او‏୭ڪـسـۖجـﮧـيني 🥺🖤

الحلقة السادسة

 ساعة 6:00 pm
ايلين : عليك نومة سمحة ساعة كم توا و خيرها ماما ما واعتنيش حي عليا ساعة ستة نعدي نغسل وجي

نيفين : باهي احكيلي شن جو أيمن
ملاك: ما نشوفش فيه بكل بعد قصة البنت يلي حكيتلك عليها
طبعا كيف ما عرفتو او حتعرفوا نيفين تحب أيمن بحكم انها صحبة هي وملاك من الابتدائي يعني حب طفولة و كبر معها أما هو مش معبرها كان يحب بنت و خناته فقعد بين القراية والخدمة و بس
نردوا لقرمهههه

ملاك : محكيتيش مع ايلين على موضوع 
نيفين : لا لا اصلا من اول ما روحنا وهي راقدة مسكينة تتعب حتى هي
ايلين : اووو ملوكهه انتي هنا اهلا وسهلا
ملاك : 😂😂😂 اهلين ما شفتيش وجك في المراية ايلين :كني 😱
نيفين : شعرك منكوش نكشة سودة 😂😂😂
ايلين : حي نسيته بكل بعد خطرها مش قتلك وعوني بدري
نيفين : وطي صوتك يا تافههه اعميمه سعاد جوا
ايلين : وين على جو اعميمه سعاد 😎
نيفين : 😠😠
ايلين : باهي خلاص نعدي نسقم روحي وملوكهه انتي مش برانية 😉
ملاك ميته من ضحك : لا عارفه
خشت ايلين لحمام (حشاكم) و صلت العصر يلي فات عليها وبعدها غيرت دبشها لبست جينز أزرق فاتح و بلوزه ورديه و رفعت شعرها : نعليا مني وخلاص وباست المراية 😗 وطلعت
نيفين : خشي سلمي يا حنهه
ايلين : به
دقت الباب
سعاد : ماشاء الله ايلينو رايحة قمر
ايلين : اهلين اعميمه سعاد كيفك ، الله يسلمك
سعاد : الحمد الله بخير وانتي كيف الجامعة ماشاء وليتي عروس
ايلين : الحمد الله ماشية
سعاد : فطومة مش ايلين تشبة لبنت هديكا يلي اسمها حياة يلي في مسلسل تركي
فاطمة : ايه صاح والله يا زينها تهبل
ايلين : نستاذنك يا اعميمه
سعاد : خليك هدرزي
فاطمة : 😠😠
ايلين : اه ما عندي قراية في وقت ثاني
فاطمة : 😧
سعاد : براحتك موفقة
ايلين : سلمك
فاطمة : ايه يا سعودة مش قلت يلي نحكيلك موضوع
سعاد : ايه والله نسيت بكل هدا يا فطومة

ايلين : وأخيرا قريب كليتني ماما بعيونها خليني نشوف بنات ونلقب شيتاتي خير
نيفين : باهي و بعدها
ملاك : جابلها شوكولاته وجو هدا على اساس يرضيها طلعت خاينته مع صاحبه
نيفين : عليك العار
ايلين : فيش ديرن
ملاك : عارفتينا قرمههه في هل العباد 😂😂😂
ايلين : ورأس نيفين فنجان قهوة
نيفين : صبي بروحك عليش ربي خلقك رجلين 😒😒😒😒
ايلين : عليك قلة أدب أختك اكبر منك اخس لكن توا تستحقيلي 😌😌😌
نيفين : خلاص توا نصبي مبردك 😜😜😜
ملاك ميته من ضحك : توم و جيري 😂😂😂
ايلين : اني جيري اكيد 😌
نيفين : في عينيك اني انتي توم طويلة زية 😂😂😂
ايلين : طول هايبة و قصر خيبة 😏
ملاك : خلاص توا تبدن في طحن عدي ديري قهوة بنت عندها قراية
ايلين : منورة يا لوكة 😂😂😂😂😂
ملاك : بوجودك يا نيقا 😂😂😂
ايلين : شن تحقي فيا طح سعدك 😂😂😂
وقعدن يهدرزن ويلعبن و شوية يقرن لين روحت ملاك وامها
نيفين : مع سلامه ملوكه عوديها
ملاك : ان شاء الله
فاطمة : كان قعدتي للعشاء
سعاد : انتي مغباك في حسام و جو بتاعه ان شاء الله في عرس ايلينو يا رب 😉💜
فاطمة : ان شاء الله 😊 مع سلامه في أمان الله
وسكرت الباب وايلين خشت لقرايتها و نيفين عليها المواعين 😂😂 وفاطمة تفكر في موضوع سعاد .....