او‏୭ڪـسـۖجـﮧـيني 🥺🖤

الحلقة ما قبل الأخيرة

أخت أنور ورت أمها كل شي قعدت تشوف في حقارة و انحطاط ولدها يلي ما عمرها ما قصرت معه في شي خشت في حالة صدمة لين معش قدرت أنها تحكي و يديها تكتفن

مشى اليوم صعب على ناس و ناس لا
ناس عرفت قيمة الحياة و  ناس فهمت أن ظلم ماهوش بسهولة يلي يعتقدوها و ناس برغم من كل يلي صار معهم املهم في الله أكبر من أي شي و في ناس نادمة على كل تصرف كان مفروض عليهم و عارفينه أنه غلط

بعد مرور أسبوع طويل على الكل

سعيد : لو سمحت الله يرحم والديك عطيني فرصة وحدة نشرحلك
احمد: اسمعني اني وعدت اختي اني مش حنقرب منك أنت هكي بتخليني نكسر وعدي ونجي نخليك تحفر قبرك بيدك

سعيد : انت اسمعني لو ما اعقتنعتش دير يلي تبيه انا بس غايتي الوحيدة اني عوض بناتي يلي صار و نكون عائلة
أحمد : مع ساعة 5:00 نتلاقو مكان ..... و انظني قتلك شن بيصر لو ختلت عليا

عند ايلين
تعبت من الكل يلي صار معها و حكت لأمها كل شي بهدوء فاطمة انصدمت لكن قررت أنها توقف مع بنتها مهما يصير و طبعا وكلة محامية بيش تطلق من سهيل

أما نيفين بعد عرفت بيلي صار مع أختها تعاركت مع أيمن و قررت تنفصل عنه برغم أنه ترجها لكن حسمت قرارها

أما ريهام عايشة في العسل 😂😂😂

مع آل 4:45

جا أحمد  و بعد شوية وصل سعيد وقعمز
سعيد : السلام عليكم
أحمد : و رحمة الله و باركته ، هيا ابدا
سعيد بدا يحكيله في كل القصة

أحمد : معقولة في ناس و صلت لهكي
سعيد : ايهه والله ومستعد نجيبلك شهود يا أحمد اني نادم نادم و كل شي كان غصب عني

أحمد : أن شاء الله يصير خير عطيني كم يوم نفتح الموضوع معهن
سعيد : خود وقتك اهم شي نبي نصلح الماضي

مر اليوم عادي ايلين و فاطمة بدن في الإجراءات و أحمد ما يعلمش بشئ و نيفين مكتئبة لأن يلي دار سهيل في أختها مش شوية و أيمن مش متفهمها و في نفس الوقت تحس أنها ظلمته

بعد يومين
حكى أحمد مع أخته وحكلها كل شي صار مع سعيد و بعد سمعت و فكرت حن قلبها عليه وحبت أنه تعطيه فرصة ثانية و قالت أنه تفاتح البنات بالموضوع

نحكيلكم توا قصة سعيد
طبعا كيف ما كلكم تعرفو أن سعيد زمان كان في معه وحده اسمها تهاني و على اساس تحبه و هكي طبعا بعد ما سيب فاطمة و تلقى بيها و تزوجو و قبل كم سنة من جيته لأحمد توفت تهاني
قصة تهاني أنه كانت تحب سعيد بجنون لدرجة أنه عملتله عمل ما خلتش يتقبل أي إنسانة إلا هي و بالفعل له كي سعيد كان رافض أنه يتزوج فاطمة و الفالحة "قصدي تهاني " العمل دايرته على اساس لو مات واحد منهم هي او سعيد ينفك "مسكينه كانتش تسحاب روحها هي يلي حتموت 😂😂😂" على مهم طول فترة بعد توفت تهاني عدى سعيد لشيوخ و تعالج بالرقية الشريعة و نفسيته تريحت و بدا يفكر كيف دار هكي و كان ديما يقول كان في شي هو يلي يتحكم فيه  لكن توا تغير و نادم على يلي داره و بيبدأ صفحة جديدة مع بناته و فاطمة

عند أيمن
حالته ولت مدعدعة قعد من إنسان يحب الحياة لإنسان يتمنى الموت مئة مرة  .

بعد كم يوم فاتحت فاطمة الموضوع مع ايلين و نيفين و حاولنا يتقبلن الموضوع و حسن من كلام امهن أنه فعلا هو تغير و لأحسن

مع العصر

سعيد : خايف يا أحمد
أحمد : لا ما تخافش اختي فهمتهن كل شي

فتحت نيفين الباب و دغري ارتمت في حضن بوها
نيفين : بابا
سعيد : بنتي نيفين

وشوية و جت ايلين من بعيد بنظرات طفلة مكسورة
سعيد بعد نيفين شوية و عدى ايلين
سعيد : سامحيني
وجا بيبوس على يدها
ايلين : لا والله ،وحضنته
ايلين : استحشتك بابا
سعيد : وأنا أكثر

و شوية جت فاطمة بتسلم عليه قال لها : سلمك ربيى يا الغالية

اليوم كله عدى مليان فرح و سعادة  بردت سعيد و لم شملهم

بعد يومين
طق الباب
شخص : انت استاذ سهيل
سهيل : ايه تفضل
شخص : هدي لك
سهيل : شنو هدي
شخص : هدي برقيه من المحكمة مراتك رافعة عليك دعواة لطلاق
سهيل : كيف
شخص : كيف ما سمعت عن إذنك

سهيل تعفلق معش قدر يتحمل و ولع سيارته و طلع

عند ايلين

فاطمة : توا طالعين و معانا أختك ردي بالك من روحك
ايلين : حاضر مع سلامه
فاطمة : مع السلامة

ايلين : وأخيرا حنتفرج على مسلسل la casa de papel

و شويه تسمع الباب يخبط ....

اسفه جدا على تأخير