او‏୭ڪـسـۖجـﮧـيني 🥺🖤

الحلقة الثامنة عشر

سهيل : و في حاجات لازم تعرفيهن باش ما تقوليش عليا حنكد عليك وابصر شنو عند كالآتي :
اي سروال قصير ويبين في رجليك حتنسيه و تفوتيه و تنحيه من بالك نهائيا بيش ما تنكديش بعدين وتقولي ينكد عليا معيشتي
اي سورية قصيرة او كمها مش كامل ولا جاكه ضيقة مش حنخليك تفكري فيها تفكير انك طلعيها من الدولاب بيش ما تنكديش بعدين وتقولي ينكد عليا معيشتي
المكياج ثم المكياج ثم المكياج مش حديري إلا على  الخفيف بحيث اني لو شفتك نسحابكش مدايرة
و روج البودري فوتي أمه لأنه لو فكرتي انك ديريه حنطيره لكي بشواربك اني حذرتك بيش ما تنكديش بعدين وتقولي ينكد عليا معيشتي
الاكسسورات الخواتم لا دبلتك حتكون فقط في يدك بيش لو صار نصيب يعرفو انك على ذمة شخص واكيد الحدايد حتكون وحده بس يلي هي يكون عليها اسمي بس و ساعة سودة فقط لا غير الكعب العالي الشفاف تبدي تعزقيهن لان في حياتك معايا مش حتلبيسيهن عندك كويس اسود و شخشبر اسود لركبة
و كان تلبسي عباية قنينة طويلة واسعة تطلع عليك تحفه و بهكي تكوني زوجتي و ام صغاري و حور عيني في الدنيا و الآخر 💛
أما القراية عنديش مشكلة ولا حتى شغل لكن لازم تلتزمي بشروطي 😊
ايلين انصدمت بكلامه في نفس الوقت شعور حلو بكل تحس بيه لأول مرة
سهيل : شن رايك
ايلين : اه خليني نفكر
سهيل : تمام خودي وقتك و صلي استخارة
خش أحمد و قال لها تلم الفناجين و طلعت
نيفين : شن صار معك احكي
سليمة : يا بنتي احكي
فاطمة : بنيتي شنو صار
حكتلهم ايلين و فرحن بلقطت سهيل لقهوة و كلامه دال انه يحبها بصدق
ايلين طايرة من فرح لكن قررت انها تصلي استخارة
روح سهيل وهو فرحان و خايف انه ترفضه ايلين

خبر خوه و مراته بالصار

عند أيمن كان يراجي في رنت نيفين بساعة و ثانية لكن إلى الآن ما صارتش

أما عند ايلين
كملن حوستهن و روح خالها و قال لها : ايلينو حبيبتي خالو صلي استخارة و كان تريحتي كان بيها و كان لا عادي في الف من يتمنك
ايلين : ان شاء الله
أحمد : هيا تصبحو على خير
فاطمة : وانتم من أهل الخير
سليمة تسلم عل ايلين و توشوشلها في وذنها : راهو يحبك فكري كويس
سليمة :تصبحي على خير فطومة
فاطمة : وانتي من أهله سلميلي على هلك
سليمه : يوصل
خشت نيفين وطول رقدت من تعب و فاطمة برمت على حوش و رقدت كذالك إلا ايلين هي الوحيدة الواعية
صبت توضت و صلت و قعدت تدعي : يارب لو هو مافيش خير ليا بعده عني يارب يلي ذقته زمان موجعني ليوم يارب مانبيش نعيش نفس ماما يارب يكون ولد حلال و يصوني و يصون امي يارب كانت تبكي و تدعي بعدها حست فجاءة بشعور بالسكينة التامة تريحت و رقدت
وهي راقدة حلمت حلمه و كانت طول الوقت مبتسمه 💜
زعما بشنو حلمت 😂😂😂
أما عند ريهام طول اليوم كانت في دار على اساس تقرى لكن عرفين شن دير مع الحبيب 😂😂😂

أما روان كانت تغلي شن صار و كل شوية تبعت ل.... رسائل

صباح جديد حل على جميع
نيفين ناضت قبل ايلين "غريبة 😂😂😂"
نيفين : ايلين نوضي هيا
ايلين : خلني راقدة
نيفين : تي هيا تقول حلمتي بعريس الغفلة
ايلين : مبردك على صبح
ناضت وتت روحها لانه عندها محاضرات

#يتبع