او‏୭ڪـسـۖجـﮧـيني 🥺🖤

الحلقة إحدى عشر

روان : باي ، ريهام مش هدا دكتور سهيل
ريهام : ايه هو
روان : بنساله و نجيك
عدتله روان شوية عطها بظهر لكن هيا خبطت على كتفه
وبعدها برم عطها نظرة تخوف و تسخف بهت فيها من فوق للوطة و عاد وسيبها وكل يلي في كلية شبحولها
و تهزو عليها

عند ايلين
ايلين في سوبر ماركت : اعتقد هدا كل يلي قلتلي عليه
ركبت سيارتها و بعدها روحت بنيفين وهوب لحوش
نيفين : ماما ماشاء الله اليوم فالحة
ايلين : سلم دياتك
فاطمة سلم بنيتي نيفين طول لكوجينه رآه مش تعطلي زي العادة 😂😂
نيفين : ايه ما أحميدة جاي هدا علاش

فاطمة : ايلين تعالي نبيك في موضوع
ايلين : حاضر
خشن لدار و خلن نيفين على مواعين😂😂😂
طبعا نيفين تعرفش تغسل المواعين الا بالسماعات و الاغاني و ربط الوسط جو رقصات 😂😂😂

فاطمة : بنيتي هدي عمتك سعاد يوم يلي جت طلبتك لسلفها الصغير و الحق الولد دكتور و ما عليه العيب
ايلين قعدة ساكته
فاطمة : اه يا بنتي اني خبرتك و اليوم نخلي خالك يسأل عليه أكثر لكن على حسب ما سمعت انه محترم و بخدمته و سعاد ماشاء الله عليها مش حتلقي سلفه كيفها والماضي صفحة اطويها و ارميها وراك
ايلين سحرت وأول ما حكتلها أمها خطر عليها سهيل مش عارفه ليش وفي نفس الوقت مش عارفه أن هو نفسه عريس الغفلة 😂😂😂
ايلين : اني موافقة لكن أهم شي قرايتي
فاطمة : ان شاء الله و حنشاور خيي
ايلين : تمام تبي شي مامتي نعدي نلم الشيتات قبل يجو شياطين الحمر 😂😂😂"هدوما عيال أحمد تؤام اسمهم اوس و اليأس و ايلين سمتهم هكي لأنهم شيطانة 😈😈😈بكل "

عند سهيل
سهيل : عليك جيل كل مرة لون و شكل إلا وحده سرقتني بحياءها نعليا من عيون الكبار و الخشم الصغير سهيل ارزن عاد
دق الباب
سهيل : ايواه
عصام : اهلا بالعريس
سعاد : اهلا بولد العم " طبعا قلتكمش سعاد تقربلهم مش بنت عمهم لكن نفس القبيلة "
سهيل : تفضلو باستغراب ؟!
عصام : نحنا جاينك في موضوع مهم يا وخيي انت ليك سنين عايش في الغربة وتوا رديت ما دبينا تكمل نص دينك و نتريحو عليك
سعاد : ايه و عروستك عليا
سهيل : مخخطين لكل شي واني آخر من يعلم و لا كانه شوري الموضوع
سعاد : البنت قنينة مافيش كيفها اسمها ايلين و اكيد تقري فيها

سهيل لما سمع اسم ايلين قلبه دق و بدي يعرق حاول ما يحسسهمش انه يعرفها لان سهيل معروف بشخصيته الواعرة بيش ما طيحش هيبته شرني 😂😂
سهيل : باهي نشوفها و نقرر وهو فرحان
سعاد : يصير خير نشوف أمها بيش نحكيلها امتى مقابلة
سهيل : اهم شي بلغيني قبلها
سعاد : تم
عصام يبهت فيهم : مبارة انتهت بالتعادل 😂😂😂

عند روان
روان : والله ما ني مسيبتك يا سهيل و حاولي ليا اكيد
قلبت النقال ولقت صور لايلين مصورتهن عندها لكن قدم ابتسمت ابتسامة تخوف

عند ريهام
كملت قرايتها طلعت تشوف أمها
صباح "ام ريهام" : سلم بنتي وتي روحك وخيك بيجي بيش نعدو لعيت عمك
ريهام :حاضر
لبست ريهام قونه ليكرابيج بلوزه زيتيه و فوقها عباية اكيد
وصلهم محمود و عده لخدمته
فتحية "مرت عمها" :نورتونا ماشاء الله هيما رايحة قمر اهلين صباح كيف حالك
صباح : سلمك يا رب، الحمد الله
عدت ريهام شور بنات هدرز معهن و كل وحده تحكي قصة حبها إلا ريهام تتحسر انها لا حبت ولا انحبت

وفجأة يطفئ الضي .......
#يتبع
شن تواقعاتكم
تاق لاصدقاءكم باليز 💛

بكرا في الصبح حتكون في حلقة