قصص عن العَالم الثالث(السفلي) 😈🖤

قصه رقم 3

- استاذ سمير عايزك تقولي كل حاجة تخص بسمة مراتك السابقة .. واعرف ان كل حاجة هتقولها مهمة جدا ليا في الملف بتاع الحالة ، واحتمال كبير ننقلها من السجن للمستشفي بتاعتنا .. ارجوك متخبيش عليا اي حاجة ..

كان قاعد بصصلي عنيه بتتكلم ، بتقول احكي ولا محكيش ، بس انا عجزت من الملف ده ، حاسس ان العلم مش نافع معاه .. ملف بسمة محمد حسين ، متهمة في جريمة قتل لوالدتها ، مبررتها هتعرفوها لما اقعد معاها ، بس انا حابب اسمع كل الناس ال قريبة منها .. واكيد مفيش اقرب من جوزها سمير ال عشرها شهر كامل في الشقة ، بصلي وقالي ..

-- دكتور عمرو انا راجل متعلم وفي شركة محترمة، وعارف يعني ايه دكتور نفسي ، وعارف انه عمره مبيؤمن بال هقوله ده كله .. بس ال شاف غير ال بيتحكيله ، خليني ابدا معاك من الاول خالص ، انا اهلي من الارياف ، بس متولدتش هناك .. طول عمري شخص شمال يمكن عشان كنت وحيد ابويا وامي .. لفتها كتير اوي يادكتور من اولها لاخر حته فيها ، مفيش حاجة تتخيلها معملتها ، يعني بالبلدي اقول لاي حد ال انت بتفكر تعمله انا عملته من سنين ، امي كبرت وابويا طلع معاش ومرض ، وقالي بالنص انا نفسي افرح بيك قبل ماموت .. في الحقيقة يادكتور انا كنت رافض فكرة الجواز دي من باب وتلت ، كنت خايف ! خايف من ان ال عملته يحصل فيا ..، بس لما فكرت فيها قولت انت عايش ليه ؟ عايز تعمل ايه تاني معملتوش .. وعشان كده قررت اني وافق بس بشرط ، تكون من بلدنا ملهاش في الكلام الفاضي ، من الاخر كده يادكتور ماصلة ..

ساعتها عمامي جبولي عرايس كتير اوي دي بنت فلان ودي بنت علان ، لمحت صورة خالي مخبيها عليا ، مسكت الصورة منه .. اجمل بنت فيهم ! ضحك لامي وقالها

-- والله يافاطمة كنت عارف النظرة دي ، شكله عينه علي بنت محمد حسين المزارع

بصتله من فوق لتحت وبنغمة تهكم وقولته
- هه .. مالك ياخالي ، مالها يعني بنت حسين المزارع دي يابني

ضحك تاني وقالي
-- ميخدكش نفسك كده عليا بس واهدي .. بسمة بنت حسين بترفض العرسان ياولدي
-- هاهاها ملازم ياخالي ترفض العرسان ، يعني البنت حلوة اوي ، مش هتاخد من عندكوا لسه مجاش ال يلفت نظرها ، وعلي العموم هي عجباني وانا عايز ننزل وناخدها ..

كانت ثقتي في نفسي عالية الوقت ده يادكتور ، ونزلنا البلد في اقرب قطر .. وروحنا البيت ، مكنوش عندهم علي بالخبر ، اهالها ناس كويسة جدا استقبلونا احسن استقبال ، بس في نظرة والدها كان زي متقول كده عارف جواب البنت من اوله فبيلطف المسالة معانا زيادة عن اللزوم تمهيد للصدمة ال هيستقبلها ال جي يتقدم لبنته ، بنته ال رفضت تقبلنا اصلا .. ولما فاض بيا وقايم امشي .. طلعت من الاوضه وقالت جملة واحدة

-- انا معرفكش ، ولا عشرتك ولا اعرف طباعك ، بس ليا شرط عشان اقبل ! منعملش فرح وتاخدني بشنطتي دلوقتي ونمشي .. قولت ايه يابن الناس ؟