او‏୭ڪـسـۖجـﮧـيني 🥺🖤

الحلقة السابعة و العشرون

قعدن يهدرزن
شوية سمعت الباب فتح
ايلين : اوكي نحكو جا سهيل
ريهام : تمام تنسيش بيش تجي
ايلين : تم

سهيل سلح الكويش

ايلين جاته : ممكن نحكي معاك
سهيل ساكت ولا حرف
ايلين : عرس صحبتي قريب عادي نعدي نجهز معها لأنه هي وقف..
سهيل : باهي
ماعطهش اهتمام و خش لدار و سكر الباب

عدت ايلين لحوش هلها بيش تمشي منه لريهام فاطمة حست بشي غريب انه ايلين رايحه ضاعفه خافت لكن قعدت تقول بالك تهيالي

عند روان
أم روان : كنه وجك رايح زي الليم
روان : أكيد من الإرهاق
أم روان : شن أخبار صحبتك يلي ازوجت الدكتور
روان : نندريش و مش هامني
أم روان :عليش ما تقوليش عشان هدك النذل
روان : ايهه إني نكرها
أم روان : أحمدي ربك أن لا جاك ولا حتى عبرك
روان : ليش
أم روان : تي سمعته زفته و يتاجر بالمخدرات
روان وجها انخطف ولا كأنه وقف الدم في الضخ في جسمها حست بشعور اخي بكل
روان : متأكدة
ام روان : كيف ما نشوف فيك

في اليوم الثاني

طلعت ايلين و نيفين من الحوش و كان في شخص يبهت فيهن من بعيد لين تباعدن و بدن دموعه ينزلن لا اراديا

أما عند روان
الدكتور : انتي أكيد يا أختي مؤمنه بالقضاء و القدر
أم روان : الحمد الله
الدكتور : بنتك عندها سرطان دم و في مرحلة رابعة
أم روان قعدت تعيط : بنتتتتي
روان هنا عرفت أنه هضا عقاب رباني و بدت تبكي

عند أنور
يبهت في صورة ايلين مع روان و يضحك
شوية وحط ال فون بيرقد حس أنه ثقل وكرعيه صقعن بشكل غريب جاب بطانية تغطى ورقد

بعد ساعتين
أم أنور دق الباب عليه دقت و دقت مافيش رد
خشت عليه
أم أنور : سلم ولدي نوض
تهز فيه و هو ما يردش شوية قلبته لقته ميت
عيطت عيطة لمت عليها الحوش
أم أنور : انووووور

عند ريهام
كانت هي و ايلين يساعدن يد بيد كل شئ جا كيف ما تبي و أحسن و ايلين كانت فرحانه لصحبتها و طول الوقت سلفيات و نيفين تصور بالفيديو كانت ايلين فرحانه لصحبتها لأن كانت عارفه المعاناة يلي عاشتها

ليلة العرس
ايلين لبست فستان وردي طويل و ميك أب خفيف على وردي و  شعره مفرود على ظهرها كانت طالعة تحفه لبست عبايتها و طلعت مع سهيل في سيارة بيش تجيبش الإنتباه و معها نيفين أوامر السيد أيمن 😂😂😂

وصلوا لقاعة كلهم و خشت العروس و طلعت قمر و لحظات و خش أسامة رفع الطرحة و باسها على رأسها و همسلها : وأخيرا
ريهام ابتسمتله وكانت طايرة من فرح لأن عارفه أنه أسامة مافيش كيفه
و ايلين طول الوقت تبكي 😭😭😭

صوروا و رقصوا مع بعضهم و قصوا تورته و روحو العرسان و كذا لك ايلين و نيفين
ركبت مع سهيل
كان طول الطريق هدوء لين كسر سهيل الهدوء
سهيل : بنسالك تعرفي أنور يلي كان معاكم في دفعة ايلين استغربت : ايه عليش
سهيل : توفى اليوم
ايلين بصدمه : انا الله و أن إليه راجعون
وصلوا قدام الحوش نزلت نيفين و جت بتنزل ايلين مسك سهيل يدها
سهيل : خليكي شوية بنحكي معاك
ايلين : اسمعني من بدري مشيت ولا كأنه فيه ما نبيش هلي يضايقو وماما فيها يلي يكفيها أما انفصام بتاعك هدا معنديش معه حل انا خلاص قررت بنطلق منك
ونزلت و طربقت بابا السيارة

نحكيلك شن صار مع سهيل
وصل ايلين و نيفين وقعد يراجي في سيارته فجاءة جناته رسالة من رقم غريب

مكتوب فيها
" سهيل انا روان أولا حبه اني نعتذر منك على الكلام يلي حتشوفه و بنبدا بنحكيلك على الذنب يلي درته و يلي بسببه ربي عقبني عقاب مالاش آي حل

سهيل : هذي كنها كمل الرسالة
" انا يلي بعتلك الرسائل والصور بتاع ايلين ايلين طاهرة و شريفة انا يلي بعت صحبتي وسرقات منها صورها على سبب تافه و توا ربي بسببها عقبني بمرضي أما الراجل يلي حكى معاك كان أنور و توا توفى  أرجوك سهيل سامحني و خلي ايلين تسامحني انا تعبت ارجوك ارجوك "
سهيل هنا بدا يخبط في راسه على دومان بتاع السيارة سهيل : ليش ما سمعتها ليش ليش ظلمتها و عذبتها ليش لازم نصلح كل شي
....
#يتبع
اسفه جدا يا جماعة كان عندي حالة وفاة