اه ما قتلكمش ان ريهام اعترفلها اسامه بحبه وهي كذالك وقبل بيجي يخطبها قالت له خليها بعد الامتحانات وهو وافق لكن كاين خايف انه محمود يشدها وهي تحكي معه و يضرها خشت الدار وطول على النقال
ريهام : حبيبي
أسامه : عيونه
ريهام : نستاذنك بنمشي لفضانية صحبتي
أسامه : استاذنتي من محمود
ريهام : ايه ، انا تستأذن منك لأنك حتكون زوجي
أسامه مات في كلمة زوجي : اه طالما محمود وافق معنديش مشكلة لأني متأكد منه
قعدو يحكو مع بعض زي عصافير الحب
أنور : اسمعي لعند توا ما شفتش منك حاجه
روان : اصبر كنك انت
أنور : نختصرلك حتى لو غصب عنها نبيها مش شوري بيك وسكر
نحكيلكم قصة أنور
يحب ايلين حب مش طبيعي وياريت يعبر فيها بكلام لطيف او هكي لا يعامل فيها بجكتره و كان ديما يحاول انه يخبطها و طيح و يضحك عليها يحبها تكون مهنه " مريض نفسي " بنظرة انه العنف و عدم الشفقة هو الحب
كان متفق هو و روان انه يحددها بحيث ترضخله ولا ينشر صورها لكن الصور يلي كانن عند روان عاديات و ما يتهددش بيهن
لكن روان في بالها فكرة ثانية و تطبخ فيها على نار هادئة
وجا يوم الخميس
وتم كل شي على خير و الكل فرحانين و اتفقوا الرجالة سهيل كان طاير من الفرح و ايلين كذالك
فاطمة : الف الف مبروك على بنيتي
سليمه : مبروك عليها فطومه
ايلين حضنت أمها و تبكي و أمها تمسح على رأسها
ريهام تبكي: ايلين خلاص سادك عاد
ايلين حولت من على أمها : وانتي كنك تبكي
ريهام حضنتها : فرحتلك وربي كأني اني يلي فضانيتي اليوم 😭😭😭
ايلين : وين نيفين
نيفين من بعيد
نيفين : ايلينو لا متتزوجيش 😢😢
ايلين : تعالي يا ام لسان
جتها تجري حضنتها
نيفين : ما تخلينش
ايلين : قاللولك بكرا متزوجه اني
نيفين : مش شوري 😭😭😭
سليمه : خلاص عاد هيا نفرحو
هيجو و فرحوا و غنوا و روحوا كل واحد لحوشه واتفقوا على كل شي و خالها توكل بالأمور المهمه
أحمد : الف مبروك خالي
ايلين مطبسه رأسها متحشمه : الله يبارك فيك
اوس واليأس : نبو شكولاته
كلهم : 😂😂😂
نيفين : تبو شكولاته صار تعالو معايا يا طشة منك ليه
اوس : نبي الحمرة
اليأس : لا اني نبيها
نيفين : انتم الاثنين حتاخدو حمرة هيا قدامي
اوس و اليأس : هاي هاي احسن نيفي
نيفين : 😂😂
روحت ريهام و أحمد و مراته كلهم مبسوطين و فرحانين و يجهزوا لبيان و على شن بيقدموا وشن بيجهزوا و كذا
طبعا ما جتش كثلوم ولا أي من اقربهن كانن مقررت يديرن فضيحه لكن على اساس اذكرن خوهن و قالت انه احسن شي ما يمشنش
لكن راجلها و ولدها علي جاو
علي لما كان ياخد في السفر لمح ايلين و قعد يأكل في صوابعه ندم عليها
بعد روحو
كثلوم : من العرب
صالح : الحق ناس محترمين و عائلة راقية وربي يتمم عليها
علي كان سارح
صالح : بنخش نرقد
جا علي يلاه أمه
علي : اليوم شفتها ايلين
كثلوم : باهي شن جديد
علي : ماشاء الله رايحه قمر مصور
كثلوم : اسمعني كويس عمرك ما تفكر فيها انت تعرف الحكاية و الرواية و اصلا مستحيل توافق عليك من ماضيك الأسود و الكلام يلي كنت تعزق فيه عليها
علي قلب وجه و خش لدار
عند سهيل
سعاد : بعد بكرا حنطلع نوتي باقي الحاجات النقصات سهيل : تمام اهم شي تستريني و كل شي يكون يرفع الرأس
حسام : كون هاني وان شاء الله ربي يتمملكم على خير و نشوفوا عيالك
سهيل ابتسم : تصبحو على خير
سعاد & حسام : وانت من أهله
نزل لشقته و خش لداره و ارتما على سرير و حط يديه على رأسه و يتخل ايلين بالفستان يلي جابهولها
مر الاسبوع بسرعة.....
أنت تقرأ
او୭ڪـسـۖجـﮧـيني 🥺🖤
Romansروايتي تحكي عن بنت احلامها بسيطة جدا حاربت الكثير ولا زالت تحارب لإبقاء تلك البساطة 💜. رواية واقعية 💯
