او‏୭ڪـسـۖجـﮧـيني 🥺🖤

الحلقة التاسعة عشر

صباح جديد حل على جميع
نيفين ناضت قبل ايلين "غريبة 😂😂😂"
نيفين : ايلين نوضي هيا
ايلين : خلني راقدة
نيفين : تي هيا تقول حلمتي بعريس الغفلة
ايلين : مبردك على صبح
ناضت وتت روحها لانه عندها محاضرات

نزلت تفطر
ايلين : صباح الخير
فاطمة : صباح الورد ،ها بنيتي شن صار معاك
ايلين : في شنو ماما وهي تأكل
فاطمة : في الاستخارة
ايلين اذكرت الحلمه : اه ماما بنقولك أمس بعد ماصليت حلمت حلمه
فاطمة : ان شاء الله خير شن حلمتي
ايلين بصوت هادي : حلمت بحمامه بيضة تهبل تلف على حوشنا كله و تطلع و ترد تلف من جديد
فاطمة فرحت لان عارفه ان الحمامه البيضة خير : صاح معنها خير يا بنيتي لكن شن نرد على سعاد لو سالتني ايلين تحشمت انها تقول لأمه موافقة : انتي شن رايك فاطمة : تبي مني راجل ما ينعاب لكن انتي شنو تريحتيله ولا لا بنتي تحشميش مني انا أمك
ايلين : تبي الحق نحس براحه مش طبيعية والله وانا موكله ربي ولو خير ليا يقربه مني
فاطمة فهمت : خلاص معنها ترن عليا حنقوللها انه موافقين تمام
ايلين حضنت أمها و حبتها على رأسها : ربي يخليك ليا
نيفين : اوو بنبكي لكن عندي مدرسة هيا وانتي ماخرتني في جرتك
ايلين دمعت و فاطمة كذالك مسحن دموعهن
وطلعت ايلين و معها نيفين "ام لسان طويل 😂😂😂"

فاطمة : في امان الله

وصلت نيفين لمدرسة و في طريقة لجامعة
ايلين : صباحو
ريهام : صباحو شن جوك يا عروستنا
ايلين : الحمد الله وانتي
ريهام : تموم شن صار في بو نسيب 😂😂
ايلين حكتلها يلي صار كلهم طبعا ماتت من ضحك و فرحت لصحبتها
ايلين : كنك تضحكي يارتني ما قتلك
ريهام : لا والله مش قصدي شي لكن صدمني الصراحة هدا كله يطلع من دكتور سهيل
ايلين : ايهه 😍😍😍 ،اسكتي توا ردي بالك تحكي
ريهام : عليش
ايلين : بعدين نحكيلك
روان : هاي بنات
ريهام : هايات وين يا طير ليك وحشة وين الغيبة
روان : مريضة ،شن جوك ايلين شن صار معاك
ايلين : اه اجلنه لخميس الآن خالي ما فضش أمس
روان تغير وجها : باهي يلي فيها خير يجيبها ليك ربي توا باي عندي محاضرة
ريهام مستغربة ؟؟؟
ايلين : باهي نتلاقو
عدت روان و في رأسها أسئلة
ريهام راجت لين بعدت و بعدها : كنك كذبتي انتي
ايلين : اسكتي راك تفضحينا توا نحكيلك
و حكتلها كل شي
ايلين : انا نحس ان في شي غريب لكن اثبتاته ليا هي
ريهام : كيف ؟؟
ايلين : كنت كل ما يجيني حد ونحكيلها تطلعللي في سبل و كان فعلا حقيقة لكن مرة هدي ماصدقتهش نحس انه مش ناويتلي الخير لكن ما نبيش نظلمها و نكون واعيه وفي نفس الوقت "داري على شمعتك تقيت " يعني خلي يتم شي رسمي و نقوللها
ريهام : طالما هكي صدقتي بالي ما قتلها حتى انا و صاح ديما نحس فيها تقرب واجد من أنور
ايلين : ربي يهديها
هيا محاضرات عندنا

عند سهيل
ناض كله تفائل و نشاط رن على زميله و قاله انه معتذر اليوم وانه له فترة ما خدش رست

فطر  و قال لخوه انه سعاد تكلمهم ولو وافقت يخلي كل شي بسرعة وطلع اول ش حلق و غير ستايل شعره و بعدها لسوق كان فرحان و خايف انه ترفضه ايلين

ترن ترن
فاطمة : اه هدي سعاد ، الو سعودة "😂😂😂"
كيف حالك
سعاد : الو فطومة الحمد الله بخير وانتم
فاطمة : الحمد الله بخير والله
سعاد : دومه يارب ها شن صار موافقين
فاطمة : انا سألت البنت وافقة 😁
سعاد : لو لولولو لوليش والله فرحتني كنت خايفة
فاطمة : ماتقولش ان بنتي بتولي سلفتك 😂😂
سعاد : 😂😂😂 ايه لكن يشهد الله بنتك نقطة في المصحف جمال و أدب مستحيل نلقه زيها كان بودي ناخدها لايمن لكن هي عارفتها مش متوافق لأنه بينها وبينه سنتين 😂😂😂
فاطمة : ربي يخليه لكي وان شاء الله تفرحي بيه
سعاد : ان شاء الله اه قتلك رآه الراجل مستعجل و قال انه يبي الدفع "فضانية " والبيان في الأسبوعين هدينا
فاطمة : نشور خيي و البنت وأن شاء الله يصير خير
سعاد : ان شاء الله اهم شي بلغيني قبلها
فاطمة : تمام مع سلامه
سعاد : مع السلامه
سكرت سعاد وبلغت راجلها و دغري بلغ سهيل و طار من الفرح وأما سعاد بدت تبحث و تفكر شن تبي دير وشن بيشيلو

عند نيفين
ملاك : معقولة لعند توا
نيفين : اهاا
ملاك : مصح وجك لكي يومين طح سعدك باه
نيفين : يومين شني وانتي تخرفي أمس ما جا عمك لخطبة اختي وأول أمس بس كيف عطاهولي ، و مش على اساس لازم نثقل ولا كيف
ملاك : اوكي لكن مش لدرجة نحق فيه قالب وجه يوجع فيا و شكله محتشم يحكيلي
نيفين : يا حياتي الحنينه الله يسامحك وانا يلي كنت نذل عشان تعطيني رقمه ما عطيتني
ملاك : زمن اول كنت نبيه هو ينذلك لكن كسر خاطري
نيفين : يصير خير

عند ايلين
ريهام : مش غريبه اليوم اعتذر د.سهيل
روان : اها صاح غريبة
ايلين : ؟؟؟ ، اوكي لازم نروح باي
روان و ريهام : بايات

خدت نيفين من المدرسة و طول لحوش
 فاطمة حكت لايلين على كل شي و فرحت واجد حست انه سهيل مش بتع الكلام يلي قالته عليه روان لان لا طلب رقمها ولا حكه معه و تحق فيه في الجامعة ما يعبرش في ولا وحده و قررن انه يديروا الدفع......
#يتبع