او‏୭ڪـسـۖجـﮧـيني 🥺🖤

الحلقة الثالثة عشر

يوم السبت ساعة 10:30 ص
فاطمة : عندكش محاضرات اليوم
ايلين : لا عندي بس محاضرات بنراجعهن
فاطمة : شوفي أختك نوضيها قريب الظهر
ايلين : هيا
ويرن التلفون
فاطمة : هدا أحميدة اكيدة على سلف سعاد، الو
أحمد : صباحك مبروك وخيتي
فاطمة : صباحك ورد
أحمد : كيف حالك وحال البنات اليوم
فاطمة : الحمد الله بخير
أحمد : سالتلك على راجل ماشاء الله طلع ولد ناس و محترم و حالته المادية فوق ريح و مش بتع جو بنات و كان برا يحضر له أربع سنين و السنة رد هنا كلهم شكروه ليا وراي رايك وخيتي
فاطمة : الحمد الله يا ربي معنها نرن على سعاد عشان مقابلة
احمد : باهي بيش تقوليلي اي شي ينقصك او كذا و بلغيني قبلها بيوم مع سلامه
فاطمة : حاضر في امان الله

شوية وهب يرن التلفون اخرى
فاطمة : الو والله إلا بنت حلال توا كنت بنرن عليك 😅
سعاد : القلوب عند بعضها كيف حالك شن دايرة وشن صار في موضوعنا
فاطمة : تمام الحمد الله ، كل شي تمام وامتى ما نبو تجو تفضلوا
سعاد : خير البر عاجلواه ان شاء الله يوم الاثنين
فاطمة : على خيرة الله
عند سهيل
طق الباب ،فتح
حسام : صباح الخير
سهيل : صباح الخير في القايلة
حسام : تي غر مشيها قتلك رآه الجماعة وافقوا و قالوا يوم الاثنين فاضين
سهيل سرح شوية يفكر شن بيلبس شن بيشيللها يبي يغير فكرتها عليه : باهي تم
حسام : مافيش تفضل لاشي
سهيل سكر في وجه الباب 😂😂😂
لبس و تعطر و طلع طرف و اتصل لصديقه انتيم فرج طبعا فرج متزوج و عايش برا بيساله شن يشيللها لأنه خبره
فرج : امتى هدا كله وانا مش قاعد
سهيل : مقابلة ما قتلكش بكرا متزوج
فرج : باهي يا سهيل باهي
وقاله انه يجيبلها ورد جو هدا لان سهيل مش فاهم واجد تقليد الليبيين بحكم انه كان برا فترة وكيف تصير المقابلة و الجو هدا
بعدها طلع لجامعة لان عنده كم محاضره يعطيها

ساعة 2:00

صباح : هوما تعالي تغدي البنت من بدري وهي تقرى
محمود : ربي يوفقها ويفتح عليها
ريهام كانت في دار ساحرة و على اساس تقرى لكن موقف اسامة معلق في رأسها
صباح خشت لدارها : تعالي سلم بنتي غداء
ريهام : حاضر وطلعت معها
محمود : واخيرا طل القمر
ريهام  : 😕 خوي حبيبي شكلك مريض خليني نشوف حرارتك
محمود : خيرك انتي تحرم والواحد يحن عليك ويقولك كلمة سمحة خلاص قعمزي يا خرا
ريهام : ايواه هكي عرفتك انك وخيي
تغدوا و غسلت ريهام المواعين وتفكر نبعتله ولا لا زعما يبص عليا ويخبر محمود مستحيل لو بيخبر عليا لو قاله في نفس الوقت عليش الإصرار هدا غريبة خلاص نبعتله و نعرف القصة
كملت المواعين خشت لدارها ومحمود رقد و صباح على تلفزيون و خذت تلفونها ....

عند اسامة
فقد الأمل انه تبعتله و حبه ليها شاعل في قلبه هو بيعرف هل هي مرتبطة او تحب حد بيش يطلبها لان عارف محمود حصلة
اسامة : أخ يا اسامة فرخة تحرقلك في دمك آخر الزمان من هي وصغيرة نعليا صنته ذوبتني لعند توا في خشمي ما نحتش و كيف كانت تلعب و نهزب فيها عهدت نفسي انها تكون ليا غر تكبر يارب تبعتلي يارب
نحكيلكم قصة اسامة
قبل 15 سنة
اسامة : خشي جو قتلك
#يتبع
اسفه تأخرت لضعف النت