قصص عن العَالم الثالث(السفلي) 😈🖤

قصه رقم 17

علي مدار 10 سنين من جرائم قتل وخطف ، مشوفتش ال شايفه قدامي !! ، ال شايفه قدامي ملوش تفسير !! ، انا مش عارف انا بترعش من شدة الموقف ولا عشان انا في الغابة والجو برد !! ، انا مش حاسس بجسمي نهائي ، بلاش كلام كتير ! خليني احكيلك ال حصل !! الساعة 9 بليل جه تليفون لقسم الطواريء من طفل صغير بيقول ! ، « انا في الغابة وتايه ، مش لاقي المدرس ولا زمايلي الطلاب !! » خليته علي الخط معايا لدقايق معدودة والخط قطع ، بس ده لما عرفت هو فين بالظبط .. ! اتجهت بفرقة مكونة من 4 ومشينا للغابة

الساعة 10 الاربع كنا هناك ، بندور علي اي خيط يوصلنا للولد ده ! بس مش لاقين اي حاجة ، اتوغلنا جامد في الغابة ومش لاقين حد ! كنا بنادي باعلي الاصوات عشان حد يقول انه هنا ، لقينا اتوبيس صغير ، واضح انه كان بتاع المدرسة دي وده شيء كويس انهم قريبين من هنا ..

الساعة كانت 11 بليل، نادي واحد من طاقم فريق البحث وهو بيقولي في حد متعلق علي شجرة دي !! .. سلطت الكشاف علي الشجرة لقيت طفل صغير ، كنت بنادي عليه ينزل بس مش راضي ، مكنتش عارف ازاي طلع المسافة دي ، مستحيل طفل يطلع المسافة دي !! .. ، تسلقت الشجرة ، كانت عاليه جدا ، مش معقول طفل في سنه يطلعها بالسهولة كده ! ، الاغصان كل مبتطلع كل مبتبقي هشه ، كنت بقوله انت طلعت هنا ازاي بس مكنش في رد منه !! ، لما قربت عليه ب حوالي 3 امتار عرفت ليه مكنش بيرد ، كان ميت ..!

ميت بطريقة غريبة !! نزلت بي وانا بفكر مين ال عمل كده ، عايز اي دليل .. الطفل كان ساقع جدا وفاقد التنفس نهائي فاتح عينه في وضعيه غريبة ..

طلبت من فريق البحث انه يطلع اسلحته وينتشر ويدور في كل مكان ويسبني لوحدي في المكان ده وهنتقابل جمب الاتوبيس ونحفظ المكان كويس ! ، واكدت هنتقابل بعد ساعة جمب الاتوبيس لاننا عايزين نكسب وقت ونلاقي الطفل ال كان عايز مساعدة.. الناس دي محتاجنا ! ..

الساعة كانت 12 بعد منتصف الليل مش لاقي اي دليل لاي حاجة يئست ، بفكر امشي وانادي علي فريق البحث ، بس في حاجة بتقولي متمشيش لازم تلاقي اي حد هنا !! اتكعبلت وانا ماشي ..

اتكعبلت فرجل طفل .. سنه صغير اعتقد ١٤ سنة .. كان قاعد جمب شجرة وانا مش شايفه .. مش لامحه ، طلعت كشافي ووجهته عليه بس كان ميت بنفس الطريقة !! كان جمبه ورقة وقلم .. اتصلت بفريق البحث بس محدش فيهم بيرد عليا ..!!

مسكت الورقة وفضلت اقرا .

"".لو الشرطة ملقتنيش ، او لقتني ميت ، اكيد مش هتفهم اي حاجة ! ، بس لازم انا اوضح لان مش هعرف اوضح غير بالطريقة دي ، المستر جبنا الغابة وقالنا ان الفصل بتاعنا هيستمتع بجمال الطبيعة ، اول ساعات من النهار كان الوضع جميل جدا وهادي ، علي العصر قررنا نشوي واكلنا وبعد مخلصنا جولتنا كنا لازم نروح ! ، بس الاتوبيس اتعطل مره واحدة ، المستر قرر انه يطلب المساعدة بس اشارة التليفون مش مجمعة معاه ! ، قررنا اننا هنبات وهنخيم في الغابة ، فضلنا نضحك ونهزر ، بس انا لمحت حد بيبص علينا من ورا الاشجار ،
محدش اهتم بكلامي ونمنا ! ، ولما صحينا ، لقينا صديق لينا مش معانا فضلنا ندور عليه ! صديقنا كان متعلق فوق الشجرة !! ، المستر اتخض وطلع يشوفه بس لقاه ميت بوضعيه غريبة !! ، المستر فضل يصرخ زي المجنون مين عمل كده !! مسك تليفونه ورزعه في الارض عشان مش جايب اي اشارة !! لمحت بين الاشجار واحد بيبص علينا بس مش محدد ملامحه !! كله اهتم المره دي وفضل يبحث عنه ! ، وانا جريت وراه مكنتش خايف !! بس ملقتوش ولما رجعت دلوقتي لقيتهم كلهم متعلقين علي الشجر بنفس الوضعية ، في الشجرة ال فوقي ، انا دلوقتي شوفت الشخص ده !! الشخص ال مكنتش محدد ملامحه !! ده ملوش ملامح اصلا ، ملوش حواس !! انا سامعه بيقول كلمة واحدة

-- محدش هيقدر يساعدك !! ..

دي كانت اخر سطور كتبها الطفل ده !! ، بصيت فوق الشجرة وانا بترعش لقيت اكتر من 15 شخص متعلقين !! ، جريت علي عربية الشرطة !! ، بس اتعطلت !! الفرقة كمان مجتش بتصل بيهم محدش بيرد ، مفيش اشارة في التليفون !! انا مفيش حل قدامي غير ان اكتب اكتب زي الولد .. واتكلم في الجهاز الخاص بينا يمكن حد يرد عليا .. انا شايف كائن غريب بيراقبني بين الاشجار .. كائن ضخم ومخيف ..! ثواني حد بيتكلم في الجهاز بس الصوت مشوش .. ايوه .. ايوه كده اتظبط .. بس !! بس ده صوت غريب !! صوت غريب بيقول !!
-- محدش هيقدر يساعدك !!