او‏୭ڪـسـۖجـﮧـيني 🥺🖤

الحلقة الأولى

فاطمة : مزلتن قريب تجي 8 😴
ايلين : خلاص اني نازلة وانتيي هيا بسرعة
نيفين : باهي ماقعدتيلي إلا نفاخ اوف 😫
ايلين : سقدي بلا طولت لسان😜
فاطمة : اهو الفطور واتي
ايلين : نجيلي طامي يا خيا😘😘
فاطمة : بلا قلة أدب 😱
نيفين : وسعي بالك تمتوم 😅
فاطمة : ما أشر منك إلا هي هيا بلا تمرخاي
ايلين : هيا اطلعي سلامات يا حب 😍😂
فاطمة : في أمان الله
نيفين : باااي
ايلين : هيا انزلي
نيفين : تمام تشاوات
ايلين : تشااو
طبعا نعرفكم على نفسي وعائلتي
اني اسمي ايلين طالبة سنة أولى اسنان و نيفين اختي الوحيدة طالبة ثانوية عامة و طبعا اكيد عرفتوا طامتي هذي تقعد مامتي وعشقي😍 بابا عدى و سيبنا بروحنا من نحنا وصغار وهي بالنسبه لنا قعدت الام والاب راعتنا و دارت بالها علينا و كوني البنت الكبيرة وما عنديش خوت شباب خلاني نتحمل مسؤولية فوق من عمري لكن كنت قدها و تغلبت على الصعوبات مواصفاتي انا نشبه لبابا أكثر من ماما عيوني كبار بنيات و شعري طويل اسود داكن و متوسطة الطول عندي غمارتين كبار و اختي نيفين عكسي عيونها خضر و شعرها اشقر و بيضاء ديما ناس ما يصدقوش ان خوات من الاختلاف يلي بينا .
نرجعو لي في طريق
في الجامعه 9:00
ريهام : طولت الفرخة هذي ولا
روان : اي صح مزال 5 دقائق على المحاضرة
ريهام : اهي جت
ايلين :صباحووو
روان : صباح النور كنك طولتي
ايلين : شوية زحمه و خذيت نسكافي من الكفي
ريهام : هيا ماعش فيها بتبدأ المحاضرة
ايلين : لتس قوووو قايز
طبعا هذينا وتينات روينه وهومي كنا نقرو مع بعضنا من الابتدائي كبرنا مع بعضنا وقررنا نخشو لنفس الكلية
روان : اسمعن قالوا غيرو الدكتور جابو دكتور جديد
ريهام : يستر الله لأن الاول الله لا يرحمه
ايلين : كيف بعض مهم ان نديرو يلي علينا والباقي على الله
ريهام : قالك
روان : بنت قالتلي انه مش كبير زي الأول قالت في الثلاثينات و ان طررررف و فلوس و خيال اه مش متزوج ولا خاطب
ريهام : حي علينا
ايلين : تي حي عليك شني انتي الثانية نحنا جين نقرو مش جين بيش هذا طرف وفلوس ما دري شني
ريهام : ايه صح
بنت : جا الدكتور
#يتبع