(عشقها الصقر)

الفصل 37

قفنا البارت اللي فاات هنا 🤗
ادم وهو يمسك يديها قائلا : ......
ادم و هو يمسك يديها قائلا : طب يلا بقي
معتز بمرح : يا ابني سيبها تقعد تاكل مش شايفها مفرفره ازاي ف ايدك
نظر ادم لها حقا وجهها متعب لكنها ترسم ابتساامه هادئه كالعاده تزيد من سحرها
ادم بحنو اليها : انتي كويسه
اومأت مليكه قائله : انا ټمـٱم
تيلا بغيظ و مرح : يا شيخه اتنيلي مشينا البلد كلها و تقوليلي كويسه
نور بضحك : هي دي بتحس
مليكه بضحكه متعبه قليلا : غوري ابت منك ليها
معتز بمرح : لوكه سيبك منهم دول عيال رخمه
ادم لمعتز بصرامه : اسمها مليكه يا زفت مش لوكه
مليكه بإبتسامه : ميزو يقول اللي هو عايز يقوله
معتز : حبيبتي يا لوكه نصفاني دايما
ادم و هو يضغط علي يديها بغيظ : اممم جميل .... اتفضلي معايا بقي
مليكه وهي تحاول سحب يديها : علي فين
نظر لها ادم قائلا : تمشي معايا من غير كلام
ثم سحبها من يديها خارج المطعم بأكمله
نوره بغيظ لمعتز : صاحبك ده رخم
تيلا بمرح : اتوكسي ده قمر
معتز بضحك : قمر فعلا والله بيتعااكس و انا ماشي جنبه كتر خيرها مليكه
نوره بمرح : ماهي مليكه قمرين كتر خيره هو بردوا
معتز بضحك : اه والله

*********
عند ادم و مليكه كانوا يجلسون ف السياره الخاصه به صامتين حتي قطع هذا الصمت ادم
ادم وهو ينظر لهاتفه : الفستان جبتيه زي ما قولتلك
مليكه بزهق : اممممممم
ادم ببرود : براڤوا
مليكه : طيب ايه هتفضل ماسك الفون كده عايزه امشي
ادم ببرود : اممم عيووني
ثم ترك هاتفه وانطلق بسياارته حتي توقف امام قصره
مليكه بإستغراب : ايه ده احنا هنا ليه
ادم ببرود : عشان تاكلي
مليكه بسخريه : ايه حضرتك فتحت مطعم ف بيتك
ابتسم ادم بسماجه : لٱ بس انتي شكلك تعبان ولازم تاكلي و انا ماليش مزاج اروح مطاعم
مليكه بحنق : خلاص روحني اكل ف بيتنا
نظر لها ادم ثم ترجل من السياره و اتجه لها قائلا : ايه قاعدة العربيه عاجباكي
نظرة له مليكه بضيق ثم ترجلت هي الاخري من السياره امسك ادم يديها ثم دخل القصر
فاتن و شاهي بضيق متجاهلين مليكه : اهلا ادم بيه
لم يرد ادم عليهما
مليكه بهمس له : طنط وشاهي بيكلموك
ادم بنفس الهمس : سيبك منهم
نظرت له مليكه بإستغراب ثم اومأت
شاهي بضيق : بتقولوا ايه
ادم ببرود : ميخصكيش
ثم سحب مليكه خلفه للمطبخ
ادم وهو ينادي : سناء
سناء الخادمه : اؤمر يا ادم بيه
نظر ادم لمليكه قائلا : شوفي الهانم تاكل ايه و اعمليه
ثم وجه حديثه لمليكه : هغير لبسي وجاي
مليكه : ماشي
سناء الخادمه : اؤمري ي هااانم
مليكه بمرح : هانم ده ايه قوليكي مليكه او لوكه
الخادمه بإبتسامه : تؤمري ب ايه يا مليكه
مليكه بإبتسامه : امممم عايزه___
الخادمه. : دقايق ويكون جاهز
مليكه بمرح : براحتك علي الاخر يا قمر انتي
الخادمه بضحك: والله مفيش قمر غيرك
مليكه بغرور مصطنع : ميرسي ميرسي
ضحكت الخادمه بهدوء علي تلك القادره علي ان تجعل الجميع حولها يضحك ببرأتها ومرحها ذلك
دخلت شاهي في هذا الوقت قائله بغرور لمليكه : ايه اللي جابك هنا وسط الخدامين ولا انتي عرفتي مكانك الحقيقي
مليكه بغضب : تقصدي ايه
شاهي ببرود : اللي علي راسه بطحه بقي
قولي لنفسك
كان هذا صوت ادم الذي كان يتابع المشهد من بدايته
شاهي بضيق: تقصد ايه يا ادم اني انا خداامه بدل م تقول للهانم اللي المفروض هتكون مراتك تبطل قاعده مع خدامين
مليكه بغضب : الخدامين اللي بتتكلمي عليهم دول بشر زينا واحسن كمان وليهم احترامهم وده شغلهم مش عيب ابدا بدل م نشكرهم علي خدمتهم لينا بنهين فيهم كمان ده ايه البجاحه دي
نظر ادم لقطته الشرسه ولكنه افتخر بها و بردها كثيرااا ولم يعقب
شاهي بحده : انا بجحه يا بتاعه انتي انتي نسيتي نفسك ولا ايه
ادم بحزم وهو يمسك كف مليكه : اسمها مليكه مش بتاعه ده اولا ثانيا هي مقلتش حاجه غلط و كلامك ليها مش هعديه علي خير و انا اللي عرفت ان مكانها تكون حرم ادم الصياد
ومفيش غيرها هتنول الشرف ده لإن هي بس اللي تستاهله
نظرت له مليكه بإبتسامه ثم احتضنته دون وعي منها قائله له بهمس : شكرا جدا اوي خالص لكلامك ده
شدد ادم من احتضانها رافعا اياها عن الارض نظرا لفارق الطول الكبير بينهم
نظرت لهم شاهي بغيظ و ذهبت متوعده لتلك المليكه
ادم بهمس و مرح : العفو جدا اوي خالص
ابتعدت مليكه عنه بخجل قائله : اسفه بس اممم انا
ادم بإبتسامه : تعالي نقعد في جنينة القصر
اومأت مليكه بخجل تناول ادم كفها الناعم بين يديه وسحبها خلفه للخاارج
************

في جنينة القصر
ادم لمليكه : مليكه
مليكه بدون وعي منها : ارغي
ادم بصدمه : ارغي
مليكه بعدما ادركت ما تفوهت بيه : احم اقصد يعني خير
ادم بإبتسامه : ماعلينا المهم
مليكه : ها
ادم بإبتسامه: الملف
مليكه بحزن : ادم والله مش انا اللي اخدته ولا اعرف بقي في شنطتي ازاي انا مش بكدب بجد
امسك ادم بذقنها ثم رفع رأسها اليه قائلا بحنان : مصدقك يا مليكه من قبل ما تقولي الكلام ده ليا مصدقك و متأكد ان مش إنتي اللي اخدتيه حتي لما طلعته من شنطتك
مليكه بإستغراب : اومال زعقت ليا ليه لما شوفته معايا
ادم : عشان ردك
مليكه : يعني ايه
ادم وهو يمسك خصله من شعرها اخد يتحسسها قائلا : ردك لما سألتك عليه قولتيلي انك اخدتيه قولتي كده ليه
مليكه بطفوله و ابتسامه : عشان زعقت ليا جامد فإتعصبت جدا اوي خالص وقولت كده عشان ادايقك
ابتسم ادم عليها قائلا : طفله
عبست مليكه بطفوله قائله : مش تقول طفله
ادم بضحك : بس انا شايفك طفله
نظرت له مليكه بغضب وجاءت لتذهب لولا يد ادم التي امسكتها وشدتها اليه فإصتدمت بصدره شرد ادم بعينيها وظل يتأمل بها كأنه نسي العالم بأكمله
مليكه لأدم بخجل : ابعد شويه ميصحش
ادم بإستمتاع بخجلها : عيونك جميله و لونهم حلو جدا
مليكه بحماس : و انت كمان عينك لونها قمر جدا اوي خالص
ضحك ادم عليها ثم قال بجديه : تحبي تعيشي فين
مليكه بإستغراب : ف بلدي
ادم بإبتسامه : اقصد بعد الجواز هتعيشي هنا ف القصر ولا تحبي نبقي لوحدنا
مليكه بتفكير : امممم مع بابا و ماما
ادم بسخريه : و تحبي نجهزلك الرضعه
مليكه بضيق : رخم
ادم : انا غلطان اني سألتك اصلا انا عارف هعمل ايه
مليكه : هعيش هناا ف القصر
ادم بتفكير : اشمعنا
مليكه : عشان لو انت ف شغلك حد يسليني
ادم : اممم تمام ثم اكمل قائلا : انتي اصلك منين
مليكه بغرور مصطنع : المنصوره 😎
ادم و هو كاتم الضحك : و مالك فرحانه و فخوره اوي كده
مليكه : اصل احنا معروفين بجمالنا 😎
ادم بإبتسامه : ايوه فعلا حصل
مليكه بإبتسامه : و انت منين
ادم بغرور : المنصوره
مليكه بضحك : و مالك فرحان و فخور اوي كده
ادم بضحك : اصل احنا معروفين بجمالنا
و تعالت ضحكاتهم
مليكه بعدما توقفت عن الضحك : بجد منين
ادم بجديه : بعدين تعرفي
نظرت له مليكه و قالت : طب طولك كام
ادم : 190
مليكه بضحك : ده انت اوزعه اوي
ادم بضحك : ده انا
مليكه بإبتسامه : انا وبلا فخر160
هنا انفجر ادم بالضحك عليها
و فجأه ----------
********
اسفه جدا جدا جدا ع التأخير
انا كتبت البارت ده بصعوووبه جدااااا
دعواتكم بقي
وبلاش لوسمحت اي كومنت يدايق مفيش طاقه استحمل
# مروه_طه