او‏୭ڪـسـۖجـﮧـيني 🥺🖤

الحلقة عشرين

خدت نيفين من المدرسة و طول لحوش
 فاطمة حكت لايلين على كل شي و فرحت واجد حست انه سهيل مش بتع الكلام يلي قالته عليه روان لان لا طلب رقمها ولا حكه معه و تحق فيه في الجامعة ما يعبرش في ولا وحده و قررن انه يديروا الدفع "فضانية " الخميس هدا و الخميس الآخر البيان

طول ايلين اتصلت بامرأة خالها بيش يجهزن أما فاطمة اتصلت بعمات ايلين بيش يحضرن

فاطمة : الو كثلوم كيف حالك
كثلوم : الحمد الله بخير كيف حال البنات
فاطمة : من الله بخير نبي نبلغك ان دفع ايلين يوم الخميس الجاي بيش تحضري
كثلوم: كيف امتى كيف نحنا آخر من نعلموا عليك صحة وجه و جاية تعزمي فيا
فاطمة : انتي اصلا تسألي عليهن بنات خوك و مدورتيهن حتى في العيد هن يلي جنك ريح روحك يا كثلوم انا من باب اصلي كلمتك كن ما هذا مارنيت عليك
كثلوم : يا حبيبي كرم أصل باهي قول يلي علمتي بنتك كيف طيح الشباب المقروشين "يعني بتعيين الفلوس الورق يعني "
فاطمة : احترامي نفسك شن يلي تقولي فيه
كثلوم : فكيني من طروح البراءة كنت عارفه كل شي انت يلي قايلة لباتي نبي ولدك و تزمزكيله انا زبطتك لكن الله يرحمه كان مساندك
فاطمة : اسمعي كل يلي تقوليه عليا مش مهم ولا اثرتي فيا و كان على بنات هدا دليل انه معزة خوك عندك صفر و اني درت يلي عليا مع السلامه
وسكرت
كثلوم : طيح مزالها سكرت في وجي تفيه نشكي فيك ربي

فاطمة دارت روحها عادية تبيش تسود قلب البنات على عمتهن

مع العصر جت سليمه مرأة خالهن و طلعن معها لسوق إلا نيفين على اساس عندها امتحان
طلعو وقعدت بروحها طول طلعت النقال
نيفين : أيمن أيمن اهو ووو
رنت و سكرت و قعدت تراجي مقدرتش

أيمن كان مع الشباب في الكفي رن التلفون ماعدلش عليه ورن مرة ثانية شافه لقه رقم غريب عرف انها نيفين مقدرش يرد عليها فعطها مشغول
نيفين : طح سعده و مزاله و انا يلي نعبر فيك

أيمن : تم يا شباب نتلاقو
وائل : وين مزال بدري خليك
أيمن : عندي موضوع بنتمه
مؤيد : خليه هدا جفاف راكبه 😂😂😂
أيمن ضربه على وجه : خليته لكي الجفاف هيا وجك
مؤيد : 😂😂😂 تم

ركب السيارة و طول رن عليها
نيفين : حي يرن
جت بترد
نيفين : لازم نردها له بيش يتادب وهب عطته مشغول
أيمن : ينع&#$ الفرخة هدي شكلها بتبدا في اللعب
رد رن عليها
أيمن : وربي ماترد ان نقلبها عليها
نيفين : يرن يرن 😂😂😂 خلاص حنرد بسم الله الو
أيمن يهدي في روحه : فيش كنتي مشغولة يا أبلة
نيفين  : الواحد يقول خير قبل
أيمن : انتي خليتي فيها خير عليش الجو بتاعك هدا
نيفين : انت يلي بديت رنيت عليك و سكرت مارديتش و نرن عليك بعدها و تسكر في وجي من أولها هكي
أيمن ميت من ضحك لكن مابيلنهش : اصلا مكنتش فاضي
نيفين : ماشاء الله حسيتك ماسك شركات و خبر
أيمن : انتي شكله رأسك مسكر و لسانك طويل
نيفين : و خيرهم احسن منك بلا ضمير
أيمن : انا بلا ضمير باهي يا نيفين باه
نيفين : ايه انت ، هضا ما باهي في حد يزعل بنيه حلوة زيي
أيمن ذاب في صوتها وبرائتها و طفولتها : حلوة قلتيلي
نيفين تحشمت حست انها أوفر : باهي خلاص عندي قراية بأي
أيمن : باهي معش ترني عليا انا حنرن عليك فهمتي
نيفين : فهمت
أيمن : نجيها تسمع في كلمتي هيا تشاو
نيفين ؛ تشاو
سكرت وكانت فرحانه لدرجة مش طبيعية و كانت لما تقرى ما تركزش تفكر فيه هو وبس

أما أيمن سكر من حدها و هو في باله حاجات

عند سهيل
طلع مع بنت خوه بيش يختار الحاجات يلي بيشلوهن بنفسه من الفستان لاخر حاجه

ملاك : سيلو شن رايك في هدا
سهيل : ماعجبنيش واجد
ملاك : باهي تو نشوف واحد ثاني

خدا معه ملاك لانها تعرف مقاس ايلين

قعد يبرم على المحل وشوية
سهيل : ملاك ملاك
ملاك : نعم ، الله يهبل
سهيل : شن رايك
ملاك : خيال يطلع عليها يجنن
وكملوا باقي الحاجات وروحو
ملاك : صراحة سيلو ذوقك خطير محظوظه ايلين بيك
سهيل يبتسم
ملاك : اه قتلك في حاجه بنقولها لكي لازم نجيبوها
سهيل : شنو
ملاك : .....

روحت ايلين و كملن كل حاجات يلي يبنها ليوم الخميس
ايلين : اه سيقاني
سليمة : 😂😂 مزال ما شفتي شي
ايلين : ينعليا 💔
سليمه : ايه ايه مزالك البيان و العرس و دوشته مزلتي ياما حتشوفي

جا أحمد
أحمد : كملتو حاجاتكم
سليمه : ايه الحمد الله
فاطمة : ايلين شيلي الحاجات
ايلين : حاضر و صبت
أحمد : كلمتي عماتهن
فاطمة : ايهه كلمتهن و صوتها خناقه العبرة
أحمد : شن فيه قال لك حاجه
فاطمة بدن دموعها ينزلوا : بنات معندهن حظ مع حد
أحمد : هدي روحك سلم وخيتي عارفتني نتحملش فيك شي
سليمه صبت تجيب ميه
أحمد : احكيلي شن دارن
حكتله يلي صار وهكي
أحمد : اخس لكن وخلاص معقولة هكي بنات خوهم يحكو عليهن ما تزعليش روحك حتى لو ما جوجش انا نقعدلهن العم و الأخ و الأب و الخال و ما تضيقهاش على روحك و كلام صبايا فوتيه توا خوات سليمه يجن معهن وأن شاء الله ربي يتمم كل شي على خير
سليمه : تفضلي فطومه
فاطمة  : سلمك سامحيني نتعب فيك
سليمه : عيب عليك فطومه والله نعد فيك زي اختي الكبيرة و ما لينا غيرك و ماتاخذي هم شي خيتي نيروز حتجي تساعدنا و أما الباقي حيجن يوم الدفع
أن شاء الله ربي يتمم كل شي على خير
فاطمة : ان شاء الله

أما ايلين كانت تسمع لهم و تبكي مسحت عيونها و خشت لدارها و قعدت تحكي مع أختها على السوق و شن بيديروا واتصلت بريهام و حكتلها كل شي
ريهام فرحتلها كانت تدعي انه يكون راجل حلال ويسعد صاحبتها
ايلين : لازم تجي
ريهام : تنحاول لكن ما ناكدلش
ايلين : كيف هدي مش شوري بيك والله نطلعلهم و نقول لهم معش نبيه
ريهام : ديريها عارفتك 😂😂
ايلين : اني قولتلك
ريهام : ان شاء الله ربي يهنيك و يسعدك يارب
ايلين : امين توا هيا وجك
ريهام : مصحك يا كلبة توا تحكي هكي و نبدري توسلي لي
ايلين : والله تعبانه
ريهام : عرفتك هيا تصبحي على خير
ايلين : وانتي من اهله

طلعت ريهام من دار بتحكي لأمها و خوها و بعد الف ترجي و توسل و ذل وافقوا
ريهام بست خوها على خده : ربي يخليك ليا يا احلى أخ
محمود : رآه نغير رأي
ريهام : لا خلاص تصبحو
محمود : تصبحي
صباح : ربي يهنيها مسكينه لا بو ولا جد ولا أخ
محمود : ربي يسعدها الحق ماشفتش كيف ادبها و أخلاقها
صباح : وإن شاء الله ربي يرزقك ببنت الحلال يلي تستاهلك و تستاهللها
محمود : ان شاء الله

اه ما قتلكمش ان ريهام اعترفلها اسامه بحبه وهي كذالك وقبل بيجي يخطبها قالت له خليها بعد الامتحانات وهو وافق لكن كاين خايف انه محمود يشدها  وهي تحكي معه و يضرها

خشت الدار وطول .....
#يتبع