قصص عن العَالم الثالث(السفلي) 😈🖤

قصه رقم 11

خليني اقول ان انا سني ٣٣ سنة بس هقولكوا علي حكايتي من صغري .. بيت عمتي ديما كان مصدر رعب ليا ولعائلتي وانا صغير .. والدتي مكنتش بتحب تودينا هناك ، كانت ديما بتحجج ان بيت عمتي بعيد ، عمتي عايشة لوحدها من ساعة موت زوجها ..

بيقولوا ان كان ليها ابن ومات وهو صغير ، ليا قصة مع البيت ده وانا صغير لسه فكرها كانها امبارح .. عمتي كانت مريضة ووالدي كان لازم يقعد معاها ، ساعتها شبط في اني اروح معاه .. ، والدتي مكنتش حبه ده ، بس كلام والدي ال مشي ، فاكر اليوم ال بيت في .. عمتي قالت تعليمتها ال بتقولها لكل اطفال العيلة .. كانت نايمة علي السرير وقالت

- باسل .. اوعي تخش اوضة الاطفال المقفولة !! .. اوعي تخشها نهائي

قالت الجملة دي واكدت لوالدي ال رد وقالها
-- خلاص .. خلاص يامروة مش كل مرة العيال كلها حفظت ! مش هيدخل اوضة ايمن ..

ساعتها بصتله بصه غريبة كانه قال كلمة غلط .. انا ساعتها عرفت الكلمة دي .. عمتي عمرها مقالت غرفة الاطفال دي بتاعت مين !! كمان عمري معرفت اسم ابنها ال مات !! .. واتاكدت ده لما والدي لاحظ انه قال كلمة غلط .. ايمن !! كانه فكرها بذكري بشعة بتحاول تنسها او كانها هي مش عايزة تفتكر اسم ابنها ..!

اليوم ده نمت .. نمت في اوضة لوحدي ، في منتصف الليل حسيت ان في حد بيخبط عليا !! .. لدرجة اني فوقت ولما فوقت ملقتش اي حد .. ملقتش اي حد في الغرفة خالص !! .. بس لمحت خيال حد بيخرج من الغرفة ! خرجت وراه .. واما خرجت .. سمعت صوت ، كان صوت طفل بيلعب في الغرفة ال مقفولة ! .. قعدت افكر كتير اعمل ايه .. بس فضول طفولتي خلاني اخبط .. سمعت حد من جوه
-- بيقول مين ؟
مش عارف ليه مخوفتش ..
- انا باسل وانت
-- انا ايمن .. تحب تدخل !!
- انت ايمن ابن عمتو مروة ؟ ..
-- تحب تدخل وتتعرف عليا !! انا نفسي حد يدخل ويبقي صاحبي ؟ ..

طلبت اني ادخل .. ودخلت ! كانت غرفة قديمة ومتربة في العاب كتير .. بس مكنش في اي حد !! .. وهنا خوفت ..
-- انت فين !
- انا هنا معاك .. بس انا مش عايزك تشوفني عشان متخفش !!
-- يعني انت مستخبي ؟
- ايوه حاجة زي كده .. تحب تلعب معايا !! ..
-- مفيش وقت انا لازم اخرج عشان عمتي مروة متكشفش اني دخلت ..! بس انت ليه محبوس متخرج !
- انت ممكن تخرجني ..
-- ازاي ؟
- مش مهم ازاي ، بس احنا اصحاب صح !
- اييوه ياايمن بقينا اصحاب
-- خلاص انا هديك اللعبة دي هدية ، بس اوعي تكسفني ..

اداني لعبة ، كانت لعبة بشعة وقديمة .. عبارة عن دبدوب صغير مترب وقديم ! .. بس بطفولتي معرفتش احرجه .. واعتقد ان دي كانت بداية لعنة حياتي ! ..

رجعت البيت .. بالدبدوب البشع .. حولت اغسله كتير بس مكنش في فايدة .. لحد مزهقت ورميته ! .. بس تاني يوم لقيته قدام البيت وعليه رسالة

"" باسل .. باسل ارجوك متعملش كده تاني !! احنا اصحاب وانا مش عايز ااذي صاحبي .. الدبوب ده هديتي ليك !! وانا اتحررت بي .. مينفعش ترميني !!