او‏୭ڪـسـۖجـﮧـيني 🥺🖤

الحلقة الاخيرة بارت الثاني

و خشن مع بعض كان وضع روان ميؤس منه وقال لها لو عندك عمر تعيشي وأنه معندهمش لها أي علاج

خشن عليها و كانت في العناية المركزية على الاوكسجين

وأول ماشافت روان ايلين نحتهم
روان وتبكي : ايلين انتي ايلين
ايلين : اهلا روان كيف صحتك
روان : مش كويسة بكل ايلين سامحيني ارجوكي سامحيني
ايلين : عليش
روان : انا كنت سبب في يلي صار بينك و بين سهيل ايلين : مافهمتش عليك
روان : انا يلي شوهت صورتك في عينه
ايلين : شن تحكي انتي مستحيل
روان : لا صدقي و معايا أنور لكن أنور عدى لربه لكن انا ربي يعذب فيا بالبطئ
و ايلين تسمع و مش مستوعبة و عيونها يدمعن وحطت روان تحكيلها و حاطه يديها على وذانها بيش تسمعش
ايلين : خلاص معش تحكي خلاص
ريهام مصدومة
ايلين قربت منها : كيف تبيني نسامحك بعد يلي عشته كله كيف مانيش مسامحتك تسمعي مانيش مسامحتك ولما نتلقوا مع ربي حتشوفي عقاب أكبر من هكيي
وطلعت و هكي متسكرة من رفقة يلي كانت بالنسبة لها العمر كله

أما ريهام : انتي إنسانة كنت تعرفي بمعاناة يلي شافتهن تفي على وجك لعنة الله عليك
وطلعت

وشوية بدا جهاز النبض يطن و جو الدكاترة يجروا و دارولها إسعافات ما ولا ردة فعل و جابو الصدمات مرة اثنين ثلاثة لين وقف النبض نهائيا

تسريعا لإحداث
اتفقوا أيمن و نيفين أنه يديروا عرسهم الأسبوع الجاي لانه أيمن يقدرش يصبر 😂😂

و بعد أسبوعين داروا العرس و عدوا العرسان شهر عسل في تركيا
أما ايلين كانت تنق لسهيل لين فجأة برحلة لباريس لمدة أسبوع
سافروا حتى هم وعاشوا احلى لحظات عمرهم و كانوا يوثقوا في كل حاجه بالصور كانوا في قمة سعادتهم

بعد مرور شهرين

ايلين : نقدرش نشوف نيفين شوفي انتي
نيفين : لا لا خلي ملاك
ملاك : هاتي جاي
ايلين : شن صار
ملاك : مش عارفه شن تقولك
ايلين : مش ما
ملاك : الف مبروك حتولي ام
ايلين : خزي قطعتيلي قلبي
نيفين زغرطت
ملاك : ماشية نكلم ماما باهي
ركبت سعاد "ام ملاك عمة نيفين " : الف الف الف مبروك وأخيرا حيجينا بيبي لكن ديري بالك من روحك ولازم تعدي للدكتورة
ايلين : حاضر لكن بالله ما تقولش لسهيل
وهنا سهيل كيف كان راكب لشقة و طنت في وذنه كلمة ما تقولوش و قعد يسمع
ايلين : نبي نفاجاة 😍😍😍
سعاد: ربي يهنيكم يارب اهم شي اني نبلغ فاطمة
ايلين :تمام

بعد سمع الكلام فرح و قريب فضح روحه و دغري رد لسيارة في راسه خطه

في الليل
لبست ايلين روب ابيض و حطت ميك اب بسيط و قعدت تدوي كيف المجنونة
ايلين : عارف يا ماما نتمنى تطلع زي بوك بالضبط 😂😂 لا بعد تفكير أحسن تطلعلي اني

شوية فتح الباب
و خش سهيل
سهيل : السلام عليكم
ايلين : وعليكم السلام نحطلك عشاء
سهيل : انتي تعشيتي
ايلين : لا لا كنت نراجي فيك
سهيل : باهي حطي ناكلوا مع بعض
حطت ايلين العشاء وهم يأكلوا
سهيل : عندي سفرة يوم 13/2
ايلين : قصدك بكرا ليش
سهيل : في أدوات وأجهزة ناقصات عندنا بناخذوهم من برا
ايلين : كم بتقعدوا
سهيل : مش معروف ممكن أسبوع أسبوعين
ايلين زعلت لأن كانت مخططة أنه تقول يوم عيد الحب
ايلين : تقدرش تأجل الموضوع
سهيل : نقدرش بكل لأن افتتاح العيادة قرب
ايلين : أي عيادة
سهيل زلق لسانه : عيادة واحد صاحبي
ايلين : اه تمام