عند ريهام
كملت قرايتها وشافت أمها وخوها وخشت لدرها
عبء رصيد لشفرة و بدن الإشعارات 📲📥
لقت قريب 20 رسالة من اسامة : ريهام كنك صار معاك حاجه ، ريهام خوفتني ، نرن عليك كنك ماتردي، ريهام شافك محمود ....
فرحت ريهام لما شفت خوفه عليها و حست انه هو فعلا صادق معها
اسامة كان ماسك التلفون و يقلب في رسائل لما حكى معها وشاف انه تمت رؤيته دغري بعتلها
: اهلا ،كيفك
ريهام انفجعت كيف عرف 😂😂😂😂 : اهلين الحمد الله بخير وانت
اسامة : دوم تمام لكن فجعتني
ريهام : انا
اسامة : اها انتي توا نبعتلك ترديش ليش
ريهام : والله كمل رصيد الشفرة
اسامة : اها قصدك فاتحة نت على شفرة
ريهام : اهاا
أسامه فهمها انه السبب محمود انها طولت : باهي فكرتي في كلامي
ريهام ضحكت : ايه
اسامة كان متمدد على سرير اول ماشاف الرسالة تربع على سرير 😂😂 : باهي شن رايك
ريهام : انا مش مرتبطة والحق انت باين انك كويس و محترم
اسامة فرح : خير البر عاجله بكرا نجيب امي تخطبك ليا
ريهام هي تبي تأكد من صدق مشاعره وهل تكنله اي مشاعر أو لا فحاولة تسبل : اه لا توا في فترة امتحانات اول ما نفضى نقولك لكن قبل لازم نتعرفو ولا
اسامة 😂😂😂 : كيف نتعرفو اني ولد عمك
ريهام : ايه عارفه لكن ليا زمان معش شفتك ورايح متغير هلبا
اسامة : اه فهمت عليك حقك
وبدأ يحكيلها في قصة حياتها وهي كذالك حكتله عل صداقتها مع ايلين و انعجب بيها انها صداقة نقية قعدو يحطو لين كل وحد نعس و رقد
كلهم راقدين بأحلام مبطنه بالامال 💜
إلا نيفين ما رقدتش بكل 😂😂😂😂
صباح يوم الاثنين
فاطمة : ايلين تعالي افطري راكي دوخي عليه الراجل 😂😂😂
ايلين : 😂😂😂 حاضر
نيفين توا كيف رقدت 😂😂😂
فاطمة ؛ وين نيفين خليها تجي تفطر بيش تركز في امتحان
ايلين : راقدة مزالت ما وعتش
فاطمة ؛ طيح سعدها وقت على مدرسة توا اني نوضها
فتحت عليها دار و فتحت الرواشن
فاطمة : نوضي وقت على مدرستك
نيفين مش راقدة طول الليل 😂😂: به
و ايلين تولع في السيارة و دير تشك أب عليها
لبست على سريع و ودعت أمها من بعيد
ركبت السيارة
نيفين :تكي عل أي كوفي نبي قهوة سادة
ايلين :تم
نزلت وجابتلها كل شي تبيه
جت بتتنزل لمدرسة ....
ايلين : تي حي عليك جاية بسباط الحمام 😂😂
نيفين : بيش فطنت لروحها اسلحي كندرتك بسرعة
ايلين :😂😂😂 به ، أحمد ي ربك اني فطنت
نيفين : الحمد الله الحمد الله غر هيا
ايلين : هاكي .
ونزلت 😂😂😂😂
ردت ايلين الحوش و نظافته و لمعته و وتت كل شي و فعلا كان بيرفكت
رنا عليها ريهام تطمن عليها و حكتلها على اسامة
فرحت انه ربي جبر بخاطر صاحبتها و اذكرت كلام روان لكن قرررت انها تسكت و سكرت
عند نيفين كان يوم مدرسي ممل و كانت طول الحصص راقدة و ملاك مسكينه سعدها طاح منها 😂😂😂
روحت و تغدوا وهي غسلت المواعين ويوتوا لكل شي
مع العصر
جا خالهن أحمد و مراته والتؤام
و قعدت مرات خالهن تساعد فيهن و تفهم في ايلين لكن ايلين كانت في حالة خوف مش عادية وحاولت بقدر الإمكان انها تكون طبيعية
رن الباب
أحمد : تفضل ان ست تفضل
خشت سهيل جايب بوكيه ورد أحمر كان منظرة خيال بكل و علبة شكولاته فرايرو روشي و بكلاوة
ايلين لبست فستان باكمام طويل واسع لونه كحلي وشاح ابيض مخربش نقشته حلوه مع ميكب بسيط و دارت القهوة بعدها وقالتها مرت خالها ان تحط ملح في فنجان العريس بيش تعرف يبيها بجد ولا لا 😂😂😂
خشت ايلين بالسفرة و كانت موطية رأسها
أحمد : ضيفيه هو الأول
وجت بترفع رأسه وهنا بدأت الصدمة شسعت عيونه و طحت السفرة منها
أحمد : حصل خير ، كب القهوة فال خير
لمت السفرة وخشت بيها
سهيل ميت من الضحك
خشت وجها منحمر
سليمه : شن صار معاك
ايلين : طلع دكتوري يلي فجامعه
نيفين كانت تضحك و خلاص
ايلين ؛ كنك تضحكي و مش مستغربة ولا كنتي
نيفين : كنت عارفه كل شي من الأول لكن هو حلفني ما نقولش
ايلين : حسابك بعدين
صبتلها سليمه قهوة أخرى و حطتلها الملح " مصرة ما😂😂😂"
وخشت مدت لسهيل الفنجان يلي فيه ملح وأحمد الآخر
أحمد : قعمز يا خالو
ايلين : حاضر
سهيل شرب تقزز في باله انها لخبطت فمشها
ايلين نظرتله نظرو انتقام و بينها وبين نفسها يستاهل 😂
طبعا هدينا عادات يدروا فيهن بحيث يعرفوا هل شخص صاح ناوي البنت و مستعد يتحمل عشانها قرف القهوة بالملح 😂😂😂
سهيل : أحم أحم
أحمد فهمها طول : فوني يرن نرد و يجي 😂😂😂
سهيل يبهت فيها و هيا مطبسة رأسها
سهيل : كيف حالك
ايلين : الحمد الله
سهيل ؛ شكله الصدمة كانت قوية عليك لدرجة انك طيبتي السفرة و لخبطتي بين الملح والسكر 😂😂
ايلين من جوا ميته من ضحك : ايه 😅
سهيل : توا خلينا في موضوعنا انا نبي نكون معك صريح انا من اول ما شفتك خشيتي خاطري و كل مرة قلبي يجذبني لكي ما كنتش نبي طروح بتع شباب توا و علاقات و قطف جيت من الباب دغري
ايلين ساكته ولا نطقت بحرف و دقات قلبها تتسابق 😂😂😂
سهيل : و في حاجات لازم تعرفيهن .....
#يتبع
أنت تقرأ
او୭ڪـسـۖجـﮧـيني 🥺🖤
Romanceروايتي تحكي عن بنت احلامها بسيطة جدا حاربت الكثير ولا زالت تحارب لإبقاء تلك البساطة 💜. رواية واقعية 💯
