او‏୭ڪـسـۖجـﮧـيني 🥺🖤

الحلقة السادسة و العشرون

شوية و دق الباب
سهيل بينه وبين نفسه: اكيد جايبين الفطور
قرب من ايلين لين تخابطت أنفاسهم مع بعض و ايلين و دقات قلب ايلين مسموعة : اسمعي تدوي حرف نهارك اسود ولا كان في شي فهمتي
ايلين بخوف : فهمت

فتح سهيل
ملاك : صباح الورد يا عرسان 
سهيل : صباحك قشطة
ملاك : اهو الفطور افطروا و بعد شوية وتي روحك لينو بيش نعدو لمزين
ايلين تبهت في سهيل : اه حاضر
ملاك : هيا نستاذنكم
قعمز سهيل بيفطر جت ايلين بتقعمز جنبه عطها نظرة طيرة نية الوكال
صبت جهزت نفسها بيش تعدي مع ملاك
سهيل فطر و طلع
سمعت ايلين باب اسكر
ايلين : عليش هكي يا سهيل بس
لمت السفرة و برمت على شقة وشوية و جتها ملاك طلعت معها لمزين لان ايلين بتلبس عربي

ملاك : شن جوك مع سيلو
ايلين : الحمد الله
ملاك : ربي يهنيكم يارب
ايلين بينها وبينه نفسها : كان نحكيلك شن يلي صار اه ، ردت عليها : امين

روح بيهن سهيل و حتى هو كان لابس زبون
ملاك : سيلو تصور
سهيل شاف لايلين : شن رايك نصوروا
ايلين : ؟؟؟؟  باهي

نزلوا
مصورة : ماشاء الله عرسان جدد
ملاك : أمس عرسهم
مصورة : ربي يباركلكم
خدو صور و كانت مصورة تقرب فيهم سهيل لما يقرب منها و يشم ريحتها يذوب فيها و يهذي بينه بين نفسه : ليش درتي فيا هكي يا ايلين انا حبيتك ليش

كملوا و طلعو لحوش خشت ايلين مع ملاك و سهيل ولع سيارة و عدى 

قابلنهن عمات سهيل و قعمزو ايلين و عطوها سفرة فيها جنيهات توزعهم على العيال الصغار طبعا داروا عشاء و كل حد روح لحوش ايلين مشت لشقتها حولت العربي و مسحت المكياج و لبست بجامه و لفت شعرها لفوق

عند سهيل
كان مع أصحابه في كافي
فرج : شن جوك يا عريس متهني
سهيل : الحمد الله
طبعا في شلة كان في واحد ما يعرفش سهيل
صهيب : اوو انت عريس مش باين فيك والله
سهيل : ايه جديد
روحوا شباب وقعدوا سهيل و صهيب
صهيب غمز لسهيل : شن رايك تصلي معايا
سهيل : وين
صهيب : مكان يريحلك رأسك
سهيل : تمام
نحكيلكم على صهيب هدا عنده عصابه كلهم سكير و حشيش و دعارة عرف انه سهيل عنده فلوس قال يسلحب منه شوية

عدو لشلية و قعد يعطي في سهيل يشرب في بداية رفض لكن شيطان🍻 وز في رأسه و بدأ يشرب طاسة ورا طاسة لين خش في سكر 🍺و بدأ يهذي بايلين
سهيل : شن درتي فيا يا ايلين
صهيب حتى هو ساكر🍺 : من هي
سهيل : مش شورك
صهيب : باه
سهيل : هيا ماشي
صهيب :  😴😴😴
طلع وهو يدعدع

واستمر القصة هدي أسبوع كامل يطلع الصبح يرد في الليل أما ايلين تحسف على حظها

ايلين : الحمد الله و صفينا 
ريهام : ايهه والله ، لينو عندي ليك خبر
ايلين : شنو
ريهام : عرسي بعد أسبوعين
ايلين : تبصري وأخيرا حنفرح بيك يا عمري
ريهام : ايه كمل اسامة كل شي و من بكرا نبدأ نطلع لسوق
ايلين : ربي يهنيك يارب
ريهام : شن جوك انتي و سهيل
ايلين بهتت انه مافيش حد : اه الحمد الله

قعدن يهدرزن ...

 
#يتبع