ايلين حضنتها و جت حتى نيفين معهن : ربي يخليكن ليا
ثاني يوم الصبح
ايلين طلعت هي و نيفين و ريهام لمزين وكل شوية تصور فيها ريهام طبعا دارت مكياج سمبل و لبست الفيلو و مكيجن البنات و طلعت ايلين جميلة الكل قعد يقول ماشاء الله تبارك الرحمن حورية
عند سهيل كان مع أصحابه و اجواءهم فل طلع هو مع أيمن
طلعت ايلين وصلهم خالها أحمد ،وصلت لقاعة و خشت لدار العروس ايلين كانت طول وقت حاسة بشي في قلبها لكن ما دورتش
خشت روان : الف مبروك ايلين
ايلين : الله يبارك فيك
روان : ماشاء الله طالعة تهبلي
ايلين : تسلمي
شوية و خشت ايلين على أسماء الله الحسنى والكل شهق على طولها و جمالها
روان : ريهام عطيني تلفونك بنرن على نقالي معش لقيته
ريهام مش منتبها : هاكي
روان خدت ال فون و مشت بيه لحمام كان فاضي نقلت كل صور ايلين
نحكيلكم شن صار روان دارت إيميل و دزت لسهيل انه على اساس انها شاب و في شيء بينه و بين ايلين سهيل ماصدقش قالتله انه حنبعتلك الصور يلي حتبعتهن ليا
نردو لروان بعتت كل الصور و قعدت تراجي
روان : صحيتي ريهام
ريهام : سلمك
سهيل كان في سيارة مع أيمن كان في صوت رسائل جنه لكن معدلش لكن لما كثرن فتح النقال و هو يشوف نزلت من عينه دمعه
سهيل : وقف
أيمن : كيف
سهيل بصوت عالي : قتلك وقف
وقف أيمن السيارة
سهيل : خليني بروحي
أيمن : وقت رآه
سهيل : 5 دقائق
طلع ايمن و سهيل قعد يخبط و يعيط
سهيل : كيف درتي فيا هكي كيف و انا يلي حبيتك و احترمتك و قلت حرام فقدت بوها لكن ورب العزة لمندمك على عيشتك ما يسمى اسمي سهيل يا ايلين
نزل شم شوية هواء وقال لايمن هيا
وصلوا لقاعة ومشى كل شي عادي
خش سهيل وكان باين انه تعب لكن ولا كانه في شي
ركب على كوشة بيش يصوروا و رفع الطرحة و شوية يمسك يدها و يضغط عليها بقوة
ايلين : كنك يا سهيل
سهيل : متوتر بس آسف
صور و طلعوا و ريهام و نيفين يبكن و يودعن فيها و روان مستمتعة
ركبت هي لسيارة و حست انه سهيل مش طبيعي
ركب سهيل و هو هادي جدا
طول الطريق ساكتين لين ايلين كسرت الصمت
ايلين : سهيل فيك شي
سهيل مردش عليها
ايلين زادت خافت و قعدت ساكته
وصلوا لشقة وركبت ايلين و سهيل في سيارة
سهيل : لازم نكون قاسي معها و بعد شهرين نطلقها منقدرش نصدق يلي صار وحط رأسه على دومان السيارة
ايلين خشت و لقت الشقة كلها شموع و ورد احمر حطت يديها على فمها و قعدت تبهت
ايلين : الله نحبك يا سهيل
قعدت تفرج على شقة و خشت لدار نوم يلي كانت خيال وكان في طاولة حطينلهم العشاء
شوية و سمعت صوت مفتاح انفتح سهيل طول خش لدار الآخر و
قعد ايلين تراجي تراجي ما جش عدت تشوف لقته حاط المفاتيح خشت عليه ما دورهش
قعمزت جنبه
ايلين حطت يدها على كتفه : حبيبي تبيش تعشى
سهيل بعد يدها : نبيش
و مش بيش يغير دبشه شاف الدار قعد يكسر في كل شي و يخرب فيه
ايلين سمعت صوت جت تجري
ايلين : كنك
سهيل : عليش هكي عليش اطلعي برا
ايلين جت قربت منه عيط عليها : اطلعي برا
طلعت ايلين لصالة قعدت تبكي و هو يكسر في دار
شوية سمعت انه هدا خشت لمطبخ جابت ميه
قربت منه و مدتله الميه كسرها و يده قعدت كلها دم و هو ما يحسش : اطلعي ولا وربي إلا نقتلك و محد يسمع عليك وهو يفنص فيها خافت
خدت دبشها وطلعت
أما هو سكر على روحه الدار و كانت فيها حمام من جو
ايلين خشت لدار غيرت دبشها و هي الدموع ينزلوا زي المطر و خشت لحمام حشاكم و مسحت مكياجها و توضت و صلت و تدعي : ياربي كنه حظي هكي انا عمري ما اعترضت على حكمك لكن ياربي انت عالم بيا و عالم بلعشته فيارب أجبر خاطري المكسور و هي تدعي تبكي بحرقة
صباح اليوم
طلعت ايلين لحمام و شافت لقت دار سهيل مسكرة توضت و صلت و شوية طلع سهيل
ايلين : صباح الخير
سهيل مردش
شوية و دق الباب .......
أنت تقرأ
او୭ڪـسـۖجـﮧـيني 🥺🖤
Romanceروايتي تحكي عن بنت احلامها بسيطة جدا حاربت الكثير ولا زالت تحارب لإبقاء تلك البساطة 💜. رواية واقعية 💯
