و متقوليش غير نعم وحاضر فاهمه
مليكه بحده : انت مين انت عشان تقولي اعمل ايه ومعملش ايه
ادم بحده و بصوت مرتفع ارعبها : صوتك ميعلاش بدل ما اخرسك وحذاري انك تنطقي بكلمه غير حاضر انتي عارفه كويس انا ممكن اعمل ايه فيكي و في ابوكي لو عصيتي كلامي فمتضطرنيش لكده فاهمه
مليكه بخنقه : فاهمه
ثم ترجلوا من السياره و صعدوا الي منزلها دقت علي الباب برفق لتفتح لها والدتها فرحبت بهم ثم رافقتهم الي الصالون و لكنها لاحظت شحوب وجه مليكة فسألتها بحنان : مالك يا حبيبتي !
التفتت مليكة الي ادم الذي نظر لها بتحذير ثم وجهت انظارها لوالدتها ببتسامة لم تصل لعينيها : ابدا يا ماما تعبت شويه في الشغل و مستر ادم كتر خيره وصلني
الأم بحنان : كتر خيرك يا ابني تعبناك معانا
ادم : عيب حضرتك تقولي كده انا مش زي ابنك ولا ايه
الام بحنان : طبعا يا ابني ربك وحدك يعلم غلاوتك عندي
ابتسم ابتسامه بسيطه فحين كانت تنظر له مليكه بصدمه علي تغيره السريع ذلك فكيف يقلب حاله هكذا منذ قليل كان يهددها بحياة اهلها والان يتعامل معهم بكل هذا الاحترام حقا ممثل رائع !! قاطع شرودها سؤاله عن والدها
ادم : امال في عمي
الام : بيصلي يا ابني هجبلك عصير لحد ماييجي
ظلوا صامتين حتي قطعت مليكه الصمت وهي تصفق بيديها قائله بسخريه : لا براڤوا ممثل رائع ده انا نفسي صدقت انك بتحبهم اوي كده
رد بهدوء وهو ينظر الي عينيها بعمق : انا فعلا بحبهم جدا هما معملوليش حاجه عشان اكرههم
نظرت له بغضب ثم قال بصوت علي قليلا : امال عايز تضر بابا ليه
ادم بتحذير : وطي صوتك وبعدين مين قال ان انا هضره انا بقول كده لو منفذتيش كلامي لكن انتي هتنفذي كلامي هضره ليه
ردت عليه بغضب مكبوت : انسان مستفز
ابتسم ابتسامه واسعه ثم قال لها بهدوء : نصيحه مني اتعلمي في حياتك ان اللي عايز حاجه لازم يتعب عشان يلاقيها وده اللي انا بعمله
نظرت له بدهشه وجاءت لترد عليه لكن قطع حديثها دخول والدتها وهي تقدم له العصير قائله : منورنا يا ابني
تناول من يديها العصير ثم قال ببتسامه وهو ينظر لمليكه : ده نور حضرتك
مما جعلها تنظر في جهه اخري وتنفخ وجنتيها مما جعل شكلها طفولي محبب فابتسم عليها
ثم ظل فتره يتحدث مع والدتها في بعض الامور المختلفه حتي اتي والدها ورحب به بشده
وظل يتحدثون عن بعض الامور حتي سأل ادم : كنت حابب اعرف رأي حضرتك في الموضوع اللي كلمتك عنه
ابتسم له الاب وقال : والله يا ابني انا مش هلاقي احسن منك لبنتي بس في الاخر الرأي رأيها وانا متعودتش اغصبها ع حاجه
ثم نظر لإبنته قائلا : ايه رأيك يا مليكه
نظرت مليكه لادم بنظره لم يفهم معناها ولكنها المته في قلبه قائله : اللي حضرتك تشوفه يا بابا ثم غادرت الي غرفتها سريعا
ابتسم له الاب قائلا : انت عارف بقا كسوف البنات
ابتسم له ادم ثم قال : طيب انا هاجي النهارده بليل انا ووالدتي واخويا الصغير عشان تتعرفوا
ابتسم والدها علي سرعته فيبدوا عليه انه يحب مليكه بشده وعرف ذلك بخبرته وقال : تنوروا يا ابني
وقف ادم قائلا : طيب بعدئذنك بقا عشان اتاخرت ع الشغل اللي سايبه
والد مليكه شريف ببتسامه : طيب مش هتتغدا معانا
ادم : لا وقت التاني بقا الجايات كتير
ثم غادر سريعا
***********
في فيلا معتز
كان يجلس بشرود في الحديقه الخاصه بالفيلا يحتسي فنجان من القهوه
معتز في نفسه : يا تري ادم اتحرك وخد خطوه في موضوعه هو ومليكه ولا ل___
قطع تفكيره هاتفه الذي يرن بإسم مليكه ضحك وقال : جبنا في سيرة القط جيه ينط
ثم جاوب ع الهاتف قائلا بمزاحه المعتاد : ازيك يا ذات العيون الزرقاء والشعر الاحمر
مليكه ببكاء : الحقني يا معتز
معتز بخضه : ايه في ايه يا مليكه انتي كويسه
مليكه ببكاء : وسردت له ما حدث وهي تبكي بشده لكن لم تخبره بموقف القبله
معتز بهدوء عكس ما في داخله : طيب اهدي كده
مليكه بدموع : اهدي ايه انا مش عارفه اعمل ايه بجد
معتز : يا بنتي مش انتي قولتي انك حاسه بحاجه ناحيته واتفقنا انه يخليه يعترف عشان تتجوزوا و اهو حصل متدايقه ليه دلوقتي
مليكه بعد ان هدأت قليلا : عشااان انا بكرهه اوي
معتز ببتسامه و عبث : احلفي
مليكه بغيظ : انجز خلصني من الموضوع ده بقا اوووف
معتز بمرح : ما خلاص بقا اللي بيقع تحت ايد الصياد بيطلعش تاني
مليكه بغيظ : يخربيتك انت ايه انت المفروض تهديني يا بني ادم
معتز بجديه مصطنعه : انتي ي هانم متنسيش نفسك ده انتي بتتكلمي مع ____
كاد ان يكمل حديثه الي انه قطعه مجئ ادم وحديث مليكه وهي تقول بغيظ : مع شخص تافه انا بتكلم مع شخص تافه
معتز وهو يضحك : استني طيب يا لوكه دقيقه كده
مليكه بزهق : انا مش عايزه اكلمك اساسا سلااام واغلقت الخط في وجهه
نظر للهاتف قائلا بمرح : بتحبني اوي بنت الايه
ادم بهدوء : كنت بتتكلم مع مين
معتز بإرتبااك : ها ها ده دي مليكه
ادم بعيون مشتعله : وبتتكلم معاها بصفتك ايه بقا
معتز بخوف : هقولك بس وحياتها متضربش
ادم بغيظ : انطق
معتز بتحذير : بس متضربش
ادم بنفاذ صبر : انجز
معتز بشجاعه مزيفه : وانت مال اهلك
نظر له ادم
ثانيه
ثانيتان
ثلاث ثواني وكان معتز بتفرش ارضيه الحديقه الخاصه به بفعل لكمات ادم له
ادم بحده بعدما افرغ شحنة غضبه : اقف
معتز بالم : اقف ايه انا فيا حتي سليمه
ادم بسخريه : ماتقف يااض وتنشف كده
معتز بغيظ وهو يقف : خير جااي لييه
ادم ببرود : عشان ده ثم القي امامه بعض الاوراق قائلا : عشان سيادتك مبتشتغلش فقررت انك هتمسك اوراق الصفقه دي كلها لوحدك
معتز بصدمه وبلا وعي : وحياة امك
ادم بتحذير : معتز
معتز بعدما فاق قليلا من الصدمه : انت بتهزر صح يا دومي
ادم ببرود وهو يغادر : ومن امتي وانا بهزر في الشغل قدامك اسبوعين تكون اوراق الصفقه خلصت وهاجي اراجعها معااك وحذراي الاقي غلطه سلاام ثم غادر
معتز بضيق : يا تقل دمك اووف يخربيتك
*********
في بيت مليكه كانت تجلس بغرفتها وفجأه دخلت والدتها قائله بحناان : مالك يا حبيبتي قاعده لوحدك ليه كده من ساعة ما ادم بيه مشي
مليكه وهي تبتسم ابتسامه لم تصل لعينيها : انا كويسه يا ماما مفيش حاجه بس كان عندنا النهارده شغل كتير جدا م تعبت منه مش اكتر متقلقيش يا حبيبتي
الام بحنان : ربنا يقويكي يا بنتي ويوقف قدامك اولاد الحلال
مليكه : يارب ثم اكملت بمزاح لكي تخفف الجو قليلا : مقولتيش ويرزقك بإبن الحلال ع فكره
الام بمكر : مهو خلاص جيه و احنا هنلاقي احسن منه فين بقا انشااء الله
مليكه بسخريه : والله
الام : والله يلا قومي بقي خدي شاور كده و غيري هدومك و ارتاحي شويه يا حبيبتي عشان اهل ادم جايين النهارده
مليكه بضيق حاولت اخفاءه : نعم النهارده
الام : ايوه النهارده يلا بقا عشان اكمل اللي كنت بعمله
*********
عندما وصل ادم القصر دخل بشموخه المعتاد وكانت توجد خالته وشاهي
ركضت شاهي اليه ما ان رأته ثم قامت بإحتضانه قائله : وحشتني جداااا يا ادم
ادم وهو يحاول ابعادها واستطاع بالفعل قائلا ببتسامه لم تصل لعينيه : ازيك انتي يا شاهي ثم قال بتساؤل : امال فاتن هانم فين هي ونسرين هانم
شاهي بلامبالاه : قاعدين في الصالون هي وماما
ادم وهو يتجه اليهم : تمام
وصل اليهم وشاهي خلفه والقي السلام علي كل من والدته وخالته
نسرين : ايه يا ادم محدش بيشوفك يعني
ادم : معلش يا خالتو اشغاال
نسرين : وهو في حد بيتشغل علي خالتو
فاتن بسخريه : قولي في حد بيتشغل عن امه
ادم بسخريه هو الاخر : مش لما تفضلنا الاول اصلها مشغوله بالشوبينج و السفر والنادي
نسرين بهدوء : خلاص صلوا ع النبي كده
ادم : عليه الصلاه والسلام
فاتن : عليه الصلاه والسلام
ادم لوالدته : كنت عايز اكلمك في موضوع
فاتن ببتسامه : لا ده انا عملالك مفاجأه هتفرحك اوي ولا ايه يا شاهي
شاهي بخجل مصطنع : خلاص بقي يا انطي متكسفنيش
ادم بملل : في ايه
فاتن ببتسامه : خطبتلك شااهي
ادم بصدمه : نعم انتي بتقولي ايه
فاتن : مفاجأه مش كده
ادم : مفاجأه ايه وهباااب ايه انا شاهي بالنسبالي اخت بس مش اكتر انا كنت جاي اقولك اني هخطب بنت النهارده وبقولك عشان تيجي معايا انتي واحمد
شاهي بصدمه : ايه اللي انت بتقوله ده يا ادم طيب وانا
ادم ببرود : والله انا موعدتكيش بحاجه عشان كل الصدمه دي انتي عارفه ان مفيش اي مشاعر اتجاهك غير الاخوه بس مش اكتر
فاتن بهدوء و سخريه عكس مابداخلها : مين قالك بقا يا ادم بيه اني هوافق اني اجي معاك تخطب واحده غير شاهي بنت اختي
ادم بنفس البرود : براحتك مش عايزه تيجي ماتجيش بس انا اديت للراجل كلمه و هروحله النهارده وبنت اختك شاهي دي انا هقفلها في فرحها ده انا اللي هسلمها لعريسها مستحيل اكون انا زوجها في يوم من الايام هي اخت بالنسبالي مش اكتر من كده
نسرين بسخريه : وتطلع مين الهانم بقا
ادم ببرود : هتعرفي
ركضت شاهي الي الخارج وهي تكاد تشتعل
فاتن : عاجبك كده
ادم بهدوء : فين احمد
فاتن : في اوضته
ثم غادرت المكان وخلفها اختها
وفي نفس اللحظه نزل احمد من غرفته قائلا لادم : منور يا كينج
ابتسم ادم : ده نورك
احمد : الا قولي عامل ايه في الشركه
ادم بهدوء : اهو ماشي الحال الحمدلله
احمد ببتسامه : انا ناوي انزل بكره الشركه
ادم بمزاح : اخدت اجازه بما فيه كفاايه
احمد بضحك : هنقر بقا هنقر
ثم ظلوا يتحدثون قليلا حتي قال ادم : صحيح انا رايح اخطب النهارده هتيجي معايا
احمد بمزاح وهو يعتقد ان ادم يمزح : ياراجل ادم والنبي اسكت
ادم بجديه : علي فكره مش بهزر
احمد : ده الموضوع بجد بقا مين سعيدة الحظ
كاد ادم ان يرد لكن قطعه صوت والدته قائله وهي تنظر لنسرين بخبث : انا موافقه يا ادم وهاجي معااك النهارده
ادم وهو ينظر لها بغموض : تمام بس لو في فدماغك حاجه مش تمام او انك تإذيها انتي حره
فاتن : بتهدد امك
ادم ببرود : مبهددش حد انا بس بفهمك
احمد بفرح لأخيه : مين هي يا ادم
ادم بهدوء : مليكه !!!!
شاهي من خلفه بصدمه : ____
***********
البارت خلص بتمني يكون عجبكوا واسفه علي التاخير جدااا
ياتري فاتن نيتها كويسه !!!
وياتري ادم حب مليكه ولا !!!!
وهل شاهي ستستسلم ام ماذا !!!
كل ده هتعرفوه في البارت القاادم تشااااااو ✌👋
تحيااتي ميرو ميرو ❤😍