قصص عن العَالم الثالث(السفلي) 😈🖤

قصه رقم 14

لما فتحت التلفزيون لقيت خبر منتشر في كل القنوات ! المذيعة معاها رئيس مدرية الامن في اتصال هاتفي وبتقوله ..
- معقولة يافندم ؟ معقولة عربية محملة ثلاث ركاب يقفوا اشارة ويموتوا التلاته من غير محد يلمسهم ؟ من غير محد يقرب منهم ! وكاميرة المراقبة للشارع موضحة ده ! معقولة القضاء والقدر بيبقي كده ؟
-- في الحقيقة انا مش عارف ، عايزين تثبتوا ايه يعني ؟ تقصير امني ؟؟ هنراقب الناس وهي في العربيات بتعمل ايه ؟!! ثم ان التشخيص سكته دماغية انا ممكن يكونوا شربوا وماتوا اوڤر دوز !!
-- يافندم التحليلات اكدت انهم مبيشبروش حاجة !!
- واحنا اهو بن ..

قفلت التلفزيون .. ايه يعني ٣ يموتوا بطريقة غريبة ! هيتنسوا ، مهو مات قبلهم كتير واتنسوا ، بس الغريب ان الصحافة مهتمة اوي باخبراهم ، يمكن عشان اولاد رجال مهمين في الدولة ، مهتمش كتير وجهزت كوباية قهوة وحولت اتصفح علي الانترنت ، الاخبار كلها عنهم ، الفيديو انتشر بطريقة غريبة .. الاشارة وقفت المشاه بتعدي التلاتة بيدردشوا مع بعض .. واضح ان واحد فيهم بيغير الاغنية ، بعد ٤ ثواني ، راس الاتين ال قدام بقوا علي تابلو العربية وال في الكنبة مال براسه وهو فاتح بؤء .. ، لما شوفت الفيديو الوضع كان غريب فعلا .. التلاته ماتوا بطريقة غريبة فعلا ، بعد دقايق الباب خبط علي شقتي .. كان واقف شخص غريب .. ابتسلمي وقالي
-- ممكن ادخل ؟
بصتله وانا مستغرب وقولتله اتفضل .. قعد في الصالون وكان بيتامل المكان ، وبيتامل شقتي الفقيرة وهو بيقول !! ازاي ؟؟
-- ازاي ايه ؟؟
بصالي ومسكني من كتفي وهو بيقولي ازاي واحد في عبقريتك عايش في المكان الحقير ده !! .. انت فنان وانا بعشق الفنانين .. عملتها ازاي ؟
- حضرتك بتتكلم عن ايه !! وازاي ايه ؟ ومين الفنان ..
ضحك ، ضحكة غريبة وهو بيقولي ..
-- لا لا ياخالد ، بلاش كده ! قولي ازاي قتلتهم وايه السر ؟ ..

بلعت ريقي وانا بقوله اني مش فاهم حاجة بس ضحك تاني وقالي ..
-- ياخالد ، ياخالد اتعاون معايا انا مش مباحث ، انا زي زيك مهندس عاطل ! الدولة رفضته ، بس الفرق بيني وبينك العقل ! انت عقلك فتاك .. هي هي نفس دماغي !! نفس افكاري ، بس انا موصلتش لل انت وصلتله ، انا تحتك حبه ! انا وانت نقدر نحتل العالم ، نقدر نشكلهم زي الصلصال ، العلم ! العلم اقوي سلاح في الوجود .. اكتشفته ازاي ؟
- اكتشفت ايه وانت مين !!
-- Dw ياخالد ..

حسيت اني فورطة كبيرة وقولتله انت عرفت ازاي ؟؟ ..
ضحك وقالي ..
- لما شوفت الفيديو المنتشر لقيت شيء غريب .. التلاته دول مكنوش بيسمعوا اغاني ده جالهم اتصال ! .. الشرطة فتشت في الموبايلات وبطريقتي قدرت اخد موبايل واحد منهم ال قرر من كسله انه يرد في من مايك العربية .. ! بس انت دارس كل حاجة .. دارس ان مفيش حد هيجي في عقله انه يدور في المانسچر عشان يشوف في اتصالات ولا لا ! كمان اكونت وهمي وغريب .. بس يمكن ال يفرق بيني وبينك هو التتبع ومعرفة الاكونت ده كان اخر مرة فاتح منين ، تاهت عليك يابطل ! بس معايا .. مش هتوه ! الحركة دي انا بعملها بس مش قادر اوصل ل Dw .. قدرت اوصل ل فيرس ال NT ومن خلاله بقدر امسح الذاكرة للانسان في اقل من ١٠ ثواني ! .. تفتكر بقي ياعبقري انا وانت ممكن نعمل ايه في العالم .. احنا ممكن نخليهم دمي .. دمي متحركة في ادينا احنا ، نشكلهم زي ماحنا عايزين !! ..

- بص انا مش عارف اسمك ولا ..
- اسمي رمزي .. قولي يارمزي ، عجبني الاسم وانا قاعد معاك ..
- طيب اولا انا مكنش قصدي اعمل كده ! ااا .. انا كنت عايز اسبب ضرر لواحد بس ..!
-- اكيد بسبب قصة حزينة ! احنا بنبدع في الانتقام لما بنعجز عن اخد حقنا بايدينا وخصوصا ان القانون مبينتصفش الضعفاء وعشان كده قررت انك متكنش ضعيف ياخالد .. وعشان كده كان قصدك تقتل ابن صاحب المصنع ال طرد امك زمان .. واضربت ومقدرتش تدفع ايجار الشقة ! وعيشتوا في بيت زي ده وماتت بعد الطرد باسبوع وبقيت وحيد ..
اتكلمت بعصبية وتوتر
-- انت عرفت كل ده عني ازاي ؟!!
- مش مهم ياخالد المصادر كتير وهوتوه فيها المهم ان متحسش انك لوحدك .. انا كمان قصتي تنفع فيلم سينمائي هابط .. عن واحد قرر يحب بنت مدير شركته واكيد انت شوفت السيناريو ده قبل كده في افلام .. بس انا غريت الواقع وقررت انها مدام قررت تنساني ! يبقي متنسانيش لوحدي .. تنسي كل شخص دخل في حياتها ! بمكالمة ماسنچر صغيرة بعد تهكير لاكونت صاحبتها !! ..
- طيب يارمزي انت ولا اسمك انت .. اا .. انت عايز مني ايه !!

- هديك شفرات ال Nt .. وتديني شفرات ال Dw .. ال انا مش عارف اطبق النظام الاخير في ؟
- ولو رفضت !!

اخد اخر نفس من السجارة وبص في عيني وهو بيقولي
-- يبقي العالم ميسعناش احنا الاتنين ! مدام مش متحدين ! واحد فينا هيعيش ..

- انت بتهددني !!
-- اعتبره تهديد !
- بس انا اقوي ..
- القوة مش كل حاجة وبالغلطات البسيطة ال خلتني اوصلك ! تخليني ااذيك .. فكر بس انا مش هجيلك تاني .. نمرة تليفوني معاك ..
ولقيته بيرن عليا !! ..

.
وعشان كده انا جتلك اعترف .. اعترف بالجريمة دي ! هقولكوا ازاي وعايز ابقي شاهد ملك .. اعتقد ان ال جالي ده مجنون .. مجنون وعايز يأذي ناس كتير ، انا مكنتش عايز غير اخد حقي ..
- بص ياخالد انا مش هقبض عليك .. بس تسلمني ال Dw ده .. واحنا بالمهندسين بتاعتنا هنعرف ايه ده ونحذر الناس .. وتتفق مع الشخص ده وتقنعه انك معاه ! وبعدها هيتم القبض عليه ..
خلصت مع العقيد فريد وبعت لرمزي علي الواتس ان هقابله في المقطم .. ولما روحت ملقتوش .. اتصلت بالعقيد فريد
-- تقريبا خدعني ومجاش يافندم ..
-- انت مين ؟؟
سمعت صوت ضحك من ورايا !! .. ها ياخالد نبدا شغل ؟ ولا هتبعني تاني ؟