او‏୭ڪـسـۖجـﮧـيني 🥺🖤

الحلقة الرابعة والعشرون

صباح جديد
ايلين : صباح الخير يا احلى ام
فاطمة : صباح النور بنيتي تعالي لازم تفطري كويس لامتحان
ايلين : حاضر
نيفين : صباح الخير
فاطمة : صباحووو
ايلين : هيا رآه نتاخروا
نيفين : هيا مع سلامه مامتي
فاطمة ؛ ربي يرعاكن
طبعا فاطمة و سليمة هن يلي يطلعن و يجهز لبتات ايلين لأنها توا تركز في قرايتها لان امتحانات قربن و لكت مرة مرة تطلع معهن
و كملت تقريبا كل شي معدا شوية تفاصيل صغيرة

اما سهيل كان كل يوم يحكي معها و يوريها كل ديكورات و حاجات يلي يديرهن لشقتهم و كان ديما  يقول لها عشنا هدا يلي حيشهد على حبنا كان كل شي يديره حبنا ليها و كانت ديما الإبتسامة في وجه و مرة مرة يسألها على قراية ولو تبي أي مساعدة

في الجامعة
ايلين : والله فرحتلك يا هيما
ريهام : عرفتك والله اه اسمعي مش تقوليلي مش حنجي و طروح ختيبي نقتلك رآه
ايلين : باه نشوف سيلو قبل
ريهام : ينعنجد سيلو خسارة من كم شهر تكرهيه  و تكشخي عليه صدق من قال مابعد الكره و العداوة إلا الحب
ايلين : ايهه صاح انا بروحي كل ما نذكر نضحك على روحي
ريهام : بكرا اول ايام الامتحانات يستر الله
ايلين : خايفة قريب نموت
ريهام : عليش تخافي ما عندك سيلو
ايلين : مبردك
مرن ايام الامتحانات بسرعة كانت كل يوم تروح و تتصل بريهام و تقوللها انه كل سؤال قال لها عليه سهيل مهم لقته بوجه 😂😂😂
ايلين : انا حنتزوج مشعوذ
ريهام : تي اكيد أطلع على امتحانات
ايلين : لا والله واخد إجازة
ريهام : ايهه ربي يخليكم لبعض يارب 😍😍 ، قتلك ما مرتش عليك روان
ايلين : لا من هديك اليوم قبل البيان معش شفتها
ريهام : غريبة والله

روان : هكي مش حتم كل شي و حتكون لكي
أنور : وين يا ام الأفكار والله ما تخطر على إبليس
روان : توا لازم نراجو بس

نحكيلكم قصة روان وليش ما تحبش ايلين طبعا روان شكلها عادي و ايلين حلوة كانوا كل الناس تحبها لادبها و اخلاقها و زمان كانت روان معجبه بشخص و تحكي معه في يوم بيشوفها كانت ايلين معها هو نعجب بايلين أما هي فاتها لكن ايلين معطتش وجه
فلما شافت أنور كيف عاشق ايلين بطريقة غجرية تستغل فيه بيش تنتقم منها

بدأت ايلين في تجهيزات لعرس من الفيلو ل مزين
نيفين خدت فستان احمر طويل قررت انه هي و ريهام  تمشي مع أختها يشيلهم خالهم

خليني نحكيلكم يلي صار مع ريهام جا اسامة طلبها رسمي و داروا فضانية و بيان و بعد يكمل حوشه يديروا العرس و هي كانت مع ايلين لحظة بلحظة من حمام العرايس لحنه كانت كل ما تشوف ايلين دمع ولو كأنها تقربلها لين الناس يسحبوها من أقاربهم

ليلة توديع العزوبية
سهيل عدى هو وصاحبه فرج لحلاق و قامها بيه وأيمن كان في استراحة ينسق في الجو هو و بوه

أما ايلين وتن طاولة في جميع الأصناف و ساعة يولعن منظومة و يرقصن و يغنن و ساعة يبكن انه ايلين بتتزوج
ايلين : والله ما حنسكن في مريخ علاش جو النكد
نيفين تمسح في دموعها : ايه خلاص هيا

طبعا اليوم يلي بعده الفاتحة لبست فيها ايلين البودري و كانت طالعة تجنن
انقرت الفاتحة و اتصل بيها سهيل
سهيل : مبروك يا حلا لي
ايلين تحشمت : الله يبارك
واحد من اصحاب سهيل : وين يا راجل و حني كنا ندور عليك
سهيل : لحظه بس
صاحبه : لا مافيهش و خدا ال فون اسفين يا مدام لكن اليوم بناخدوه منك 😂😂😂
سهيل تكنطه : هات الخرا سكرت عليك جو ديروا فيه
صاحبه : تي هيا عاد و انت جو الرومانسيات مش وقتهم 😂😂😂

ايلين كانت ميته من ضحك 😂😂😂
شوية و جابوله خبزه و سكر بيش تحط فيه عود الكبريت "عادة من العادات بيش نعرفوا من يلي حتزوج بعد العروس " دارت ايلين يلي قالو  لها عليه وأول عود طاح كان عود نيفين الكل فرح لكن نيفين تعجبت  😂😂😂
نيفين : حي كيف هكي
ايلين كانت عارفه بعلاقة نيفين و أيمن لكن دايرة روحها ما تعرفش
ايلين : مبروك خيتي حتلقيني 😉😉😉
نيفين : 😱😱😱😱
ايلين همستلها في وذنها : 😂😂😂😂 عارفه كل شي مش نقول لحد

في الليل دارو حنه الصغيرة
لبست ايلين فستان ابيض بالأحمر و دارت شعرها

ريهام : شن رايكن نديروا زي ما يديروا الأتراك
نيفين : شنو
ريهام : ايلين تقعمز في النص و نخطو وجها و نقعدو نلفو عليها و نغنو
نيفين : والله فكرة تغير جو بعد يخشن الصبايا نديروها

طبعا ايلين تحبش الحنه فحنو يديها بس
خشن الصبايا و كلمت نيفين ايلين و قالت لها وافقة

قعمزت على كرسي في الوسط و خطولها وجها
وهن قعدن يرقصن و يغنن
ريهام رفعت الغطاء : ايلين شن قلنا لازم تبكي لأنك ب تسيبي الحوش
ايلين تضحك : عليش نبكي مافيش شي يبكي
ريهام : ايلين
ايلين : باهي حنحاول
و نزلت الغطاء
ايلين قعدت تذكر في حياتها قبل و كيف انه و لا شخص من طرف بوها بيحضر  عرسها و بوها يلي له سنين ماشفتش ولا فكر ان يجي يشوفهن و بدن دموعها ينزلن بشويش
ريهام حست انها تبكي شوية و عدت جبتلها ميه و مناديل
ريهام : حبيبتي خلاص
ايلين حضنتها و جت حتى نيفين معهن : ربي يخليكن ليا ......